Esquerda Unida de Vigo solicita o Concello a denominación dunha rúa ou Praza a Marcelino Camacho

MOCION PARA A ADXUDICACIÓN DUNHA RÚA OU PRAZA A MARCELINO CAMACHO

 

EXPOSICIÓN DE MOTIVOS:

 

O pasado 29 de outubro morreu o histórico líder de CCOO aos 92 anos despois dunha longa enfermidade.

 

Camacho, dirixente obreiro e comunista, defensor da liberdade e dos dereitos dos traballadores e traballadoras, dedicou toda a súa vida á conquista dunha sociedade máis xusta e solidaria. Tanto na guerra, no exilio, na ditadura e na liberdade sempre loitou xunto aos traballadores e traballadoras.

 

Foi un dos fundadores de CCOO na clandestinidade e, por iso, en 1967, detivérono no chamado “Proceso 1001” onde o condenaron a 20 anos de prisión. Saíu en 1975 por un indulto real, aínda que despois volveríano a deter.

 

O 1976 elixírono membro do Comité Executivo do PCE e Secretario Xeral de CCOO, organización sindical que dirixiu até 1987.

 

O 1977 foi elixido deputado por Madrid pola lista do Partido Comunista, escano ao que renunciaría dous anos despois para evitar o conflito entre a disciplina de voto do partido e a súa fidelidade aos intereses das traballadoras e traballadoras.

 

Como Secretario Xeral de CCOO convocou en solitario a primeira folga xeral en 1985. Ademais, tivo unha destacada presenza nas mobilizacións contra a OTAN de 1986 e nas estudantís do curso 86/87.

 

Marcelino Camacho foi o líder sindical máis importante do século XX en España e un referente fundamental no movemento obreiro.

 

A súa vida estivo dedicada á loita polos seus ideais, polas liberdades deste país e pola defensa dos traballadores e traballadoras

 

Polo exposto, SOLICITO

Primeiro.- Considerando os méritos expostos, a súa contribución á defensa dos dereitos dos traballadores e traballadoras, así como a súa loita pola conquista dunha sociedade mais xusta e solidaria, procédase á súa denominación coa seguinte proposta: Rúa ou Praza “MARCELINO CAMACHO”

Segundo.- Que se inicien os trámites correspondentes para a instrución do oportuno expediente que sirva para determinar os méritos ou circunstancias que aconsellan a denominación do espazo público da Rúa, coa denominación de “MARCELINO CAMACHO”, ao obxecto de recoller cuantos méritos considérense e reunir canta información e antecedentes estímense conveniente.

Terceiro.- Se de traslado da presente solicitude ao Sindicato Comisións Obreiras así como á familia de Marcelino Camacho para o seu coñecemento.

Asinado

Rubén Pérez Correa

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

%d bloggers like this: