MAREA DE VIGO CONSIDERA UN ATAQUE Á IGUALDADE E A LIBERDADE DAS MULLERES O CONCEDERLLES ESTE ANO O PREMIO DE VIGUESAS/ES DISTINGUIDAS/OS Á UNHA ORGANIZACIÓN TAN PROFUNDAMENTE ANTIDEMOCRÁTICA COMO A FUNDACIÓN RED MADRE

Concello_de_VigoDende a Marea de Vigo queremos dar a coñecer á cidadanía viguesa a proposta do PP de este ano ó premio de Vigueses/as Distinguidos/as á Fundación Red Madre.

A Fundación Red Madre é unha fundación antiabortista de sospeitosas prácticas e ideoloxía o que a Corporación Municipal de Vigo vai a conceder un premio. Vinculada ó Foro da Familia, trátase dunha organización que está en contra das mulleres que decidan abortar, para o que levan a cabo dinámicas que se poderían incluso denominar como acoso ás mulleres que deciden interrumpir un embarazo non desexado.

Á Marea de Vigo parécenos moi preocupante este feito, mentres as mulleres maltratadas, as mulleres que teñen persoas dependentes no fogar ao seu coidado, que teñen que manter a unha familia elas soas con empregos precarios e mal remunerados non teñen acceso ás axudas, en cambio, sí aplaudimos que unhas cantas señoras con poder institucional detrás poidan recibir premios polo seu labor antidemocrático.

Dende que goberna o PP a nivel estatal, moitas subvencións e axudas que eran destinadas á asociacións de mulleres foron recortadas coa excusa da crise e en cambio destinadas a organizacións afíns a súa ideoloxía coma neste caso Red Madre.

Parécenos perigosísimo que non se sepa nin que se denuncie este recoñecemento institucional, xa que estas mulleres o único que fan é impedir que moitas outras poidan decidir sobre as súas vidas. Sabemos do apoio que o PP leva anos facéndolle a esta organización antiabortista (no 2012 o concello de Santiago cedeulles pisos destinados a persoas sen recursos e unha cantidade de 120.000€ en apenas 2 anos para xestionar persoal e outros gastos derivados da súa actividade).

O caso é que para a designación dos premios a Viguesas/es Distinguidas/os, o sistema establece cupos para cada Grupo Municipal, co que non hai opcion a consensuar nin a votar; quizais habería que plantexar outro modelo para esta designación co obxectivo de que non se den premios a organizacións profundamente antidemocráticas como esta, que apostan pola idea de que todas as mulleres teñan que ter un bebé aínda en contra da súa vontade, e baixo calquer circunstancia; obviando toda igualdade e progresismo.

Dende a Marea de Vigo denunciamos este premio, xa que lexitimaría os recortes nas liberdades e dereitos de todas as mulleres. Pensamos que debemos reflexionar sobre a qué tipo de organizacións se lles están concedendo estes premios.

Advertisements

INTERVENCIÓNS DE EVA SOLLA NO PARLAMENTO (24/4/2014)

Vídeo do acto sobre a reforma da lei do aborto en Vigo

INTERVENCIÓNS DE EVA SOLLA SOBRE SANIDADE NO PARLAMENTO DE GALICIA

A DEPUTADA EVA SOLLA LÉMBRALLE AO PP QUE NO CORPO DAS MULLERES SÓ MANDAN AS MULLERES

ESQUERDA UNIDA DE VIGO PIDE NO 28 DE SETEMBRO, DÍA INTERNACIONAL POLA DESPENALIZACIÓN DO ABORTO, QUE NON SE RETROCEDA EN DEREITOS DAS MULLERES AO ABORTO LIBRE E GRATUITO

Na aplicación da Lei de Saúde Sexual e Reprodutiva e de Interrupción voluntaria do Embarazo. Unha vez máis, os dereitos das mulleres están vulnerándose.

Para ESQUERDA UNIDA de Vigo en Galicia moitas mulleres siguen tendo dificultades este dereito como resultado dunha lei que deixou sen atar temas fundamentais e a pouca vontade política dos diferentes gobernos que participan no seu desenvolvemento.

Cada comunidade autónoma ten aplicado a lei segundo as súas necesidades, intereses e principios. Polo que cada goberno autónomo está a pór os obstáculos que quere para complicar o acceso das mulleres a unha interrupción voluntaria do embarazo. Para verse amenguados os dereitos que a lei confire ás mulleres no acceso, a gratuidade e a confidencialidade. ESQUERDA UNIDA rexeita a unha lei que recorta os dereitos que, en teoría, recoñecía, restrinxindo ao dereito a decidir das mulleres. A lei aprobouse sen asegurar a realización da interrupción voluntaria do embarazo (IVE) na rede da sanidade pública, sen garantir a equidade territorial, e sen regular o dereito á obxección de conciencia, minguando posibilidades de prestación nos centros sanitarios públicos.

A lei aprobouse mantendo o aborto no código penal e sen garantías no acceso ao aborto ás mulleres que exceden as 14 semanas de xestación, esixindo múltiples informes que prolongan un proceso duro xa para a muller, e que fan perigar a prestación, tendo en conta que se limita por un prazo de 22 semanas.

As mulleres enfrontámonos a gobernos autonómicos conservadores que atentan contra o dereito das mulleres a decidir sobre o noso corpo, pondo molestias á lei, abrindo canles para subvencionar organizacións anti-elección, atacando os dereitos xa conseguidos. Lembremos todos que o PP abanderou unha campaña regresiva en contra desta Lei, presentando un recurso de inconstitucionalidade á mesma.

%d bloggers like this: