ESQUERDA UNIDA CELEBRA A RETIRADA DA ACUSACIÓN CONTRA DIEGO LORES

diegoloresEsquerda Unida de Vigo únese á celebración pola retirada da acusación que lle pedía ao activista Diego Lores tres anos de prisión e o pago de máis de 30.000 euros de indemnización por agredir supostamente a un axente de policía durante as mobilizacións de 2014 contra a instalación do barco Bernardo Alfageme na rotonda de Coia.

Ademais do apoio de diferentes movementos sociais e políticos, un centenar de veciñas e veciños se pecharon de forma solidaria na igrexa parroquial do Cristo da Vitoria, nun peche organizado pola Asemblea Aberta de Coia, como protesta polo xuízo ao que Diego Lores se ía enfrontar mañá.

Dende Esquerda Unida reiteramos a nosa alegría pola retirada da acusación contra Lores e recordamos que a mobilización social non é delito, senón unha folla de ruta a seguir.

Advertisements

MAREA DE VIGO PIDE DIÁLOGO ENTRE OS ALCALDES DE A CORUÑA, SANTIAGO DE COMPOSTELA E VIGO, QUE HOXE REÚNENSE EN MADRID COA MINISTRA DE FOMENTO, CARA A ÓPTIMA E LÓXICA ORGANIZACIÓN DOS TRES AEROPORTOS DE GALICIA.

logowebRubén Pérez, voceiro do grupo municipal da Marea de Vigo, despois de ter falado cos representantes do concello de A Coruña e Santiago de Compostela, considera que, o alcalde de Vigo, Abel Caballero debe manter un diálogo cos mesmos, aproveitando a xuntanza de rutas que se celebrará hoxe en Madrid, cara a unha correcta organización dos aeroportos galegos, máis aló de localismos e argumentacións electoralistas.

Marea de Vigo mantén unha postura crítica coa política de subvencións á aerolíñas sen garantías de retorno para o turismo e a cidadanía, e sobre todo sen unha organización “a tres” para garantir a optimización do uso aeroportuario de Galicia.

En todo caso a Marea de Vigo defende que ningún concello subvencione a compañías aéreas, xa que é un gasto impropio da administración local e non acaba consolidando voos nos aeroportos galegos.

Marea de Vigo considera que o alcalde de Vigo debe deixar de utilizar argumentos localistas que carecen de criterios políticos e económicos coma se estivera nun constante mitin electoral para baixarse a realidade e interlocucionar cos outros alcaldes das cidades galegas que dispoñen de aeroporto, como outro modo de defender os intereses das viguesas e vigueses, non facendo que se teña que gastar máis de un millón de euros de cartos públicos en subvencións a fondo perdido a empresas como Ryanair.

ALBERTO GARZÓN E RUBÉN PÉREZ EN VIGO

acto-alberto

ESQUERDA UNIDA DENUNCIA A FALLA DE DEMOCRACIA DO ALCALDE DE VIGO E O SEU GRUPO POLO INCUMPRIMENTO SISTEMÁTICO DOS ACORDOS PLENARIOS

bernardo-alfagemeEU considera que onte “traspasaronse liñas vermellas” no pleno en canto ao respeto á oposición e ó xogo democrático e partidario acusando a EU e outras organizacións de reventar o pleno.

Para o coordinador local de EU, Rubén Pérez, “un pleno o rebenta quen no fai rendición de actuacións e decisións ante o mesmo e quen non garante as máis básicas garantías de funcionamento democrático do máximo órgano da política municipal, que non é o alcalde senón o pleno”

EU exixe xa aclaración de que partida orzamentaria e en base a que conceptos están a consignarse recursos públicos para a obra e instalación do barco Bernardo Afageme na rotonda de Coia. É evidente que non estamos ante un contrato de mantemento polo que “queremos saber que pinta Civisgloblal e o seu retén de mantemento no asunto”.

O coordinador de Esquerda Unida, Rubén Pérez, considera que o cumplimento ou non dos acordos acadados no pleno municipal parece que queda determinado polos desexos do Alcalde de Vigo con respecto a sua idea de cidade, e non dos resultados das votacións dos membros do pleno do Concello de Vigo, aludindo a unha maioria fantasma da cidadanía manifestándose clamorosamente, nesta ocasión, a favor da colocación do Bernardo Alfageme na rotonda de Coia, e chegando o nivel de insultar e calumniar a veciñanza presente no público do pleno.

Esquerda Unida considera que ademáis, no pleno de onte, as continuas descalificacións á oposición amosan que o talante democrático do alcalde e cero; cunha folla de ruta de obrigado cumprimento, ainda que para iso teña que actuar coma o cabalo de Atila.

Rubén Pérez considera que, con luz e taquígrafos, se presenten todos os datos con respecto os custes das obras na rotonda de Coia, así coma que se explique a que capítulos vanse consignar eses custes e por que se considera que isto e un mantemento e non outro tipo de obra, onde é necesario publicitar os datos da mesma.

ESQUERDA UNIDA DUBIDA DA LEGALIDADE DE DESTINAR 300.000 € Á COLOCACIÓN DO BARCO ALFAGEME NA ROTONDA DE COIA, SEN CONTRATO PÚBLICO E PRESUNTAMENTE AMPARANDO A OBRA NO CAPÍTULO DE MANTEMENTO DOS ORZAMENTOS.

bernardo-alfagemeEU pide claridade e trasparencia nesta actuación, a que se opón radicalmente e solicita a sua paralización.

O coordinador local de EU, Rubén Pérez, considera que a premura nesta obra, sen consenso cidadá nin cunha partida orzamentaria propia, agocha unha improvisación de dubidosa intencionalidade.

Para Esquerda Unida, ás cantidades que, dende 2005 empregáronse para rehabilitar o barco, nesa altura, 275.000€, e en 2009, 169.073€, súmase agora o montante do transporte e instalación na rotonda, constitúen unha excentricidade fóra de lugar e un insulto a toda esa cidadanía que se atopa en situación de emerxencia social, e sen responsabilidade e axuda por parte do seu goberno local.

EU considera que a correcta ubicación do barco debería ser o Museo do Mar, puidendo así estar nas condicións axeitadas, onde a cidadanía poda visitalo, poñendo en valor a súa historia, e non nunha rotonda onde non se pode acceder, deteriorándose dun modo que non se merece o seu valor histórico, tirando así con case 500.000 € destinados xa a sua conservación.

EU fai un chamamento a resistencia a toda a cidadanía de Vigo, co obxectivo de facer entrar en razón a un goberno municipal omnubilado polo afán inaugurador e de ornamentar unha nefasta xestión municipal.

ESQUERDA UNIDA, O PARTIDO COMUNISTA DE GALICIA E A XUVENTUDE COMUNISTA, PIDEN A MOBILIZACIÓN DA CIDADE DE VIGO EN DEFENSA DA SÚA INDUSTRIA.

cartel_industriaAs tres forzas apoian a mobilización convocada por CCOO en Vigo o domingo 9 de Novembro, e consideran crítica a situación do emprego e do futuro do sector industrial.

EU, PCG e XC consideran extremadamente graves os anuncios de EREs, recortes salariais e en dereitos laborais que están a anunciarse veladamente, ou de xeito formal, en empresas como PSA, Gestamp, etc… que xustifican a convocatoria inmediata de folgas e mobilizacións nos centros de traballo.

Os replantexamentos de modelos productivos no sector da automoción, nomeadamente o abandono do sistema de fabricación just-in-time, que obrigaba a ter os proveedores ubicados xeograficamente no entorno das plantas, aceleran a deslocalización que xa viñamos sufrindo a clase traballadora, xunto con outras medidas, propiciadas pola reforma laboral, que están a destrozar as relacións laborais, e invalidando a capacidade da negociación colectiva.

Por outra banda, estase a cronificar a precariedade no sector naval, dada tanto pola represión sindical mediante “listas negras” nalgúns asteleiros, como pola ausencia dunha política fortalecedora do sector naval no seu conxunto, xa que a que se está a aplicar, fomenta unha competitividade entre as empresas do sector en canto os custes, recortando éstas polo tanto, en custes e dereitos laborais, utilizando tamén todas as ferramentas precarizadoras aportadas na reforma laboral.

A continua perda de peso do sector industrial de Vigo, e a masa asalariada vinculada a éste, está repercutindo na economía da cidade, especialmente no sector servizos, no consumo, etc. polo tanto, a loita pola defensa do tecido industrial da cidade e o futuro da mesma, é unha responsabilidade colectiva.

PCG, EU e XC fan polo tanto un chamamento á mobilización convocada este domingo pola defensa da industria con emprego e con dereitos que sairá as 11:30  do cruzamento entre Urzaiz/Vía Norte.

ESQUERDA UNIDA CONSIDERA QUE O PSOE EN VIGO AMPARA O MODELO SANITARIO DO PP AO FACILITAR AUGA E LUZ AO NOVO HOSPITAL SEN GARANTIR A XESTIÓN PÚBLICA DO SERGAS.

novo_hospitalEU sigue defendendo que mentres non se garanta a titularidade 100×100 pública do centro hospitalario e dos servicios sanitarios polo SERGAS o Concello non debe proceder a realizar a obra de conexión de auga e luz. O coordinador local de EU, Rubén Pérez, considera que facelo “en comandita co PP é asumir o seu modelo sanitario fracasado en outras comunidades como Madrid e Valencia”.

Para EU a exención que marca o artigo 5.1.i da ORDENANZA MUNICIPAL quedaría sen efecto ao tratarse dun centro cunha titularidade do SERGAS discutible e pide que se lle cobre IBI ao centro hospitalario.

Tamén subliña Esquerda Unida que O Novo Hospital de Vigo é unha infraestructura Sanitaria que ten como finalidade a satisfación das necesidades de atención sanitaria da poboación do área de saúde de Vigo, e que esta vaise a realizar mediante explotación de dita infraestructura sanitaria por parte da empresa privada. Esta explotación é sobre a totalidade do NHV e non só a prestación de servizos non clínicos, tal como se indica na lexislación relativa aos contratos.

EU tamén considera que, para que ningunha empresa privada se beneficie dos beneficios que se conceden aos equipamentos sanitarios públicos debería modificarse a actual ordenanza municipal sobre o IBI coas seguintes actuacións:

1. Solicitar a modificación da ordenanza fiscal do IBI, no artigo 5.1.i que di: “Os centros sanitarios da titularidade do SERGAS que se creen con posterioridade a 1 de xaneiro de 2007 e, mentras que continuen afectados a uso sanitario”

Quedando como segue:

i) Os centros sanitarios da titularidade do SERGAS que se creen con posterioridade a 1 de xaneiro de 2007 e, mentras que continuen afectados a uso sanitario e sexan explotados polo SERGAS.

Todas estas medidas, para ESQUERDA UNIDA, deberían ser eventuais mentras non se produce un cambio político que permita revertir ao público o novo complexo hospitalario.

%d bloggers like this: