MAREA DE VIGO CONSIDERA LEXÍTIMA A “MOBILIZACIÓN” POLO AVE DIRECTO A VIGO PERO SERÍA BO QUE ALGUÉN EXPLICARA QUE O QUE CHEGA POR CERDEDO NIN É DIRECTO NIN É AVE

“É bastante sinxelo comprobar, tanto na información de Adif, como na proposta de enxeñeiros ferroviarios e mesmo na proposta dos creadores da variante de Cerdedo, que menos do 65% do trazado é velocidade alta, e, en ningún caso é directo a Vigo, senón que ten que conectar inexorablemente co Eixo Atlántico. No caso da opción Cerdedo, esta conexión sería a mais afastada, situándose entre Pontevedra e Vilagarcía” explica Rubén Pérez, voceiro do Grupo Municipal da Marea de Vigo.

O Grupo Municipal da Marea de Vigo considera lexítima a reivindicación, e mesmo non se mostrou en desacordo no Consello Social da Cidade cando se acordou a reclamación do “AVE por Cerdedo”, mais sigue amosando as súas dúbidas en canto a destinar tal inversión pública ao proxecto, inversión que logo computa a débeda pública e polo tanto condiciona os orzamentos do estado. Non é lóxico máis sacrificio de gastos sociais, sanitarios, educativos, etc… para ter esa variante que, en picos de velocidade, ancho de vía e electrificación non son homologables ao modelo “AVE” ou mesmo a alternativas de velocidade alta como Avant ou Alvia.

“O “AVE” dende fai anos que é unha marca comercial e non un sistema ferroviario, o que hai que definir son as características técnicas de cada tramo”, matiza Rubén Pérez.

Para a Marea de Vigo, tamén é necesario un esforzo cidadá, mais aló das campañas partidarias e mediatizadas do Goberno Municipal, para informarse do que estamos a falar cando alguén argumenta que a variante de Cerdedo é un “AVE directo a Vigo” xa que esta proposta conectaría á velocidade alta (non AVE) na localidade da Portela co eixo atlántico xa existente que conecta Vigo coa Coruña, liña de altas prestacións pero tecnicamente non alta velocidade. Como tampouco é “AVE” o que chega á Coruña e Santiago, por moito que o repita como un “mantra” o alcalde Abel Caballero.

Marea de Vigo anima á veciñanza viguesa a discutir abertamente sobre o modelo ferroviario que precisa a nosa cidade, que por suposto pasa por integrar un sistema de alta velocidade que conte cun traxecto a Madrid en menos de 4 horas pero lembrando que esta infraestrutura compite directamente coa aeroportuaria, na que estamos deitando miles de recursos públicos nesta cidade. Sirva por exemplo que máis do 70% dos viaxeiros actuais do AVE Madrid-Barcelona eran antes os usuarios da ponte aérea Madrid-Barcelona.

Marea de Vigo cre que non se debe empregar a demagoxia con algo tan serio como a inversión pública. O feito de que en verán os hospitais de Vigo pechen camas, que os colexios non teñan equipas docentes e liñas escolares axeitadas, ten moito que ver coa brutal débeda pública, que PP e PSOE consagraron pagar antes que calquera outro gasto social na reforma constitucional do ano 2011, e que ten gran parte de orixe na delirante inversión en autovías sen tráfico, trens sen pasaxeiros e aeroportos sen voos.

Por este motivo, Marea de Vigo pide explorar alternativas que poñan un sistema ferroviario de alta velocidade no prazo de dous anos operativo na nosa cidade, modelo que pode pasar por unha inversión urxente na liña actualmente existente entre Vigo e Ourense, que non precisaría de expropiación ao ser terreos de ADIF, que podería ter unha Avaliación de Impacto Ambiental rápida ao ser unha infraestrutura existente e que, con melloras das curvas, electrificación e desdobre de tramos, podería poñer por debaixo dos 50 min o traxecto Vigo-Ourense, e, ese mesmo tren conectar directamente á alta velocidade con Madrid. Esta inversión sería infinitamente máis asumible en dous exercicios orzamentarios, tendo en conta o criterio de contención do gasto público imposto inxustamente pola UE (e, polo tanto, máis realista) que os 2.300 millóns de euros da variante de Cerdedo.

Advertisements

MAREA DE VIGO LÉMBRALLE A ABEL CABALLERO QUE PARA TER O “AVE” POR CERDEDO O PRIMEIRO QUE HAI QUE FACER É QUITAR AO PP DO GOBERNO, XA QUE LEVA ANOS BLOQUEANDO AS INVERSIÓNS.

Rubén Pérez: “Abel Caballero e a xestora do PSOE son culpables de que goberne un PP que bloquea 4000 emendas da oposición, algunha delas garantían a conexión de alta velocidade co eixo atlántico.”

Tal e como xa explicou a propia Senadora de En Marea, Vanesa Angustia, á que a Marea de Vigo apoia no traballo feito sobre esta moción; “En Marea non votou en contra de que se rematen as obras do AVE a Galicia en prazo e forma. O grupo aportou 12 propostas nas súas emendas á moción do PSOE no Senado co ánimo de consensuar un texto final coa intención de pactar un acordo sobre as infraestruturas galegas, nas que entraba o remate das obras do propio AVE.”

Desde a Marea de Vigo, de igual forma, tamén se lamenta que o PSOE acordase co PP unha proposta que simplemente recoñece o que xa estaba planificado, limitando as aspiracións de Galicia en materia de infraestruturas, “non reflectindo, por exemplo, a relevancia e defensa do tren de cercanías, sendo este un medio de comunicación esencial para a cidadanía galega” matiza Rubén Pérez, voceiro do Grupo Municipal da Marea de Vigo.

Marea de Vigo pídelle ao alcalde de Vigo, que, á marxe de promover concertos reivindicativos partidarios que non van arranxar absolutamente ningunha cuestión sobre o AVE, faga política real e trate de incidir nas decisións que toma o seu partido con respecto ás infraestruturas e sobre o propio AVE, preguntándolle os motivos polos o PSOE aliouse co PP para aprobar unha moción que, horas mais tarde é rexeitada polos seus socios na mesma comisión de Fomento do propio Senado.

Quizais é que estes motivos son os mesmos polos que o PSOE apoiou ao PP para estar hoxe no goberno e os mesmos polos que, iso si, o propio alcalde de Vigo apoia abertamente nunhas primarias á máxima expresión da defensa do pacto PP/PSOE.

Por tanto, calquera afirmación na liña da non defensa dos intereses da veciñanza viguesa por parte da Marea de Vigo, é rotundamente falsa, e só responde a campañas que poderíanse cualificar de “goebbelianas” por parte do alcalde de Vigo, ao que se lle pide, unha vez mais, coherencia e co-responsabilidade con respecto ás políticas e decisións que leva a cabo o seu partido.

ESQUERDA UNIDA DENUNCIA A “CHAPUZA” DO TREN QUE UNE VIGO E PORTO E TRASLADA AO CONGRESOS DOS DEPUTADOS UNHA PREGUNTA Á MINISTRA PASTOR

EU pedirá explicacións á ministra de fomento ante os atrasos desta liña inaugurada fai uns meses e lembra que o tren CELTA é un tren antigo (ten máis de 30 anos) e simplemente foi repintado.

Tren CELTAO coordinador local de EU cualifica de “chapuza” o plantexamento de redución de tempo nesta liña baseándose exclusivamente no feito de que “xa non para en ningunha estación intermedia entre Vigo e Porto” o que é a todas luces a condena de este tren a inoperatividade.

EU pon como exemplo da falla de planificación o feito de que o tren ten que facer parada obrigatoria en Valença do Minho para recoller ao persoal que opera o tramo en territorio portugués e sen embargo non pode recoller pasaxeiros.

Esquerda Unida pedirá á ministra de fomento que reconsidere xunto co seu homólogo portugués a mellora da conexión Vigo-Porto mediante novo tren con paradas nas localidades habituais e con mellora e electrificación da vía. O resto, “son manobras publicitarias sen operatividade real”.

ESQUERDA UNIDA DE VIGO CONSIDERA QUE A CIDADE TEN QUE VOLCARSE NA DEFENSA DA INTEGRIDADE DE RENFE OPERADORA E ADIF COMO ENTE PÚBLICO

EVA_SOLLA_RUBEN_PEREZ_RENFEO coordenador local de EU en Vigo, Rubén Pérez, e a deputada de AGE mantiveron hoxe un encontro cos comités de empresa das dúas compañías públicas na provincia de Pontevedra para dar traslado da preocupación de EU pola decisión do comité de dirección de RENFE OP de disgregar en catro empresas a compañía “preparando o camiño á privatización no sector.

“Esta en xogo ter comunicacións ferroviarias con localidades da comarca e da área metropolitana de Vigo”, engadía Rubén Pérez, polo que non podemos estar preocupados exclusivamente polo aeroporto cando o tren ten miles de viaxeiros máis e nalgúns casos, xente que non ten outra alternativa de mobilidade

EU presentará iniciativas no Congreso dos Deputados na defensa dun sistema de trens de cercanías para Galicia, para un uso racional das infraestructuras de Adif e Renfe hoxe en desuso así como para protestar contra a “evidente” discriminación tarifaria en canto a tramos xa que tramos máis longos noutras comunidades para un mesmo tipo de tren e servizo son sensiblemente máis baratos.

EU manifestouse “radicalmente en contra” de calqueira disgregación de RENFE OPERADORA en ADIF en “pequenos chiringuitos autonómicos” que siguen o modelo análogo privatizador dos entes ferroviarios cataláns e bascos, hoxe en proceso de venta a constructoras e empresas privadas de servicios e, como sempre; defenderá a integridade de Renfe como única empresa, defendendo incluso a reversión de ADIF para o entorno empresarial de RENFE.

Para EU “atopámonos coa continua e silenciosa supresión de servizos de tren convencional, unha situación que pon de manifesto o escaso interese do Goberno, en xeral, e do Ministerio de Fomento, en particular, por favorecer que a cidadanía dispoña dun servizo ferroviario que cubra realmente as necesidades dos usuarios”.

Esquerda Unida presentou a través do seu grupo parlamentario no Congreso unha proposición non de lei sobre o servizo público ferroviario para o seu debate no Pleno ao obxecto de “consolidar un sistema ferroviario público e social que vertebre o territorio, teña suficiente investimento público, unha adecuada planificación de servizos e frecuencias, e un plan comercial que poña en valor a rendibilidade social e ambiental de todas e cada unha das liñas de ferrocarril convencional”.

ESQUERDA UNIDA DE VIGO MANTÉN HOXE XUNTANZA COS COMITÉS DE EMPRESA DE RENFE OPERADORA E ADIF EN PONTEVEDRA

O coordenador local de EU en Vigo, Rubén Pérez, e a deputada de AGE e membro do Consello Político Federal de IU Eva Solla manterán hoxe unha xuntanza coa representación dos traballadores e traballadoras ferroviarias para dar traslado da preocupación ante a segregación da compañía aprobada polo Consello de dirección de Renfe Operadora en catro novas empresas, que para Esquerda Unida supón “o inicio da anunciada privatización do ferrocarril público.

trenEU dará traslado tamén das últimas iniciativas parlamentarias no Congreso e no Parlamento de Galicia ante os recortes en liñas, a inexistencia de OPE no sector e o desmantelamento organizado de recursos e patrimonio público.

EU manifestase “radicalmente en contra” de calquera disgregación de RENFE OPERADORA en ADIF en “pequenos chiringuitos autonómicos” que seguen o modelo análogo privatizador dos entes ferroviarios cataláns e bascos, hoxe en proceso de venta a construtoras e empresas privadas de servizos e, como sempre; defenderá a integridade de Renfe como única empresa, defendendo incluso a reversión de ADIF para o entorno empresarial de RENFE.

O candidato de Esquerda Unida Rubén Pérez traslada ao comité provincial de ADIF a súa defensa por un sector público ferroviario

Rubén Pérez mantivo hoxe nos locais sindicais da estación de RENFE de Vigo unha xuntanza co comité de empresa provincial de ADIF, empresa pública que se encarga de da construccion e mantemento das infraestructuras e espacios ferroviarios. O acto contou coa presencia de membros dos sindicatos presentes na compañía (CGT, CCOO, UGT, CIG e S.F.).

ESQUERDA UNIDA deu traslado a súa preocupación polo anuncio do ministro de Fomento Jose Blanco de iniciar un proceso de división en RENFE OPERADORA e ADIF para crear novas empresas coa opción de entrada ao capital privado. Para EU esta é a mesma estratrexia seguida en países como o Reino Unido para privatizar o sistema público ferroviario coa entrada de subcontratas privadas e o argumento permanente de mellora da eficiencia.

Igualmente Rubén Pérez informou de que ESQUERDA UNIDA é unha forza que se enfrenta ao proxecto de implantación do AVE, como modelo de infraestructura costosa, medioambientalmente insostible e que hipoteca un futuro desenvolvemento da rede de transporte de mercadorías e un necesario sistema de cercanías de tren convencional na comarca de Vigo.

Os traballadores e traballadoras de ADIF informaron das múltiples fallas de previsión e nas obras do AVE e no desenvolvemento das infraestructuras ferroviarias como a estación intermodal de Urzáiz.

Os membros do comité provincial coincidiron en que ADIF e RENFE OPERADORA son empresas sostibles e rendibles e que cando se presentan como costosas ou ineficaces é porque existe un afán privatizador.

Rubén Pérez informou que ESQUERDA UNIDA, mediante o seu deputado Gaspar Llamazares está denunciando ante o parlamento estatal a discriminación con Galicia na concreción dunha rede de cercanías similar a Rodarías da Generalitat e igualmente está denunciando o peche de estacións que fomento está acometendo na comarca de Vigo.

Salva o Tren: 4ª Xornada informativa e debate

%d bloggers like this: