ESQUERDA UNIDA DE VIGO APOIA ACTIVAMENTE O 19J

ESQUERDA UNIDA DE VIGO APOIA A MOBILIZACIÓN MAÑÁ 19 EN VIGO EN CONTRA DOS RECORTES DECRETADOS POLO GOBERNO E CELEBRA A UNIDADE SINDICAL CONQUERIDA.

O COORDENADOR LOCAL DE EU EN VIGO RUBÉN PÉREZ SULIÑA QUE 0 19J É O PUNTO DE NON RETORNO QUE A CLASE OBREIRA TEN QUE TOMAR PARA NON SÓ PARAR AS AGRESIÓNS SENÓN RECUPERAR DEREITOS MEDIANTE A MOBILIZACIÓN SOSTIDA NO TEMPO.

Para EU, como así o manifestou recientemente a súa executiva nacional, que CIG, CCOO e UXT conqueriran que as mobilizacións sexan unitarias é un paso importantísimo para asegurar o dificultoso camiño de loita contra este goberno e a súa folla de ruta de recorte de dereitos sociais e constitucionais.

EU de Vigo lembra que fai un ano PSOE e PP fraguaron a reforma constitucional de maior calado desde 1978, que culminou coa modificación do artigo 135 da C.E. constitucionalizando un límite de gasto público que abre a porta aos recortes sociais. A imposición dunha norma automática de limitación do déficit é unha alteración da decisión do constituínte plasmada no título preliminar (España constitúese nun Estado social e democrático de dereito) e por tanto, unha reforma “de calado, estrutural, e non conxuntural” para a que a Constitución esixe seguir o procedemento do artigo 168 co consecuente referendo popular para a súa ratificación. Con todo, a reforma pactada por dous partidos maioritarios polo procedemento do artigo 167 excluíu toda forma de participación popular na reforma.

Un ano despois, os recortes sociais son realidade. Desde o inicio o Goberno do Partido Popular foi aprobando políticas de “axuste” que minguaron o Estado de Benestar e recortaron os dereitos conquistados. Estas medidas están a fracasar e, lonxe de favorecer a economía produtiva e de xerar empregos, están a agravar a crise e están a ser obxecto dunha forte contestación cidadá.

Neste contexto, no que as mobilizacións sociais e as protestas á calor das medidas do Goberno faise máis que nunca necesario abrir canles de participación directa dos cidadáns na toma de decisións, desenvolvendo o dereito fundamental dos cidadáns a participar directamente nos asuntos público, recollido no artigo 23 da Constitución Española  para avanzar cara a unha democracia participativa que poña aos cidadáns no centro da política.

ESQUERDA UNIDA TERÁ PANCARTAS PROPIAS E CONCENTRARÁ A SÚA MILITANCIA AS 20:15 NAS ESCALEIRAS DE BAIXADA Á PRAZA DA ANTIGA ESTACIÓN

Advertisements

ESQUERDA UNIDA APOIA A MANIFESTACIÓN CONVOCADA PARA MAÑÁ MARTES POLOS SINDICATOS DE CC.OO. CIG, E UGT

A EXECUTIVA NACIONAL DE ESQUERDA UNIDA CONSIDERA UNHA SENTENZA DESPROPORCIONADA PARA OS TRES SINDICALISTAS CONDENADOS.

A COORDINADORA DE ESQUERDA UNIDA YOLANDA DÍAZ, MANIFESTA QUE “ESTA SENTENZA É UN ATAQUE AO SINDICALISMO DE CLASE”

Ante a situación actual de continuas agresións aos dereitos laborais, a mobilización reivindicativa de traballadoras e traballadores está máis que xustificada.

A executiva nacional de Esquerda Unida considera unha sentenza desproporcionada para os tres sindicalistas condenados. As acusacións cara estas tres persoas, baséanse na actuación como piquetes informativos na folga do comercio de alimentación que tivo lugar no ano 2009, e na que non se produciron nin actos violentos nin se rexistraron danos de ningún tipo. A condena sentenza a 3 anos e 1 día de prisión, 1.805 euros de multa e o pagamento dun terzo dos custes xudiciais.

A coordinadora nacional de Esquerda Unida, Yolanda Díaz, manifesta que “esta sentenza é un ataque ao sindicalismo de clase”. Atopámonos ante unha sentenza inadmisible e moi pouco entendible nun país democrático, que supón un ataque ao sindicalismo, imputándose un delito contra os dereitos dos traballadores no seu lexítimo dereito de folga.

Esquerda Unida apoia a manifestación unitaria convocada para mañá martes 17 de xullo polos sindicatos de CC.OO., CIG, e UGT. A manifestación partirá ás 11h30 da Praza da Ferrería e rematará diante da Audiencia Provincial (órgano que debe resolver o recurso).

Por todo esto, a executiva nacional de EU anima á participación cidadá nesta manifestación en apoio aos compañeiros condenados.

ESQUERDA UNIDA DE VIGO ANTE AS CONDEAS A SINDICALISTAS DE CIG E CCOO

ESQUERDA UNIDA CONSIDERA QUE A RADICALIZACIÓN XUDICIAL CONTRA OS TRABALLADORES E TRABALLADORAS DESTA CIDADE EN LOITA POLOS SEUS DEREITOS COMO UNHA ANTESALA A UN MODELO DE SOCIEDADE PERIGOSA

EU solidarizase cos compañeiros da CIG e CCOO que veñen de ser condeados en dóus procesos xudiciais por incidentes nas Folgas do Metal e do Naval destes anos. Curiosamente líderes sindicais como Ramón Sarmiento de CCOO e Antolín Alcántara da CIG, nesa oscura teima de descabezar o movemento sindical.

O coordenador local de EU en Vigo, Rubén Pérez, traballador do sector do metal e que estivo nas mobilizacións donde se produciron os incidentes considera que os participantes fomos centos de traballadores e que os “cabezas de turco” fóron os encausados polo que a petición de meses de cárcere nun proceso, e 5 anos de prisión a Antolin Alcántara da CIG no outro é claramente un intento de amedrentar ao movemento obreiro desta cidade na liña de advertir “que se facemos esto con dirixentes sindicais que non faremos con cadros e delegados”. EU considera que o conflicto naqueles días estaba totalmente enquistado polas provocacións constantes da patronal do sector e que a reacción dos traballadores e traballadoras despois de días e día de conflicto foi entendible.

O conflicto social neste país, con 300.000 personas en desemprego, nunha comarca onde perdéronse case 10.000 postos de traballo no sector naval, con niveis de pobreza infantil e desamparo social alarmantes, vai a ir en aumento e polo tanto a represión e a criminalización do movemento obreiro non son máis que “deitar gasolina no lume”. Os traballadores e traballadoras, como o están amosando estes días os mineiros asturianos e leoneses, non van ficar estáticos mentres un goberno rapiña dereitos e recorta liberdades.

EU pide a anulación dos xuizos e o respeto xudicial á lexítimo dereito á folga, a representación sindical e aos máis básicos dereitos constitucionais

CARTA ABERTA DE ESQUERDA UNIDA Á CIDADANÍA ANTE AS CONVOCATORIAS CONCURRENTES DO 12 DE MAIO EN VIGO

As organizacións sindicais maioritarias no sector da construcción naval (CIG, CCOO e UXT), veñen de convocar para o vindeiro sábado 12 de maio unha manifestación en Vigo en apoio do sector que, lamentablemente e sen entrar a detalle dos porqués, coindice en data e hora coa mobilización global de movementos sociais organizada entre outros por Democracia Real Ya, ECOAR, 15M.

ESQUERDA UNIDA, como movemento político e social non pode máis que lamentar a falla de acordo para confluir nunha soa mobilización. E o facemos porque entendemos que os motivos das dúas convocatorias corresponden a demandas sociais análogas. Porque as dúas convocatorias entenden non temos que ser os traballadores e traballadoras as que paguemos a crise, porque defenden activamente que a corresponsabilidade dos cargos públicos eleitos é coa cidadanía que representan, entre eles uns traballadores e traballadoras do naval que asisten atónitos á apatía dos gobernos ante a dinamitación orquestada dun sector que fai escasamente dous anos aportaba 10.000 postos de traballo directos ao tecido industrial da comarca.

Coñecemos que a data do 12M ten sido escollida a nivel mundial como data na que se celebrarán centos de manifestacións e asembleas en todo o estado, e moitas cidades do mundo, celebrando un ano dos movementos que se deron en chamar 15M pero que son moito máis que unhas siglas, movementos sociais que artellaron unha forma de entender á participación política avanzada e participativa. Sen o 15M no noso país problemas como os salarios e prevendas de cargos públicos, a reforma electoral ou os abusos do sistema financeiro non estarían hoxe na primeira liña do debate político no estado español.

Para ESQUERDA UNIDA visto que se manteñen as dúas convocatorias (por ser unha convocatoria global unha, e por ser imposible artellar unha data que servira de nexo ás tres organizacións sindicais outra) teremos que ser a cidadanía consciente a que fagamos un intento (curioso eso si) de confluencia das dúas mobilizacións.

Confluencia que ten que realizarse dende o espíritu de unidade no obxectivo final que non  é outro que unha democracia real, porque democracia é gobernar e lexislar para a maioria social que non somos outros que os traballadores e traballadoras.

Propoñemos, ante esta tesitura o seguinte:

– OPCIÓN 1: Participar na marcha POLO SECTOR NAVAL con saída o sábado 12 ás 19:00 horas dende o cruce de Lepanto con Urzáiz e participar na lectura do MANIFESTO que realiza a MOBILIZACIÓN GLOBAL 12M na Praza da Estrela

– OPCION 2: Participar na MOBILIZACION GLOBAL que sae a mesma hora dende Praza de España e confluir na Porta do Sol onde os sindicatos leeran a súa vez un MANIFESTO EN APOIO ao SECTOR NAVAL

Coidamos que sería unha boa ponte entre movementos sociais e sindicatos de clase como punto de partida para evitar, no sucesivo, concurrencias de mobilización.

ESQUERDA UNIDA, NO SEU PERCORRIDO DE REUNIÓNS COS SINDICATOS, REÚNESE COA CIG AMOSANDO O SEU APOIO A FOLGA XERAL

Esquerda Unida de Vigo manterá hoxe Mércores unha xuntanza coa organización comarcal da CIG, para trasladar o seu apoio e respaldar a FOLGA XERAL do 29 e os traballos de mobilización e información, contra un governo e unha patronal que acosan constantemente a clase traballadora e os seus dereitos e a propia convocatoria de folga. EU amosará tamén o seu desexo de superar diferencias e poder organizar coordinadamente, de xeito unitario, os traballos e esforzos contra a reformal laboral.

RUBÉN PÉREZ: A CONVOCATORIA UNITARIA DE FOLGA XERAL O DÍA 29 É A NOTICIA POSITIVA QUE ESPERABAMOS OS TRABALLADORES E TRABALLADORAS PARA CONFRONTAR A REFORMA LABORAL DO PP

O coordenador local de EU en Vigo valorou hoxe a convocatoria de FOLGA XERAL para o día 29 de marzo por parte de UXT e CCOO, que se une en data á da CIG, como unha noticia esperanzadora para os retos e loitas que a clase obreira ten que afrontar indefectiblemente nestes tempos. Recorda de a Folga é un método non un fin polo que as mobilizacións destas semáns e as que restan son indispensables para o bo suceso do paro xeral.


 

O coordenador local de EU en Vigo lembra que fai 40 anos a clase obreira en Ferrol loitou e sufriu a violencia mortal do franquismo. A cidade viviu en loita a declaración do estado de excepción ante as loitas obreiras e populares.Contou daquela coa solidariedade fraternal da cidade, do país ( coas loitas de Vigo ) e de moitos traballadores no Estado. Logo de 40 anos tornamos a vivir en loita o 10 de Marzo, Día da Clase Obeira Galega, nunha situación de excepción producida polo Golpe de Estado laboral do PP, que tenta rematar cos fráxiles dereitos que as sucesivas contrarreformas laborais teñen castigado á clase traballadora.

Para EU este GOLPE DE ESTADO LABORAL DO PP agóchase nunha suposta intentona de saída da crise, o capital e os seus capataces están a destruír os restos do Estado social e de dereito recoñecido na Constitución para implantar unha brutal ditadura do patrón nas empresas: despedimentos libres logo dun ano de traballo, reducións arbitrarias de salario e cambios nos horarios e postos de traballo; abaratamento maior dos despidos, atrancos para exercer o dereito de lactancia e a conciliación da vida familiar e laboral… todo elo regado con cuantiosas subvencións de diñeiro público de todas e todos nós para que nos sobreexploten a discreción.

A NOSA REPOSTA TEN QUE SER, HOXE COMO ONTE, LOITA E UNIDADE DAS TRABALLADORAS E TRABALLADORES. Cando unas trescentas mil persoas restan no paro en Galicia, cando a pobreza roe o día a día dunhas 600.000 persoas no noso país, cando se recortan nos servizos públicos da sanidade, educación e dependencia e se privatizan hospitais, centros de saúde e escolas infantís, é tempo de actualizar as leccións que as mulleres e homes da clase traballadora nos legaron daquel marzo, é tempo de loita unitaria na defensa dos nosos dereitos como traballadoras e traballadores, porque os dereitos  se gañan na loita e se perden cando caemos na resignación e no mal menor.

 

O candidato de Esquerda Unida Rubén Pérez traslada ao comité provincial de ADIF a súa defensa por un sector público ferroviario

Rubén Pérez mantivo hoxe nos locais sindicais da estación de RENFE de Vigo unha xuntanza co comité de empresa provincial de ADIF, empresa pública que se encarga de da construccion e mantemento das infraestructuras e espacios ferroviarios. O acto contou coa presencia de membros dos sindicatos presentes na compañía (CGT, CCOO, UGT, CIG e S.F.).

ESQUERDA UNIDA deu traslado a súa preocupación polo anuncio do ministro de Fomento Jose Blanco de iniciar un proceso de división en RENFE OPERADORA e ADIF para crear novas empresas coa opción de entrada ao capital privado. Para EU esta é a mesma estratrexia seguida en países como o Reino Unido para privatizar o sistema público ferroviario coa entrada de subcontratas privadas e o argumento permanente de mellora da eficiencia.

Igualmente Rubén Pérez informou de que ESQUERDA UNIDA é unha forza que se enfrenta ao proxecto de implantación do AVE, como modelo de infraestructura costosa, medioambientalmente insostible e que hipoteca un futuro desenvolvemento da rede de transporte de mercadorías e un necesario sistema de cercanías de tren convencional na comarca de Vigo.

Os traballadores e traballadoras de ADIF informaron das múltiples fallas de previsión e nas obras do AVE e no desenvolvemento das infraestructuras ferroviarias como a estación intermodal de Urzáiz.

Os membros do comité provincial coincidiron en que ADIF e RENFE OPERADORA son empresas sostibles e rendibles e que cando se presentan como costosas ou ineficaces é porque existe un afán privatizador.

Rubén Pérez informou que ESQUERDA UNIDA, mediante o seu deputado Gaspar Llamazares está denunciando ante o parlamento estatal a discriminación con Galicia na concreción dunha rede de cercanías similar a Rodarías da Generalitat e igualmente está denunciando o peche de estacións que fomento está acometendo na comarca de Vigo.

%d bloggers like this: