ESQUERDA UNIDA DE VIGO PIDE AUTÉNTICA TUTELA SINDICAL PARA EVITAR QUE OS PROCESOS DE CONTRATACIÓN PÚBLICA NO CONCELLO SEÑAN UNHA INDECENCIA.

O coordenador local de EU en Vigo, Rubén Pérez di que nin en probabilidade matemática nin en estatística se obtén un resultado tan “aliñado” entre familiares da UGT e contratación de personal no Concello. “8 de 10 non é loteria senón outra cousa”.

EU pide que non figuren nomes nin datos personais nos exames e que señan sustituidos por códigos numéricos auditados polo tribunal das oposicións.

EU considera que as acusacións verquidas en 2011 por CCOO, e que non foron negadas a pesar de anular a denuncia o xuiz, veñen a reiterarse especialmente no tocante ao anonimato no proceso de selección, feito absolutamente evidente na oferta de emprego público de 2008.

EU leva anos recibindo denuncias de formulacións de exames pensados para “centrar aos amigos e despistar aos demais” e considera que o papel dos sindicatos ten que ser o de garantir a pluralidade, igualdade e transparencia do proceso.

O coordinador local de EU considera que a “casualidade” nun proceso selectivo non pode ser o argumentario que empreguen de xeito análogo un responsable sindical e o presidente da deputación de Ourense, por poñer un exemplo e pide clarificación por parte da UGT do acontecido.

ESQUERDA UNIDA DE VIGO APOIA ACTIVAMENTE O 19J

ESQUERDA UNIDA DE VIGO APOIA A MOBILIZACIÓN MAÑÁ 19 EN VIGO EN CONTRA DOS RECORTES DECRETADOS POLO GOBERNO E CELEBRA A UNIDADE SINDICAL CONQUERIDA.

O COORDENADOR LOCAL DE EU EN VIGO RUBÉN PÉREZ SULIÑA QUE 0 19J É O PUNTO DE NON RETORNO QUE A CLASE OBREIRA TEN QUE TOMAR PARA NON SÓ PARAR AS AGRESIÓNS SENÓN RECUPERAR DEREITOS MEDIANTE A MOBILIZACIÓN SOSTIDA NO TEMPO.

Para EU, como así o manifestou recientemente a súa executiva nacional, que CIG, CCOO e UXT conqueriran que as mobilizacións sexan unitarias é un paso importantísimo para asegurar o dificultoso camiño de loita contra este goberno e a súa folla de ruta de recorte de dereitos sociais e constitucionais.

EU de Vigo lembra que fai un ano PSOE e PP fraguaron a reforma constitucional de maior calado desde 1978, que culminou coa modificación do artigo 135 da C.E. constitucionalizando un límite de gasto público que abre a porta aos recortes sociais. A imposición dunha norma automática de limitación do déficit é unha alteración da decisión do constituínte plasmada no título preliminar (España constitúese nun Estado social e democrático de dereito) e por tanto, unha reforma “de calado, estrutural, e non conxuntural” para a que a Constitución esixe seguir o procedemento do artigo 168 co consecuente referendo popular para a súa ratificación. Con todo, a reforma pactada por dous partidos maioritarios polo procedemento do artigo 167 excluíu toda forma de participación popular na reforma.

Un ano despois, os recortes sociais son realidade. Desde o inicio o Goberno do Partido Popular foi aprobando políticas de “axuste” que minguaron o Estado de Benestar e recortaron os dereitos conquistados. Estas medidas están a fracasar e, lonxe de favorecer a economía produtiva e de xerar empregos, están a agravar a crise e están a ser obxecto dunha forte contestación cidadá.

Neste contexto, no que as mobilizacións sociais e as protestas á calor das medidas do Goberno faise máis que nunca necesario abrir canles de participación directa dos cidadáns na toma de decisións, desenvolvendo o dereito fundamental dos cidadáns a participar directamente nos asuntos público, recollido no artigo 23 da Constitución Española  para avanzar cara a unha democracia participativa que poña aos cidadáns no centro da política.

ESQUERDA UNIDA TERÁ PANCARTAS PROPIAS E CONCENTRARÁ A SÚA MILITANCIA AS 20:15 NAS ESCALEIRAS DE BAIXADA Á PRAZA DA ANTIGA ESTACIÓN

ESQUERDA UNIDA APOIA A MANIFESTACIÓN CONVOCADA PARA MAÑÁ MARTES POLOS SINDICATOS DE CC.OO. CIG, E UGT

A EXECUTIVA NACIONAL DE ESQUERDA UNIDA CONSIDERA UNHA SENTENZA DESPROPORCIONADA PARA OS TRES SINDICALISTAS CONDENADOS.

A COORDINADORA DE ESQUERDA UNIDA YOLANDA DÍAZ, MANIFESTA QUE “ESTA SENTENZA É UN ATAQUE AO SINDICALISMO DE CLASE”

Ante a situación actual de continuas agresións aos dereitos laborais, a mobilización reivindicativa de traballadoras e traballadores está máis que xustificada.

A executiva nacional de Esquerda Unida considera unha sentenza desproporcionada para os tres sindicalistas condenados. As acusacións cara estas tres persoas, baséanse na actuación como piquetes informativos na folga do comercio de alimentación que tivo lugar no ano 2009, e na que non se produciron nin actos violentos nin se rexistraron danos de ningún tipo. A condena sentenza a 3 anos e 1 día de prisión, 1.805 euros de multa e o pagamento dun terzo dos custes xudiciais.

A coordinadora nacional de Esquerda Unida, Yolanda Díaz, manifesta que “esta sentenza é un ataque ao sindicalismo de clase”. Atopámonos ante unha sentenza inadmisible e moi pouco entendible nun país democrático, que supón un ataque ao sindicalismo, imputándose un delito contra os dereitos dos traballadores no seu lexítimo dereito de folga.

Esquerda Unida apoia a manifestación unitaria convocada para mañá martes 17 de xullo polos sindicatos de CC.OO., CIG, e UGT. A manifestación partirá ás 11h30 da Praza da Ferrería e rematará diante da Audiencia Provincial (órgano que debe resolver o recurso).

Por todo esto, a executiva nacional de EU anima á participación cidadá nesta manifestación en apoio aos compañeiros condenados.

ESQUERDA UNIDA DE VIGO CONSIDERA QUE A SUBIDA DO IVE E A ELIMINACIÓN DA PAGA EXTRA DE NADAL AOS TRABALLADORES DO SECTOR PÚBLICO SUPOÑEN A SENTENCIA DE MORTE AO COMERCIO VIGUÉS

EU considera que na cidade de Vigo o pequeno comercio xa estaba notando nestes meses a notable caída de empregados públicos que sinalan os datos do INE e do IGE que din que dos 21.100 empregados públicos do primeiro trimestre de 2011 pasamos aos 19.100 actuais. EU considera que a eliminación de 19.100 pagas extras de nadal é “inasumible para o pequeño comercio, especialmente o que compite directamente coas grandes áreas comerciais”. O PP está firmando a sentencia de morte do pequeno comercio e a pyme local que vai ser incapaz de trasmitir o custe de elevar o IVE ao cliente sen asumir perdas directas”: engade Rubén Pérez coordenador local de EU en Vigo.

Para ESQUERDA UNIDA de Vigo a subida do IVE é o sablazo que o mal gobernante pégalle a todos os seus compatriotas que xa están moi castigados pola crise. EU recorda que foi o propio Mariano Rajoy o que durante o mandato do PSOE dixo literalmente no parlamento: “Subir o IVE é un disparate porque a subida do IVE afecta fundamentalmente a pensionistas e parados”

Para EU a solución non é subir un imposto que pagamos todos igualmente independentemente da renda, a solución pasa por loitar contra o fraude fiscal, incrementar impostos sobre os beneficios empresariais, fiscalizar as sociedades de inversión de capital variable SICAV que tributan actualmente ao 1%, retomar a integridade do imposto de patrimonio, e un largo etcétera de medidas de reforma fiscal que EU ten exposto sistematicamente aos gobernos do PSOE e do PP sen resultado.

EU mobilizarase activamente o 19 de julio con CCOO e UXT na nosa cidade e no conxunto do país contra estre novo roubo da plutocracia económica que sangra ás capas populares do estado español. Non queda outro camiño que enfrontarse dende a rúa a esta agresión sen precedentes.

ESQUERDA UNIDA PARTICIPARÁ NAS MOBILIZACIÓNS DO 20 DE XUÑO

A manifestación partirá ás 20:00 horas dende o cruzamento de Vía Norte con Urzaiz e rematará diante do edificio administrativo da Xunta.

CARTA ABERTA DE ESQUERDA UNIDA Á CIDADANÍA ANTE AS CONVOCATORIAS CONCURRENTES DO 12 DE MAIO EN VIGO

As organizacións sindicais maioritarias no sector da construcción naval (CIG, CCOO e UXT), veñen de convocar para o vindeiro sábado 12 de maio unha manifestación en Vigo en apoio do sector que, lamentablemente e sen entrar a detalle dos porqués, coindice en data e hora coa mobilización global de movementos sociais organizada entre outros por Democracia Real Ya, ECOAR, 15M.

ESQUERDA UNIDA, como movemento político e social non pode máis que lamentar a falla de acordo para confluir nunha soa mobilización. E o facemos porque entendemos que os motivos das dúas convocatorias corresponden a demandas sociais análogas. Porque as dúas convocatorias entenden non temos que ser os traballadores e traballadoras as que paguemos a crise, porque defenden activamente que a corresponsabilidade dos cargos públicos eleitos é coa cidadanía que representan, entre eles uns traballadores e traballadoras do naval que asisten atónitos á apatía dos gobernos ante a dinamitación orquestada dun sector que fai escasamente dous anos aportaba 10.000 postos de traballo directos ao tecido industrial da comarca.

Coñecemos que a data do 12M ten sido escollida a nivel mundial como data na que se celebrarán centos de manifestacións e asembleas en todo o estado, e moitas cidades do mundo, celebrando un ano dos movementos que se deron en chamar 15M pero que son moito máis que unhas siglas, movementos sociais que artellaron unha forma de entender á participación política avanzada e participativa. Sen o 15M no noso país problemas como os salarios e prevendas de cargos públicos, a reforma electoral ou os abusos do sistema financeiro non estarían hoxe na primeira liña do debate político no estado español.

Para ESQUERDA UNIDA visto que se manteñen as dúas convocatorias (por ser unha convocatoria global unha, e por ser imposible artellar unha data que servira de nexo ás tres organizacións sindicais outra) teremos que ser a cidadanía consciente a que fagamos un intento (curioso eso si) de confluencia das dúas mobilizacións.

Confluencia que ten que realizarse dende o espíritu de unidade no obxectivo final que non  é outro que unha democracia real, porque democracia é gobernar e lexislar para a maioria social que non somos outros que os traballadores e traballadoras.

Propoñemos, ante esta tesitura o seguinte:

– OPCIÓN 1: Participar na marcha POLO SECTOR NAVAL con saída o sábado 12 ás 19:00 horas dende o cruce de Lepanto con Urzáiz e participar na lectura do MANIFESTO que realiza a MOBILIZACIÓN GLOBAL 12M na Praza da Estrela

– OPCION 2: Participar na MOBILIZACION GLOBAL que sae a mesma hora dende Praza de España e confluir na Porta do Sol onde os sindicatos leeran a súa vez un MANIFESTO EN APOIO ao SECTOR NAVAL

Coidamos que sería unha boa ponte entre movementos sociais e sindicatos de clase como punto de partida para evitar, no sucesivo, concurrencias de mobilización.

MANIFESTACIÓN EN DEFENSA DA EDUCACIÓN E A SANIDADE PÚBLICAS

 

Manifestación ás 12 horas. Saída do cruzamento da Vía Norte con Urzáiz e remate diante do edificio administrativo da Xunta.

%d bloggers like this: