MAREA DE VIGO DEFINE A REGULACIÓN DOS VENTRES DE ALUGUEIRO COMO A “LEXISLACIÓN DUN DESEXO E NON DUN DEREITO”

Marea de Vigo realizou un acto/debate sobre os ventres de alugueiro no que quedou plasmada a oposición clara a esta práctica, e definida como a “lexislación dun desexo e non dun dereito”

O acto foi presentado por Paula Quinteiro, deputada de En Marea no Parlamento galego e Marga L. Barreiro, concelleira do Grupo Municipal da Marea de Vigo, que, tras unha introdución á situación legal actual no estado con respecto aos ventres de alugueiro e ás diferentes posturas sobre esta práctica, iniciaron o debate.

Entre os temas que saíron e as conclusións que se sacaron, cabe destacar a consideración que maioritariamente se fixo sobre o porqué e os intereses que moven a regulación dos ventres de alugueiro. Isto substánciase e que os intereses veñen sendo económicos; por un lado, dende o punto de vista da utilización da necesidade económica das mulleres que se usan como “incubadoras” (xa que o debate sobre a regulación dos ventres de alugueiro baixo o concepto de voluntariedade perde sentido ao tratarse dunha minoría case inexistente e apenas existir demanda para casos por exemplo dentro dunha familia ou amizades) e polo outro, das empresas que buscan unha nova fonte de ingresos a través desta práctica, tal e como quedou reflectido por exemplo, na feira que tivo lugar en Madrid neste mes.

Por outra banda, falouse da desmitificación do colectivo gay como gran promotor da regulación dos ventres de alugueiro, xa que se trata, como xa quedou exposto, nunha cuestión económica, transversal ás orientacións sexuais de cada quen, o que permitiría acceder a esta práctica, xunto cunha cuestión puramente machista, neste caso non en canto a motivación, senón en canto á asunción do concepto de obxecto con respecto á muller xestante no momento no que se decide levar a cabo a “xestación subrogada”; cuestión, por desgraza, tamén transversal.

Como alternativa e solución, tamén de xeito maioritario, acadouse que é necesario a mellora integral da lei de adopcións en canto á accesibilidade, non só para o ámbito do estado, senón creando as ferramentas necesarias para facer máis sinxelo o proceso de adopción internacional, sendo conscientes das dificultadas existentes ao tratarse de diferentes lexislacións.

Como conclusión final, e tamén como comezo do debate, quedou patente a diferenciación entre dereito e desexo, asumindo que, lexislar os ventres de alugueiro vén sendo lexislar un desexo, non un dereito, e por enriba deses desexos, está a defensa do dereito das mulleres para decidir sobre o seu corpo, dereito que quedaría anulado desde o momento no que, por unha necesidade económica, é utilizada como ventre de alugueiro.

Advertisements

COMUNICADO DA MAREA FEMINISTA SOBRE O ARTIGO DE JUAN JOSE R. CALAZA

A Marea de Vigo manifesta a súa absoluta repulsa ante o artigo publicado no Faro que firma Joan Jose R. Calaza.

O domingo día 12 de marzo do 2017, só uns días despois do día da muller traballadora, o Faro de Vigo publicaba un artigo de opinión propio do século pasado. Neste “artigo” podemos ler xoias como “prefiro a expresión ‘crime pasional’ a ‘crime machista’” ou “as mulleres, en conxunto, son demasiado intelixentes para deixarse manipular polas feministas en guerra de sexos permanente”.

O autor chega ata puntos ruíns onde fala do terrible crime de Chapela, desbotando o crime machista e dicindo que é un ‘crime pasional’, pois “quen sabe o drama familiar” de cadaquén. Atónitas ante o que estamos lendo, continuamos analizando con noxo e rabia estas letras. A Marea Feminista quere expresar a súa absoluta repulsa ante este tipo de artigos que aínda continúan a ter cabida en xornais de gran tirada nacional e que son dos máis lidos do país; xornais que non esquecemos, teñen subvencións públicas pagadas cos cartos de todas.

Non comprendemos como hoxe en día, e con máis de 20 feminicidos ás costas no Estado, hai quen permite que continúen humillando publicamente ao 50% da poboación que reivindica os mesmos dereitos que o outro 50%. Non comprendemos como se dubida do feminismo, intentando ensuciar a imaxe dun movemento que pula polos dereitos das mulleres para que ambos xéneros estean ao mesmo nivel de dereitos e condicións; no comprendemos como se banaliza e ridiculiza ao feminismo. Aínda que a dicir verdade si o comprendemos; comprendemos que hai unha parte desta sociedade machista e casposa que ten medo de que lle arrebaten os seus privilexios; eses privilexios que permitiron ós homes dirixir o mundo, as empresas, ser os que aparecen nos libros, na historia, nos gobernos; mentres inivisibilizaban ás mulleres.

Agora nós tamén queremos dirixir o mundo, as empresas, aparecer nos libros, na historia e nos gobernos; cunha diferenza: queremos ‘ser’ en igualdade e en equidade, respectando as diferenzas dos xéneros. Polo de pronto, non semella que esta igualdade estea preto; por iso, Marea Feminista vai seguir denunciando publicamente os artigos que inducen á equivocación da sociedade que tan difícil está sendo educala con pedagoxía feminista. Vai seguir denunciando a quen ensucia a loita feminista porque quere manter os seus privilexios dos que non está disposto a renunciar.

O GRUPO MUNICIPAL DA MAREA DE VIGO PARTICIPOU ONTE NO PLENARIO DA MAREA DE VIGO, ONDE GRUPO MUNICIPAL E GRUPOS DE TRABALLO COMPARTIRON INFORMACIÓN SOBRE O TRABALLO FEITO E ACORDARON NOVAS ACCIÓNS E ACTIVIDADES PARA OS VINDEIROS MESES.

marea-descartaA/os concelleira/os da Marea de Vigo, fixeron unha valoración conxunta co plenario da Marea de Vigo (órgano de decisión entre asembleas) dos temas tratados no pleno do luns do Concello de Vigo e das liñas de traballo da Marea durante os vindeiros dias.

Rubén Pérez, voceiro do Grupo Municipal da Marea, deu conta do estado actual do PXOM e da situación de determinados proxectos coa nova lei de medidas urxentes aprobada no Parlamento de Galicia, así como sobre as iniciativas que se poden levar a cabo dende o Grupo Municipal da Marea de Vigo cara a cidadanía, co obxectivo de informala dun xeito sinxelo, sendo conscientes da gran demanda de información que existe por parte das e dos veciños de Vigo. A ese respecto, e tal e como se fixo noutras ocasións, coordinaranse grupo municipal e grupos de traballo para as actividades que se leven a cabo.

Margarida L. Barreiro, presentou ao plenario, as liñas estratéxicas do grupo de traballo feminista. Centrado durante estes dias nunha proposta interna para facilitar a participación de tódalas persoas no plenario. Barreiro expresou que: “O grupo de traballo feminista, sendo consciente de que estas dinámicas tamén se dan nas organizacións de esquerda, xa que non podemos ser alleos a presión que exerce sobre nós a sociedade, presenta as súas primeiras propostas para fomentar a participación colectiva no debate, especialmente a das mulleres que tradicionalmente teñen unha menor presencia na política e cuxa participación activa é imprescindible, xa que a perspectiva de xénero é unha cuestión que hai que potenciar nas posicións políticas de calquera organización progresista”.

Alén disto, tamén explicou a participación activa da Marea de Vigo nas mobilizacións do vindeiro 8 de maio, sendo estas liñas aprobadas por unanimidade do plenario.

Pola súa parte, Xosé Lois Jácome, deu conta da postura e argumentario do Grupo Municipal da Marea de Vigo sobre a moción presentada polo PSOE no pleno do pasado luns, respecto a mellora das liñas Vigo-Madrid.

Estando de acordo o plenario en que a Marea de Vigo apoiara as melloras que outras organizacións propoñan para as/os usuarios do transporte da nosa cidade e de Galiza en xeral, no debate que se deu, o colectivo amosou a súa preocupación polas liñas políticas do goberno municipal en canto a transporte colectivo, priorizando peticións nas liñas de longa distancia, cando a realidade e que o transporte ferroviario de proximidade está sendo desmantelado, sendo imprescindible para o desenvolvemento económico do país a potenciación do transporte no eixo atlántico.

Xosé Lois Jácome resumiu a postura colectiva: “O PSOE, xa por dúas veces, propón a mellora das liñas a Madrid, cousa que é positiva. Mais centra as súas iniciativas en liñas de longa distancia, cando as/os traballadores de Vigo e a súa comarca usan para os seus desprazamentos liñas de proximidade. As mocións que presentan os grupos no pleno amosan as súas prioridades e xa que din ser os defensores da cidade, resulta incoherente que estean máis preocupados por liñas de longa distancia cun porcentaxe de uso baixo e que non se queiran enterar de que traballadoras e traballadores de Redondela ou Arcade, por exemplo, aos que deberiamos facilitar o desprazamento aos seus postos de traballo xa que son imprescindibles para o desenvolvemento económico da cidade, así como o transporte de cercanías o elemento vertebrador do pais”. Esta postura sobre as prioridades de inversión é ratificada polo Plenario da Marea de Vigo.

MAREA DE VIGO CALIFICA DE ALARMANTES OS DATOS DE VIOLENCIA DE XÉNERO QUE ESTAMOS COÑECENDO NOS ÚLTIMOS DÍAS E CONSIDERA DE EXTREMADA URXENCIA TOMAR MEDIDAS O RESPECTO.

feminismoMarga L. Barreiro, concelleira do Grupo Municipal da Marea de Vigo fai ademáis un chamamento á participación na mobilización que terá lugar mañá 7N en Madrid, a que acudirá xunto con colectivos feministas da cidade de Vigo.

Analizando e comparando cos datos do ano pasado, os datos dos orzamentos en igualdade para o ano 2016 do Concello de Vigo, e lendo á vez os datos sobre violencia de xénero que se están publicando estes días na cidade, a realidade resulta realmente desoladora.

Marga L. Barreiro considera que, partindo da información do Xulgado de Violencia sobre a Muller número 1, o cal avisa do desbordamento que está a sufrir tras ter que asumir a investigación de tres crimes machistas en dous meses na cidade e outros catro casos de gravidade (polo que lévase pedindo reforzo ao TSXG dende o mes de xullo), advertindo que ningún xulgado ten tantos presos preventivos como este, e asegurando que desde o mes de setembro aceptou todas as peticións de protección a maltratadas que lle solicitaron porque o risco para a vítima era moi elevado; sería de supoñer que o orzamento en igualdade para a cidade de Vigo debería alomenos de triplicarse, pois desgrazadamente dende o Grupo Municipal compróbase que non é así, posto que o goberno do Sr. Caballero non ve necesario incrementar o gasto nesta área para tentar parar esta lacra que día a día vai aumentando. As administracións seguen estando de costas ás mulleres non facendo nada para evitar tal retroceso.

Alén disto, a concelleira do Grupo Municipal analiza que, “segundo diferentes estudos, dúas de cada tres mulleres, é dicir o 65% da poboación feminina sufriu nalgunha ocasión algún tipo de violencia machista; xa fose esta psicolóxica, emocional, de control, económica, física ou sexual, así como microviolencias que nin nós mesmas somos capaces de percibir, e aínda que así sexa non nos atrevemos nin sequera a nomear por pensar que nos van a tomar por demasiado exixentes ou pouco tolerantes ( non estamos a falar de casos illados, de mulleres pobres, inmigrantes ou prostitutas, non , podemos ser calquera de nós.). Isto quere dicir que unha porcentaxe correccional da poboación masculina exerceu os malos tratos; o cal significa que todas/os temos achegados, familiares, ou amigos que dalgún xeito son maltratadores. Chegando entón á conclusión de que nós mesmas coñecemos e silenciamos casos perpetuando deste xeito a violencia, polo cal debemos facer un exercicio de reflexión e tentar paralo tanto desde o individual como dende o colectivo. Mais para iso precísase de investimento desde as institucións, para ensinar en igualdade e tamén para denunciar a forma de educación que a través dos medios, do sistema patriarcal que sufrimos, chegan ás nosas casas e aos lugares que frecuentamos sen decatarnos”.

MANIFESTO 8 MARZO DE 2014

8M2014

CONTRA O ATAQUE AOS NOSOS DEREITOS INSUBMISIÓN FEMINISTA

Asistimos a un dos momentos históricos de maior ataque aos dereitos das mulleres. A dereita ataca as bases da democracia, como a aspiración á que temos dereito o das as persoas, a da liberdade, a autonomía persoal, o acceso aos recursos e a igualdade entre todos os seres humanos.

Esta grave regresión maniféstase de modo categórico respecto aos dereitos humanos das mulleres, froito das posicións máis retrógradas do sistema patriarcal, que, coa escusa da crise económica, viu as posibilidades abertas para destruír o acadado.

 A retrógrada formulación sobre o dereito ao aborto e aos dereitos sexuais e reprodutivos das mulleres que representa o anteproxecto da lei que defende o Goberno do Partido Popular, deixa ao descuberto a especial saña do emprego da política contra os dereitos das mulleres. O intento de forzar a maternidade ou que se aborte clandestina e perigosamente, é a expresión máis cruenta da consideración patriarcal, androcéntrica e misóxina do goberno e do seu Ministro de Xustiza.

A lista das normas segregadoras e sexistas, tanto a nivel estatal como autonómico, é abrasadora: a reforma laboral, a recente lei de educación, a lei de familia do goberno galego. Os recortes en sanidade e na asistencia a dependencia, a provisionalidade nos empregos, a privatización do público; son medidas que producen un impacto de xénero que se traduce no incremento da feminización da pobreza e a intensificación dos valores represores da autonomía das mulleres.

A materia de relixión na escola pública e a exclusión da educación sexual e reprodutiva dela, no é só consecuencia da inxerencia da xerarquía eclesiástica herdada do franquismo nas decisións gubernamentais, senón que pretende instaurar un modelo xa caduco, de mulleres obedientes e submisas.

Dende Esquerda Unida chamamos á insurrección e insubmisión feminista contra todo intento de volta ao pasado, contra todas aquelas decisións que pretendan manternos ás mulleres como seres subordinados, contra calquera tentativa de represión da nosa sexualidade e contra o noso dereito a decidir sobre os nosos corpos e as nosas vidas.

Vídeo do acto sobre a reforma da lei do aborto en Vigo

ACTO SOBRE A REFORMA DA LEI DO ABORTO

cartel_acto_vigo

%d bloggers like this: