Xuntanza en Vigo de CCOO, UGT, PCG, Esquerda Unida e XCG

Delegacións das cinco organizacións (CCOO, UGT, PCG, ESQUERDA UNIDA e XCG), reuníronse onte pola tarde en Vigo para tratar o tema da Folga Xeral convocada para o día 29 contra as políticas neoliberais.

De esquerda a dereita: Rubén Perez (PCG), Santi (UGT), Antonio Justo (UGT), Anxo (XCG), Cándido Pazó (CCOO), Román Alonso (EU), José Cameselle (CCOO) e Waldino Varela

As organizacións políticas ofreceron a súa colaboración nos traballos de preparación e desenvolvemento da Folga Xeral.

Todos coincidiron en que a Folga Xeral será un éxito, porque, pese ós continuos ataques ás centrais sindicais que dende os medios controlados polo capital se están a facer, percíbese que os traballadores e traballadoras están comprendendo a decisiva importancia desta xornada de loita, para revertir a reforma laboral aprobada polo PSOE, coa complicidade do PP e certos nacionalistas, e para frenar novos ataques xa anunciados contra o actual estado de protección social.

Onte, luns, ás 19:30 horas tivo lugar dita xuntanza na sede do PCG, e por iniciativa deste partido, con presencia das cinco organizacións encabezadas polos secretarios comarcais de CCOO, José Cameselle, e de UGT, Antonio Justo; polo secretario comarcal do PCG, Rubén Pérez, polo coordinador comarcal de EU, Román Alonso e polo secretario da XCG, Anxo Marcote.

Asistiron tamén outros directivos como Cándido Pazó (CCOO), Santi (UGT), Adrián (PCG), e o histórico dirixente obreiro Waldino Varela.

Esquerda Unida planea entrevistarse en días próximos  con outras  organizacións sindicais.

Gabinete de prensa
Secretaría de Comunicación
Executiva Comarcal de Esquerda Unida
Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: