ESQUERDA UNIDA DE VIGO CONSIDERA QUE A CIDADE TEN QUE VOLCARSE NA DEFENSA DA INTEGRIDADE DE RENFE OPERADORA E ADIF COMO ENTE PÚBLICO

EVA_SOLLA_RUBEN_PEREZ_RENFEO coordenador local de EU en Vigo, Rubén Pérez, e a deputada de AGE mantiveron hoxe un encontro cos comités de empresa das dúas compañías públicas na provincia de Pontevedra para dar traslado da preocupación de EU pola decisión do comité de dirección de RENFE OP de disgregar en catro empresas a compañía “preparando o camiño á privatización no sector.

“Esta en xogo ter comunicacións ferroviarias con localidades da comarca e da área metropolitana de Vigo”, engadía Rubén Pérez, polo que non podemos estar preocupados exclusivamente polo aeroporto cando o tren ten miles de viaxeiros máis e nalgúns casos, xente que non ten outra alternativa de mobilidade

EU presentará iniciativas no Congreso dos Deputados na defensa dun sistema de trens de cercanías para Galicia, para un uso racional das infraestructuras de Adif e Renfe hoxe en desuso así como para protestar contra a “evidente” discriminación tarifaria en canto a tramos xa que tramos máis longos noutras comunidades para un mesmo tipo de tren e servizo son sensiblemente máis baratos.

EU manifestouse “radicalmente en contra” de calqueira disgregación de RENFE OPERADORA en ADIF en “pequenos chiringuitos autonómicos” que siguen o modelo análogo privatizador dos entes ferroviarios cataláns e bascos, hoxe en proceso de venta a constructoras e empresas privadas de servicios e, como sempre; defenderá a integridade de Renfe como única empresa, defendendo incluso a reversión de ADIF para o entorno empresarial de RENFE.

Para EU “atopámonos coa continua e silenciosa supresión de servizos de tren convencional, unha situación que pon de manifesto o escaso interese do Goberno, en xeral, e do Ministerio de Fomento, en particular, por favorecer que a cidadanía dispoña dun servizo ferroviario que cubra realmente as necesidades dos usuarios”.

Esquerda Unida presentou a través do seu grupo parlamentario no Congreso unha proposición non de lei sobre o servizo público ferroviario para o seu debate no Pleno ao obxecto de “consolidar un sistema ferroviario público e social que vertebre o territorio, teña suficiente investimento público, unha adecuada planificación de servizos e frecuencias, e un plan comercial que poña en valor a rendibilidade social e ambiental de todas e cada unha das liñas de ferrocarril convencional”.

Advertisements

ESQUERDA UNIDA DE VIGO MANTÉN HOXE XUNTANZA COS COMITÉS DE EMPRESA DE RENFE OPERADORA E ADIF EN PONTEVEDRA

O coordenador local de EU en Vigo, Rubén Pérez, e a deputada de AGE e membro do Consello Político Federal de IU Eva Solla manterán hoxe unha xuntanza coa representación dos traballadores e traballadoras ferroviarias para dar traslado da preocupación ante a segregación da compañía aprobada polo Consello de dirección de Renfe Operadora en catro novas empresas, que para Esquerda Unida supón “o inicio da anunciada privatización do ferrocarril público.

trenEU dará traslado tamén das últimas iniciativas parlamentarias no Congreso e no Parlamento de Galicia ante os recortes en liñas, a inexistencia de OPE no sector e o desmantelamento organizado de recursos e patrimonio público.

EU manifestase “radicalmente en contra” de calquera disgregación de RENFE OPERADORA en ADIF en “pequenos chiringuitos autonómicos” que seguen o modelo análogo privatizador dos entes ferroviarios cataláns e bascos, hoxe en proceso de venta a construtoras e empresas privadas de servizos e, como sempre; defenderá a integridade de Renfe como única empresa, defendendo incluso a reversión de ADIF para o entorno empresarial de RENFE.

ENTREVISTA A JUAN FAJARDO, CABEZA DE LISTA DA ALTERNATIVA GALEGA DE ESQUERDA (EU-ANOVA-EQUO) POR PONTEVEDRA

Juan Fajardo e o coordenador xeral de IU Cayo Lara

Un novo panorama político ábrese para a esquerda en Galicia coa aposta de AGE, considera que é o posible que acceda  ao Parlamento de Galicia?

Non solo é posible, senón que é real e sobre todo necesario, o Parlamento Galego non tivo ningún representante da clase obreira nos últimos tempos, cada proxecto de lei ou iniciativa parlamentaria, durante o último mandado, non foi dado a coñecer os galegos, e moito menos discutida con eles, por iso AGE é necesaria no parlamento para defender de forma contundente os nosos dereitos e os servizos básicos, pero tamén para dotar o parlamento Galego dun certo grao de insubmisión os ditames do mercado, dunha voz rebelde contra o fraude o que lle chaman crise.

-A lei electoral non llo pon doado… esixe un 5% para entrar na distribución de parlamentario, intentan os grandes partidos políticos impedir o acceso de novas forzas ao Parlamento?

Quero recordar que bipartito tense negado a modificar esta situación na anterior lexislatura, pero é certo hai un interese dos grandes partidos de que os parlamentos non sexan plurais, porque en definitiva non defenden a democracia, senón un modelo onde a alternancia no poder, garante que gañen os de sempre, por iso AGE preséntase co obxectivo de romper este modelo, de introducir aire fresco no parlamento, é sobre todo co compromiso de  trasladar as rúas os debates parlamentarios, e as loitas necesarias para acabar ca inxustiza.

-Por que ten que estar a ALTERNATIVA GALEGA DE ESQUERDA no Parlamento de Galicia?

En primeiro lugar para defender os Galegos e as Galegas da estafa da crise, para mellorar e garantir os servizos públicos hoxe en perigo polo acordo dos grandes partidos, pero tamén para acadar os recursos necesarios para que todo o carto posible de Galicia, se utilice para a xeración de emprego, e non para que catro listos se fagan de Ouro co carto de todos, como acontecerá se non o evitamos co novo Hospital de xestión e construción privada de Vigo. Ademais non esquecemos a necesidade de loitar para que os nosos sectores estratéxicos volvan a mans públicas, para garantir o emprego e a calidade do mesmo, un exemplo claro é o naval Vigués.

-Ás veces o cidadán ten a impresión de que non importa demasiado quen goberne, que as pautas as marcan os mercados. Pódese loitar dende un parlamento autonómico coas directrices que marcan Bruxelas ou os grandes intereses financeiros?

Esta é a gran mentira que nos quere facer crer o sistema, claro que é posible outra saída, un exemplo como é posible que o Goberno do estado retire 20.000 millóns de AGEros para a sanidade as Pensión e o Ensino, e inmediatamente entregue máis 26.000 millóns de euros a Bankia, é necesario unha política redistributiva da riqueza, non podemos aturar unha Galicia onde o 26% dos menores vive en situación de pobreza, estes cartos en inversión produtiva , xeradora de postos de traballo servirían para reducir o desemprego e sobre todo para garantir as nosas pensión e a nosa sanidade.

Pero hai algo que si é certo o PSOE e o PP, que son sucursais da mesma marca, defenden os intereses do capital, da banca e os especuladores, e defenden ese modelo onde se elimina o poder e a soberanía os Pobos e se introduce o control total dos pobos pola UE e o Banco Central Europeo, non esquezamos como ambos, de forma absolutamente Ditatorial, modificaron a constitución para que sexa prioritario pagar a débeda do estado sobre as nosas pensións ou a nosa saúde.

-A Xunta ven de publicar hai unhas semanas que Galicia é unha das comunidades con menos déficit do estado español, pero cunha maior taxa de desemprego  do estado . Avala iso a xestión de Núñez Feijoo?

O Aval del Feijoo, e evidente pasar de 146.000 desempregados cando chegou a Xunta os máis de 300.000 actuais, ten o mérito de colocar a un terzo da poboación Galega na miseria, esa e a xestión de Feijoo, comprometAGEse a acabar ca crise en Galicia en 45 días, e leva 4 anos abdicando de gobernar en Galicia, e recortando moitos dereitos, o pago dos libros de Texto, o copago sanitario, a eliminación da sanidade universal, a privatización do acceso a xustiza, a parálise da lei de dependencia, o pago pola auga, o incremento dos prezos das escolas infantís, quere que siga…. é un goberno indecente, e sinvergonza, porque un sinvengonza é alguén que non ten vergonza de traizoar os sAGEs, o pobo galego.

-Falando das contas. Entende AGE que a redución do déficit ten que ser a única prioridade ou os recortes teñen que ter un límite?

O primeiro é dicir, que esta situación debes a que os poderes públicos, permitiron a unha serie de “Gánster” do sector financeiro, manexar a economía e roubarnos os cartos a cidadanía, eses mesmos os que agora queren volver a rescatar cos nosos cartos, os de todos, pero unha vez digo isto, a política dos recortes é un erro, non é posible recortar sen incrementar as desigualdades e polo tanto incrementar a pobreza, cando unha política de recortes non axuda, senón o contrario a saír da crise, non cremos que debemos incrementar os ingresos, para lograr unha política de incentivos, de mais emprego e de incremento da carteira de servizos básicos, como por exemplo unha renda universal de emerxencia, pero para iso é necesario incrementar os impostos a quen ten posibilidades, os grandes empresarios e a Banca, como é posible que o Grupo Zara a penas pague impostos no nos país e utilice modelos de venda dende o exterior para burlar por exemplo o pago de IVE, nos queremos combater unha realidade que día que as rendas do traballo pagas máis que as rendas do capital, é dicir pagamos máis impostos os traballadores que os empresarios, pero onde ademais en España das 35 empresas do IBEX 35 , 30 operan en paraísos fiscais, ou onde parece normal que o presidente do real Madrid, teña pagado a facenda na súa declaración do 2009 a penas 45 euros…

-Se AGE chega ao Parlamento, que áreas considerará intocables á hora de meter á tesoira?

 Esquerda Unida eliminará a tesoira do parlamento Galego, ademais de introducir unha política de remate dos privilexios dos parlamentarios, non queremos  nin gastos suntuosos, nin comelladas , nin gaiteiros a miles, nin salarios estratosféricos, nin centos e asesores e asesoras con salarios indecentes, ese é un comezo, a partir de hai, ingresar o suficiente para que os galegos teñamos sanidade digna, pensións dignas, educación de calidade, e sobre todo emprego. Unha das nosas iniciativas será un plan de emprego, que contemple nichos de emprego esquecidos pola xunta de Galicia.

-O BNG chega as eleccións despois de fondas fracturas e o PSdG PSOE cun candidato que non parece ilusionar nin á súa propia militancia. Cree que a mala situación destes partidos favorecerá a entrada de AGE no Parlamento ou pola contra, ve difícil que o PP perda a súa maioría absoluta?

Pola propia lei electoral, cada parlamentario de AGE, é un parlamentario menos para o PP, polo tanto cantos mais parlamentarios teña AGE, máis posibilidades existen de derrotar o Partido Popular, pero non esquezamos a labor do bipartito que foi quen upou o poder o PP, por una nefasta xestión, polas tramas de corrupción que parecen ter tentáculos en tódolos partidos do actual parlamento, e sobre todo dun PSOE liderado por Pachi Vázquez, que fai poucos meses dicía literalmente que o mellor había que podar algunha rama do estado de benestar, é certo que existe o PPSOE

O 15-M amosou que segue tendo gran forza tanto no Estado como na propia Galicia. Cal debe ser a achega deste movemento a sociedade Galega?

Pase o que pase co 15M, debemos dicir moi claro que é un movemento fundamental na rexeneración democrática do país, o 15M logrou poñer enriba da mesa cuestións que na política dos grandes partidos, non así de AGE, estaban afastadas do debate público, a lei electoral, a democracia participativa, … polo tanto é un movemento fundamental para o futuro da nosa sociedade, no sentido de crear unha sociedade nova, sen castas, na que a democracia sexa un elemento central na procura da mellor calidade de vida para os seres humanos, e non como agora, que o único o que se lle garante a vida e o euro, aínda que sexa a costa de matar millóns de persoas en todo o mundo.

-Para rematar, o actual goberno do PP rebaixou as inversións en educación, incrementou o paro liderando o número de ERES, fixo o maior recorte en servizos sociais da democracia, aprobou un decretazo sanitario moi insolidario coas persoas sen recursos… Había outra solución nunha época de crise como esta?  Cales son as solucións que da AGE para saír da crise sen rebaixar a calidade do Estado do Benestar?

Como dicíamos antes, unha política de incremento de recursos, loitando contra o fraude fiscal, e introducindo unha política de emprego que sexa capaz de introducir novos cotizantes na seguridade social, e polo tanto máis traballadores con capacidade de pagar impostos, pero ademais existen moitos gastos innecesarios que poderían terse utilizado para xerar servizos, dous exemplos, cantos hospitais se poderían ter construído en Galicia co gasto do monte Gaias, fai anos antes da crise, solo AGE se opuña a esta barbaridade, pero ademais, o gasto do AVE en Galicia, traslado  inversión produtiva e servizos sociais, como a dependencia, tería garantido  a creación de emprego, e calidade de vida os nosos dependentes.

ESQUERDA UNIDA APOIA A MANIFESTACIÓN CONVOCADA PARA MAÑÁ MARTES POLOS SINDICATOS DE CC.OO. CIG, E UGT

A EXECUTIVA NACIONAL DE ESQUERDA UNIDA CONSIDERA UNHA SENTENZA DESPROPORCIONADA PARA OS TRES SINDICALISTAS CONDENADOS.

A COORDINADORA DE ESQUERDA UNIDA YOLANDA DÍAZ, MANIFESTA QUE “ESTA SENTENZA É UN ATAQUE AO SINDICALISMO DE CLASE”

Ante a situación actual de continuas agresións aos dereitos laborais, a mobilización reivindicativa de traballadoras e traballadores está máis que xustificada.

A executiva nacional de Esquerda Unida considera unha sentenza desproporcionada para os tres sindicalistas condenados. As acusacións cara estas tres persoas, baséanse na actuación como piquetes informativos na folga do comercio de alimentación que tivo lugar no ano 2009, e na que non se produciron nin actos violentos nin se rexistraron danos de ningún tipo. A condena sentenza a 3 anos e 1 día de prisión, 1.805 euros de multa e o pagamento dun terzo dos custes xudiciais.

A coordinadora nacional de Esquerda Unida, Yolanda Díaz, manifesta que “esta sentenza é un ataque ao sindicalismo de clase”. Atopámonos ante unha sentenza inadmisible e moi pouco entendible nun país democrático, que supón un ataque ao sindicalismo, imputándose un delito contra os dereitos dos traballadores no seu lexítimo dereito de folga.

Esquerda Unida apoia a manifestación unitaria convocada para mañá martes 17 de xullo polos sindicatos de CC.OO., CIG, e UGT. A manifestación partirá ás 11h30 da Praza da Ferrería e rematará diante da Audiencia Provincial (órgano que debe resolver o recurso).

Por todo esto, a executiva nacional de EU anima á participación cidadá nesta manifestación en apoio aos compañeiros condenados.

VÍDEO DA INTERVENCIÓN DO CANDIDATO, RUBÉN PÉREZ, NA CONVENCIÓN PROVINCIAL

RUBÉN PÉREZ ENCABEZARÁ A CANDIDATURA PROVINCIAL DE ESQUERDA UNIDA

A convención provincial de ESQUERDA UNIDA acordou hoxe en Vigo presentar como cabeza de lista para as vindeiras eleccións xerais a Rubén Pérez Correa, actual coordinador local en Vigo, membro do Comité Federal do PCE. Licenciado
en Historia, traballa actualmente nunha empresa de informática. As candidaturas ó Congreso e Senado aprobadas supoñen unha renovación do 80% respecto das pasadas eleccións, cunha ampla participación da mocidade.

O acto iniciouse cunha asemblea aberta, na que un 50% dos asistentes eran persoas non afiliadas e na que se debateron as 25 prioridades programáticas que ESQUERDA UNIDA defenderá conxuntamente cos participantes na Convocatoria
Social iniciada en todo o estado.

Rubén Pérez Correa (Candidato de EU pola provincia de Pontevedra)

Na súa intervención Rubén destacou que EU aporta a posibilidade ilusionante de poder seguir votando á esquerda; aporta firmeza na construción dunha barreira contra a agresión ó emprego e ós servizos sociais; aporta coherencia entre o que se di e o que se fai; aporta solvencia na alternativa, para combater a resignación.

Chamou a mobilización para unha saída da crisis que se faga tendo en conta ás persoas e non os poderes financieiros, chamados mercados.

Un sentir maioritario da Convención foi a aposta pola Convocatoria Social como método de construción e participación dende abaixo.

Manifesto en contra dos recheos da Ría de Vigo

O Tribunal Supremo ven de declarar ilegal a ampliación do Porto de Marín de máis de 30.000 metros cadrados actualmente en fase de ocupación en superficie. Isto abre unha esperanza de que tanto o que se expón en diferentes puntos da nosa costa (recheos na Ría de Vigo), así como diversas ampliacións executadas (Reganosa en Ferrol), ou en desenvolvemento (Porto exterior na Coruña) sexan do mesmo xeito declaradas ilegais e, cando menos, a cidadanía responsable coñeza a actuación ilegal de diversas institucións (Autoridades Portuarias, Xunta, Goberno central…), que entregan as nosas costas os máis variopintos intereses privados (construtoras, empresas conserveiras, compañías loxísticas, etc..) nun desprezo absoluto a un medio ambiente litoral de unha riqueza biolóxica excepcional.

Ó longo dos anos, a costa Galega ven sendo un fronte de batalla onde os intereses do capitalismo galego e estatal amosan a súa face máis predadora, construtoras fixeron da actividade inmobiliaria un espazo de especulación actuando en conveniencia con corporacións municipais que modificaron intencionadamente a súa planificación urbanística cegados polos inxentes réditos da plusvalía do ladrillo que vivimos na última década. Empresas conserveiras presionan a Portos para situar os seus centros produtivo en chan barato é accesible aproveitando, por exemplo, Portos como os de Vigo carecen de Plans directores que definan realmente os usos e aproveitamentos espaciais e de recursos das zonas portuarias.

Paralelamente á  crise capitalista e a política de control de custos empresarial devengada (que ten nos custes loxísticos un foco especial) Empresas de automoción como SEAT ou CITROËN, Regasificadoras como a do Musel en Xixón ou Reganosa en Ferrol, grandes operadoras de contedores ou estaleiros privados son capaces de condicionar a morfoloxía das nosas costas a cambio do chantaxe dos postos de traballo, argumentando se non conseguen espazos loxísticos baratos coa deslocalización produtiva. Os concellos son presionados por intereses capitalistas, pero en ocasións lamentablemente pola cidadanía enrolada nesa masa amorfa coñecida como “opinión pública”, se pliegan a estes intereses asustados máis por previsibles enquisas electorais que polo cumprimento da legalidade medioambiental e urbanística.

Nun contexto de crise capitalista o aproveitamento especulador do noso entorno faise máis patente, o todo vale dun sistema de acumulación especulativa multiplícase exponencialmente co que a resposta consciente da cidadanía é  imprescindible. Unha resposta que se artelle en plataformas, foros, mobilizacións pero tamén no traballo político: mocións, denuncias en fiscalía, votos nos plenos municipais, porque fronte o que se argumenta dende moitas posicións, a política é útil sempre que se faga con honestidade e vontade de servizo público. Polo tanto pedimos  PP, BNG, PSOE, presentes en moitas corporacións e institucións do noso país unha denuncia pública e real do que se está a aprobar en plenos e comisións. O lamentable exemplo de Reganosa é significativo de este feito.

ESQUERDA UNIDA como forza anticapitalista, está permanentemente en combate contra esta sibilina forma de alleamento do noso patrimonio ambiental, con ese argumento de que o progreso, o emprego e a riqueza dependen de recheos, ampliacións, modificación de lindes costeiros, …. destruír o noso litoral non é progreso. O progreso é xustamente o contrario, o crecemento ilimitado de espazos industriais e loxísticos nun contexto onde miles de miles de metros cadrados están baleiros ou infraempregados non é posible. Urxe decrecer neste aspecto, dotando de usos reais os espazos portuarios, vindicando fórmulas intermodais de transporte (ferrocarril-marítimo) que non fagan necesario que os espazos industriais estean en plena costa. Miles de polígonos industriais languidecen no noso país, miles de metros construídos sen uso real nos anos do “poligonismo irracional” que tantas inauguracións deu a alcaldes e conselleiros de un e outra cor.

PORQUE O CAPITALISMO NON É A SOLUCIÓN, É O PROBLEMA

OS ESPECULADORES FORA DAS NOSAS COSTA

¡¡¡RECHEOS NON!!!

%d bloggers like this: