MAREA DE VIGO POLO PRIMEIRO DE MAIO

O Grupo Municipal da Marea de Vigo súmase ás reivindicacións das centrais sindicais no Primeiro de Maio e anima á cidadanía a acudir as mobilizacións convocadas  mañá na nosa cidade.

Para a Marea de Vigo, a mobilización é un piar fundamental para a transformación cara a igualdade e a xustiza social.

Os últimos datos de desemprego aportados pola EPA resultan devastadores. A taxa de paro galega xa é do 17,3%, unha das máis altas no conxunto do estado e o dobre que a taxa media en Europa. A isto súmanse os datos sobre temporalidade, que a colocan nun 90% con respecto ao emprego xerado nos últimos anos. É dicir, o número de contratos indefinidos non chega ao 10%.

Mais tras estes datos demoledores, escóndese unha realidade que non está reflectida nos datos de desemprego, como os centos de traballadores e traballadoras que, aínda tendo un emprego, están vivindo nunha situación en moitos casos de pobreza dados os niveis de temporalidade e parcialidade da meirande parte dos contratos que se están asinando, provocando que, ao redor do 30 % das e dos traballadoras/es cobren por debaixo do SMI.

Con todo, a peor parte sempre a levan as mulleres, ocupando as taxas máis altas de paro e as peores condicións laborais, xa que, sumado ao que tanto homes como mulleres están vivindo neste eido laboral, as mulleres veñen ocupando aqueles traballos onde hai máis precariedade en forma de parcialidade e salarios máis baixos, como son os relacionados cos coidados e aquelas tarefas nas que o sistema patriarcal as colocou de xeito incuestionable dende hai séculos, trasladándoo ao ámbito laboral ao igual que ao resto dos ámbitos da vida.

No entanto, os datos veñen demostrando, unha vez máis, os efectos dunhas reformas laborais encabezadas pola falsa premisa de ser quen de xerar máis emprego estable a costa de medidas de “extrema” flexibilidade laboral, por ser este máis “asumible” para as empresas. Lonxe diso, conseguiuse trazar un camiño de precariedade que cada día está afogando máis ás persoas.

Cada vez con máis frecuencia, as empresas van anunciando, de xeito descarado e impune, grandes recortes a costa da obtención de máis beneficios; empresas, moitas delas, que viven de grandes concesións públicas, ou mesmo empresas receptoras de subvencións para a creación de emprego, pagadas polas mesmas traballadoras e traballadores que sofren os seus recortes.

É por isto, polo que a Marea de Vigo considera que é imprescindible a mobilización de todas e todos, sendo unha parte substancial para poder mudar as políticas que están consagrando a precariedade como realidade da clase traballadora.

Viva o Primeiro de Maio!

Advertisements

ESQUERDA UNIDA, O PARTIDO COMUNISTA DE GALICIA E A XUVENTUDE COMUNISTA, PIDEN A MOBILIZACIÓN DA CIDADE DE VIGO EN DEFENSA DA SÚA INDUSTRIA.

cartel_industriaAs tres forzas apoian a mobilización convocada por CCOO en Vigo o domingo 9 de Novembro, e consideran crítica a situación do emprego e do futuro do sector industrial.

EU, PCG e XC consideran extremadamente graves os anuncios de EREs, recortes salariais e en dereitos laborais que están a anunciarse veladamente, ou de xeito formal, en empresas como PSA, Gestamp, etc… que xustifican a convocatoria inmediata de folgas e mobilizacións nos centros de traballo.

Os replantexamentos de modelos productivos no sector da automoción, nomeadamente o abandono do sistema de fabricación just-in-time, que obrigaba a ter os proveedores ubicados xeograficamente no entorno das plantas, aceleran a deslocalización que xa viñamos sufrindo a clase traballadora, xunto con outras medidas, propiciadas pola reforma laboral, que están a destrozar as relacións laborais, e invalidando a capacidade da negociación colectiva.

Por outra banda, estase a cronificar a precariedade no sector naval, dada tanto pola represión sindical mediante “listas negras” nalgúns asteleiros, como pola ausencia dunha política fortalecedora do sector naval no seu conxunto, xa que a que se está a aplicar, fomenta unha competitividade entre as empresas do sector en canto os custes, recortando éstas polo tanto, en custes e dereitos laborais, utilizando tamén todas as ferramentas precarizadoras aportadas na reforma laboral.

A continua perda de peso do sector industrial de Vigo, e a masa asalariada vinculada a éste, está repercutindo na economía da cidade, especialmente no sector servizos, no consumo, etc. polo tanto, a loita pola defensa do tecido industrial da cidade e o futuro da mesma, é unha responsabilidade colectiva.

PCG, EU e XC fan polo tanto un chamamento á mobilización convocada este domingo pola defensa da industria con emprego e con dereitos que sairá as 11:30  do cruzamento entre Urzaiz/Vía Norte.

ESQUERDA UNIDA PIDE UNHA COMISIÓN MUNICIPAL DE SEGUIMENTO E CONTROL DOS CONVENIOS DO PLAN DE EMPREGO E QUE REMATE O ACOSO E CHANTAXE AO MOVEMENTO VECIÑAL POR PARTE DO CONCELLO

Concello_de_VigoPara o coordenador local de EU, Rubén Pérez, o “acoso” á FAVEC demostra que dende o concello erase perfectamente consciente de que a fórmula dos convenios era un instrumento de “control e amenaza permanente” ao movemento veciñal. Para EU “confirmase a denuncia que fixemos dende o  primeiro momento da aparición de estas fórmulas de reparto de diñeiro público de partidas de emprego e califica de arbitrarios os requisitos que dende o concello se reclaman á FAVEC fronte a outras asociacións que recurriron aos convenios dende fóra da federación veciñal.

Rubén Pérez pide que “a totalidade dos convenios” señan sometidos a auditoria pública e non descarta que EU leve os “máis sospeitosos” á fiscalía xa que a fórmula de argumentar emerxencia social para sustituir concurso público por convenio é para EU sospeitosa. Coincide con ANOVA en que o acoso á federación veciñal é parte dunha estratexia de control do movemento veciñal.

EU lembra que as propostas de contratación, que evidentemente foron feitas sen un criterio de contrato público en moitos casos, eran propostas polo movemento veciñal e aprobado polo Concello que “non puxo ningunha pega ás mesmas”.

EU nunca defendeu que postos de traballo do plan de emprego sexan creados por entidades como AAVV, sindicatos ou asociacións baixo esa fórmula a CONVENIO PÚBLICO, xa que entendíamos que tiñan que realizarse as contratacións de acordo cos criterios de oferta de emprego público e que o propios convenios firmados tiñan que recoller os criterios de selección, o xurado que realizaría a mesma, e os requisitos e prazos para presentar a candidatura o interesado ou interesada. Nada de iso figuran nos mesmos polo que a responsabilidade non é das asociacións senón do concelleiro de participación cidadá e emprego que asinou e redactou a fórmula do convenio.

EU denunciaba en 2012 que descoñecíamos en que plataforma informativa se publicitaran os centos de postos de traballo ofertados por asociacións de veciños, sindicatos e mesmo asociacións particulares, en base aos ingresos económicos procedentes de convenios asinados co Concello de Vigo. Agora o goberno local pretende culpabilizar ao movemento veciñal dunhas normas que eles redactaron e que mesmo orientaban de xeito directo a cumprir.

ESQUERDA UNIDA considera que “hai que rematar xa con este modelo caciquil de convenios” e apostar pola creación de emprego público mediante contratación directa do concello ou a creación de empresas municipais como ten reiteradamente defendido: Empresa Municipal de vías de obras, empresa municipal de vivenda, de servizos sociais etc…

EU pide que esa comisión municipal analice os convenios e que se redacte un novo sistema de xestión dos plans de emprego público. Como proposta para o mesmo, e dende o convencemento de que as políticas activas de emprego son imprescindibles no eido local EU fai unha proposta de regulamento para o debate (adxuntamos a mesma).

PROPOSTA DE PROCESO SELECTIVO PARA O PLAN DE EMPREGO MUNICIPAL

PROPOSTA DE PROCESO SELECTIVO PARA O PLAN DE EMPREGO MUNICIPAL

VÍDEO DO ACTO PÚBLICO SOBRE A LOMCE

ESQUERDA UNIDA PIDE A IMPLICACIÓN DE TODA A SOCIEDADE VIGUESA NA FOLGA XERAL DO 14 DE NOVEMBRO

CON UN DE CADA CATRO VIGUESES E VIGUESAS DA FÓRA DO MUNDO LABORAL ESTA FOLGA XERAL DO 14N TEN QUE SER POR FORZA TAMÉN SOCIAL. NON PODE SER UNHA FOLGA ESTRITAMENTE LIGADA AOS CENTROS DE TRABALLO, OBRIGATORIAMENTE TEN QUE ESTAR SUSTENTADA NOS ESTUDANTES, XUBILADOS E PENSIONISTAS, AUTÓNOMOS, ETC..

ESQUERDA UNIDA será un catalizador social desa necesaria unión entre o mundo do traballo, da cultura, do ensino, da militancia social e veciñal para que a folga do 14N sexa un éxito do cal partir para recuperar os dereitos laborais destruídos polos sucesivos gobernos do PP e do PSOE.

ESQUERDA UNIDA felicítase da unidade sindical conquerida e pide que se fagan esforzos de seguir no traballo unitario con organizacións sindicais como a CUT, SF, STEGA, etc… que tamén van xogar un papel importante nesta convocatoria de folga.

Os deputados de ALTERNATIVA GALEGA DE ESQUERDA por Pontevedra dentro da coalición ALTERNATIVA GALEGA DE ESQUERDA, Juan Fajardo e Eva Solla xunto coa militancia de ESQUERDA UNIDA, traballaran nestes días previos e no mesmo día da Folga para que a convocatoria sindical sexa todo un éxito, exercendo de xeito responsable ese mandato das urnas o pasado 21 de outubro de “parar as políticas de dereitas” que a cidadanía expresou colectivamente co seu apoio as candidaturas de ALTERNATIVA GALEGA DE ESQUERDA.

ESQUERDA UNIDA participará colectivamente con pancarta propia e coa presencia de Yolanda Díaz (viceportavoz do grupo parlamentar no Hórreo) na manifestación que sairá ás 11.30 horas da Praza de España en Vigo.

ESQUERDA UNIDA DE VIGO MANTÉN HOXE UNHA XUNTANZA COS COMITÉS DE EMPRESA DE ADIF E RENFE OPERADORA

EU de Vigo nunha xuntanza anterior co comité de empresa de Adif

EU DE VIGO VAI DAR TRASLADO DO APOIO DA FORMACIÓN Á FOLGA DO DÍA 3 DE AGOSTO e a súa defensa da potenciación do transporte público colectivo, onde o tren ocupa un lugar relevante, como método de vertebración nacional, cohesión social e mellora do noso nivel de sustentabilidade.

EU considera oportuna e necesaria a FOLGA XERAL EN RENFE E ADIF despois da aprobación do RDL 22/2012 no referente a materia de infraestruturas e servizos ferroviarios, decreto que , escudándose na precaria situación económica, procede a un novo recorte, esta vez no sector ferroviario, xustificando que a situación económica esixe a máxima eficiencia na xestión dos servizos públicos.

EU trasladará a súa preocupación porque no borrador do 13 de xullo proposto polo goberno, confírmase que de aquí a finais de ano, pecharanse liñas de tren, estacións e servizos que só leven un 15% de ocupación. Con estas medidas, ademais, acelérase o desartellamento do territorio galego que se puxo en marcha coas liñas do AVE.

EU de Vigo trasladará igualmente a constatación da executiva nacional de Esquerda Unidaa de que a inversión pública feita en Renfe se pón agora ao servicio do sector privado.

A “reestruturación” do sector pasa pola creación de 4 Sociedades Mercantiles Estatales que cederán ao sector privado a infraestrutura que precisen minimizando así a inversión privada e maximizando os seus beneficios.

ESQUERDA UNIDA APOIA A MANIFESTACIÓN CONVOCADA PARA MAÑÁ MARTES POLOS SINDICATOS DE CC.OO. CIG, E UGT

A EXECUTIVA NACIONAL DE ESQUERDA UNIDA CONSIDERA UNHA SENTENZA DESPROPORCIONADA PARA OS TRES SINDICALISTAS CONDENADOS.

A COORDINADORA DE ESQUERDA UNIDA YOLANDA DÍAZ, MANIFESTA QUE “ESTA SENTENZA É UN ATAQUE AO SINDICALISMO DE CLASE”

Ante a situación actual de continuas agresións aos dereitos laborais, a mobilización reivindicativa de traballadoras e traballadores está máis que xustificada.

A executiva nacional de Esquerda Unida considera unha sentenza desproporcionada para os tres sindicalistas condenados. As acusacións cara estas tres persoas, baséanse na actuación como piquetes informativos na folga do comercio de alimentación que tivo lugar no ano 2009, e na que non se produciron nin actos violentos nin se rexistraron danos de ningún tipo. A condena sentenza a 3 anos e 1 día de prisión, 1.805 euros de multa e o pagamento dun terzo dos custes xudiciais.

A coordinadora nacional de Esquerda Unida, Yolanda Díaz, manifesta que “esta sentenza é un ataque ao sindicalismo de clase”. Atopámonos ante unha sentenza inadmisible e moi pouco entendible nun país democrático, que supón un ataque ao sindicalismo, imputándose un delito contra os dereitos dos traballadores no seu lexítimo dereito de folga.

Esquerda Unida apoia a manifestación unitaria convocada para mañá martes 17 de xullo polos sindicatos de CC.OO., CIG, e UGT. A manifestación partirá ás 11h30 da Praza da Ferrería e rematará diante da Audiencia Provincial (órgano que debe resolver o recurso).

Por todo esto, a executiva nacional de EU anima á participación cidadá nesta manifestación en apoio aos compañeiros condenados.

%d bloggers like this: