O GRUPO MUNICIPAL DA MAREA DE VIGO PIDE QUE AS NOVAS PROPOSTAS PARA A PANIFICADORA CONCRETEN ALGO O FUTURO DO EDIFICIO E LEMBRA QUE SON “AS ENÉSIMAS PROPOSTAS SEN VONTADE REAL DE DARLLE SOLUCIÓN A ESTE ESPAZO”

panificadoraMarea de Vigo pide información “real e actualizada” sobre o estado legal do ámbito trala anulación do PXOM, o custe expropiatorio que tería adquirir os terreos e a antiga fábrica, un proxecto arquitectónico concreto e unha priorización de usos que prime o público e o asociativo.

Rubén Pérez, voceiro do Grupo Municipal da Marea de Vigo suliñou hoxe que “de novo aparecen ideas pretendidamente audaces de que facer co edificio. Dende vivendas e oficinas, a biblioteca pública ou centro socio-cultural; ideas saídas dos sucesivos gobernos municipais, pero que non concretan nada sobre expropiación e adquisición dos terreos, como se artellará a redacción do proxecto e o encaixe na legalidade urbanística vixente e especialmente cal deben ser as prioridades de uso, e polo tanto orientación construtiva, do inmoble e os terreos circundantes.”

Marea de Vigo sempre defendeu, e así figura no programa co que concurrimos ás eleccións municipais “a conservación e rehabilitación íntegra de todos os espazos, sen cambiar as súas características estruturais pero defendemos primar a reutilización como espazo público e aberto con titularidade pública, estando de forma continuada á disposición e servizo da cidadanía”. E polo tanto que Marea de Vigo fai súa a reivindicación do tecido asociativo e cultural de Vigo como espazo solidario e gratuíto onde realizar actividades, ter locais propios as asociacións de todo tipo e poñer ao servizo dos vigueses e viguesas un espazo gratuíto que evite os formatos privados e custosos da antiga obra social de Caixanova e o Auditorio Mar de Vigo por exemplo. Previamente, engade Rubén Pérez, teríase que declarar o complexo industrial como BIC (Ben de Interese Cultural) e incorporalo de xeito análogo ao conxunto histórico e artístico do Casco Vello.

Especialmente para a Marea de Vigo a Panificadora ten que conter un espazo que aporte alternativas ao auditorio Mar de Vigo, alternativas que teñen que ser gratuítas para o tecido social e cultural da cidade habida conta que os vigueses e viguesas tivemos que pagar o “sobreprezo” pola infraestrutura do auditorio Mar de Vigo: orixinariamente cun proxecto de de 85,7 millóns (proxecto orixinal aprobado polo Goberno local en outubro de 2006) e que tivo un orzamento final de 154,5 millóns de euros.

Polo tanto defendendo que Vigo precisa dun gran Centro Social e Cultural (unha vez dinamitadas as obras sociais das Caixas, que no seu día cubrían en parte as necesidades da cidadanía nese aspecto), apostamos por que este centro sexa o edificio da actual panificadora, xuntando a vella idea de CASA DA SOLIDARIEDADE (edificio colectivo con oficinas e espazos de usos múltiples para as ONG´s e asociacións de Vigo) a de Cultural e Social, tal e como existe noutras cidades, onde a veciñanza pode atopar un espazo de lecer, onde desenvolver actividades e mesmo onde organizarse entre ela.

O GRUPO MUNICIPAL DA MAREA DE VIGO CONSIDERA POLITICAMENTE IRRELEVANTE O SOBRESEMENTO DA IMPUTACIÓN DA FAMILIAR DE CARMELA SILVA NO CASO DO SUPOSTO ENCHUFISMO E LEMBRA QUE, ADEMAIS DE FUNCIONARIOS DESTE CONCELLO, UN EDIL SEGUE SENDO INVESTIGADO NA CAUSA.

logowebA Marea de Vigo insiste na necesidade da asunción de responsabilidades políticas con respecto os diversos casos xudiciais abertos nos que se atopan inmersos varios ediles do Concello.

O Grupo Municipal da Marea de Vigo quere lembrarlle tamén a Pedro Sánchez que, cando afirma que non leva persoas imputadas nas súas listas, posiblemente sexa por que as persoas imputadas xa teñen cargos institucionais actualmente, como acontece no Concello de Vigo. Nin máis nin menos que 5 dos 17 dos que tanto presume o alcalde para xustificar cada unha das súas accións.

A Marea de Vigo considera que a súa función ó respecto á hora de pedir responsabilidades é política, tal e como substanciou en varias ocasións pedindo comisións de investigación no Pleno do Concello, que lle foron sempre negadas, demostrando o Grupo Socialista ese talante democrático do que se vanagloria día si, día tamén, véndose obrigados a personarse como acusación popular no seu día na Operación Patos por unha cuestión incluso de necesidade, poñendo así unha “barreira de contención”. Pero polo que se pode ver día tras día, dá a impresión de que non hai límite nesta Casa do Concello, cada vez son máis as paralizacións e anulacións dos concursos públicos, ben por que moitas empresas, fartas das dinámicas das mesas de contratación, presentan recursos, ou ben por ordes do tribunal administrativo central de recursos contractuais.

O que está claro, segundo Rubén Pérez, voceiro do GM da Marea de Vigo, e que “existe unha grande distorsión na contratación pública neste Concello, e a cidadanía ten que saber do xogo que se está a facer cos seus cartos, pero o seu Goberno Municipal, representado por Abel Caballero en lugar de dar explicacións, adícase a facer declaracións dun moi baixo nivel político e descualificacións ó estilo mesmo dunha parodia de Nerón cara a quen lle está preguntando que está a acontecer coas concesionarias públicas.”

MAREA DE VIGO ENVIOU HOXE AS 24 CARTAS AO CONXUNTO DA DA XUNTA DE GOBERNO DA FEMP PARA INFORMARLLES SOBRE O NOVO REGULAMENTO APROBADO NO CONCELLO ONDE O SEU PRESIDENTE OSTENTA O CARGO DE ALCALDE.

pleno-rubenO Grupo Municipal da Marea de Vigo, tal e como anunciou no seu día, enviou unha carta a cada representante na Xunta de Goberno da FEMP, onde se lles informa sobre os cambios introducidos no novo Regulamento do Pleno do Concello de Vigo, que converteuse no exemplo de xusto o contrario do que pretende ser unha institución como a FEMP, baseada nos principios de democracia e transparencia.

Rubén Pérez, voceiro do Grupo Municipal da Marea de Vigo, considera que “o máximo representante dos concellos do estado non pode promover a destrución da democracia local”, tal e como quedou reflectido na aprobación do novo regulamento do Pleno do Concello. Outra vez asistimos á “conversión dun desexo en lexislación” coa aprobación deste regulamento, elaborado a todas luces baixo unha cuestión conxuntural, como é o feito de que Abel Caballero sexa Alcalde de Vigo e de que o PsdeG-PSOE teña maioría absoluta neste Concello, tal e como se explica na carta enviada á Xunta de Goberno da FEMP.

O Grupo Municipal da Marea de Vigo parécelle unha falla total de coherencia o que promove o Código de boas prácticas da FEMP co novo regulamento do Pleno do Concello, outra demostración máis da imaxe que pretende dar o Alcalde cara a fóra, cando dentro do Concello a súa praxe baséase en actitudes “tiránicas” e antidemocráticas, amparándose sempre na maioría absoluta que ten. Feito que, de por sí, este Grupo Municipal sempre entendeu debería proporcionarlle certa tranquilidade á hora de gobernar, pero, tal e como leva demostrado neste primeiro ano de lexislatura, semella ser todo o contrario. Na carta a FEMP explícanse varios dos cambios no regulamento e o que van significar tanto para o traballo da oposición, como para a cidadanía que pretenda expresarse dalgún modo perante o Pleno do Concello, o mesmo tempo que o límite que pode chegar a establecer sobre os medios de comunicación.

Carta FEMP

MAREA DE VIGO CONSIDERA QUE O ALCALDE PRETENDE ADAPTAR A REDACCIÓN DO NOVO PXOM AS SÚAS “NECESIDADES” EN LUGAR DE ADAPTALO AS NECESIDADES DAS E DOS VIGUESAS/ES ENCARGANDO UN INFORME XURÍDICO A TODAS LUCES INTERESADO.

Concello_de_VigoO Grupo Municipal da Marea de Vigo cualifica de escandaloso que non se queira falar da nova redacción do PXOM na Xerencia de Urbanismo, e en cambio, dun xeito unilateral, se vaian a sentar as bases do novo plan baseándose nun informe que pretende cuestionar a decisión do Tribunal Supremo.

Da a impresión que, a toda costa, se pretenden manter proxectos como o de Liñeiriños ou o de Karpin para o Barrio do Cura; verdadeiros pelotazos urbanísticos que soamente benefician os seus promotores, completamente alleos a realidade da cidade e a súa veciñanza, feito que parece incomprensible se defenda dende un goberno municipal que se di “socialista” e que, cada vez con máis forza, fai preguntarse o porque da teima en manter tales proxectos.

Rubén Pérez, voceiro do Grupo Municipal da Marea de Vigo, afirma que “non hai encaixe posible a 113.000 vivendas nun horizonte a 25 anos de plan cos cambios que introduciu a Lei do Solo de Galicia, que fala de que a previsión de vivendas debe ser xustificada e cun horizonte de 16 anos.”

Para a Marea de Vigo, no novo plan teñen que existir modificacións substanciais en canto a edificabilidades e sustentabilidade, dimensión demográfica e social, cuestións que fan preciso “repensar o modelo de cidade” nun momento no que as previsións de crecemento do PXOM de 2008 están desfasadas. Non se poden volver a cometer os mesmos erros que levaron a centos de veciños e veciñas a presentar máis de 61.000 alegacións e que rematou cunha anulación do Plan por parte do Tribunal Supremo.

Cando a Marea de Vigo solicitaba a apertura do concurso público para a contratación dos redactores do novo PXOM e a concreción dos espazos de participación cidadá que se ían dotar para tal fin, en ningún momento pasóuselle polo pensamento que a solución por parte do Goberno Municipal era lanzar este informe feito por unha sola persoa, vinculada o partido do Goberno Municipal, onde da unha opinión a toda vista subxectiva sobre unha sentenza e que ademais o Goberno Municipal o ía utilizar como plataforma de lanzamento para a redacción do novo plan, como parece se pretende. O marxe do insulto ó Pleno do Concello e por tanto a toda a veciñanza viguesa o feito de utilizar un medio de comunicación como transmisor da información ós grupos da oposición. Feito que, por outra banda, non sorprende á Marea de Vigo nin un ápice, posto que estase a converter nunha costume facelo deste xeito.

Marea de Vigo pide xa que todos os vigueses e viguesas podamos opinar sobre en que Vigo queremos vivir, e que os representantes da cidadanía se poidan sentar a traballar co único obxectivo de elaborar un plan que responda as necesidades reais da cidade.

MAREA DE VIGO PIDE QUE VIGO DECLARE INSTITUCIONALMENTE O 28 DE XUÑO EN VIGO COMO DÍA DO ORGULLO LGTBI

logowebO Grupo Municipal da Marea de Vigo rexistrou hoxe unha moción ao pleno do Concello pedindo que o 28 de xuño (DIA DO ORGULLO LGTBI) sexa considerado institucionalmente no termo municipal de Vigo como día de reivindicación e loita polos dereitos dos colectivos LGTBI

Xose Lois Jácome, concelleiro da Marea de Vigo que presenta a moción, lembra que “o 28 de xuño de 1968 sucedéronse diversas revoltas en Stonewall (EE.UU.) para denunciar a criminalización a que estaban sometidas as persoas LGTBI no país, por iso, neste día, se conmemoran reivindicacións que deben ser acollidas por políticas públicas por parte das institucións destinadas a velar polos dereitos destas persoas.”

Para a Marea de Vigo, as fobias cara ás expresións da sexualidade consideradas “diferentes”, lonxe de desaparecer, continúan habitando en aulas, fogares, centros de traballo e ocio, e, por desgraza, tamén nas administracións e servizos públicos.

Por desgraza tamén na nosa cidade a LGTBIfobia (o odio e o rexeitamento ás persoas lesbianas, gais, transexuais, bisexuais ou intersexuais) persiste na nosa sociedade, mostrándose con moitas e diversas caras. A discriminación exercida contra este colectivo é violencia e como tal debe ser denunciada e condenada enerxicamente tanto pola sociedade, como polos propios poderes públicos (só no que vai deste ano rexistráronse máis de setenta agresións contra a diversidade sexual en todo o Estado; moitas outras nunca se chegan a coñecer, pese a existir).

A proposta de moción da Marea de Vigo insta, ademais da declaración institucional o izado da bandeira do arco da vella do movemento LGTBI e unha serie de actuacións socioeducativas para colocar a Vigo ao mesmo nivel que as grandes cidades deste país en materia de dereitos LGTBI

Na moción tamén instase ao Goberno Galego a un maior desenvolvemento da ‘Lei 2/2014, do 14 de abril, de Igualdade de Trato e Non Discriminación de Lesbianas, Gais, Transexuais, Bisexuais e Intersexuais de Galicia’ , en colaboración co movemento asociativo e demais colectivos neste ámbito da Comunidade Autónoma, de cara a dotala de ferramentas e compromisos contra todo tipo de discriminación e violencia contra o colectivo. Ao Goberno central se lle insta a que se inclúa e garantan o proceso da reasignación de sexo no catálogo de prestacións xerais da Seguridade Social e das lesbianas e mulleres bisexuais nos programas de reprodución asistida.

MAREA DE VIGO PRESENTA AS EMENDAS Á LEI DE ÁREA METROPOLITANA DE VIGO.

Marea-Vigo-rubenMarea de Vigo trasladou hoxe ao grupo parlamentar de AGE unha serie de emendas ao proxecto de Lei de Área Metropolitana. O Grupo Parlamentar de AGE non presentou finalmente a solicitude de devolución que garantía o debate sobre as insuficiencias da lei, e no seu lugar presentou as emendas que se lle trasladan dende este Grupo Municipal e as que elaborou o propio Grupo Parlamentar.

As emendas da Marea de Vigo están feitas baixo a filosofía da recuperación dos servizos públicos actualmente privatizados, así como do control dos servizos concesionados, incluíndo nas mesmas as garantías de cumprimento dos pregos no caso das empresas adxudicatarias de tales servizos, tal e como sempre defendeu a Marea de Vigo. Transporte, RSU, a auga, son servizos que poden ser perfectamente asumidos directamente dende a Área Metropolitana e o Grupo Municipal da Marea de Vigo considera que neste momento, co debate desta lei, ábrese a porta a cambios substanciais en materia de recuperación para a xestión pública directa.

Por outra banda, pídese artellar un estatuto de capitalidade para Vigo evitando o baleiro legal da declaración de capital semellante a capital provincial que expón o PSOE e que obrigaría a modificar a lei de bases de réxime local.pdf1

MAREA DE VIGO PRESENTARÁ NO PLENO DO VINDEIRO LUNS UNHA MOCIÓN PARA A CREACIÓN DUN PARQUE MUNICIPAL DE VIVENDAS E A ELABORACIÓN DO SEU REGULAMENTO

logowebO Grupo Municipal da Marea de Vigo, despois de facer unha proposta de regulamento dun parque de vivendas municipais ós grupos municipais (proposta que non foi respondida por ningún dos dous grupos), presentará este luns unha moción no pleno para a creación dun parque municipal de vivendas co obxectivo de proporcionar solucións habitacionais ás familias que se atopen nunha situación de desafiuzamento ou risco de exclusión social por perda da súa vivenda habitual e precisen de intervención pública inmediata.

O Grupo Municipal considera que esta problemática é o suficientemente prioritaria para que toda a corporación municipal se poña a traballar de inmediato nas posibles vías de solución que se lle pode ofrecer á veciñanza que se atopa nesta grave situación, e cualifica de vergoñento o papel de “peloteo” que se está a xogar neste Concello con respecto ás competencias sobre vivenda (tal e como quedará reflectido no vindeiro pleno vistas as mocións presentadas neste caso polo Grupo Socialista) cando, tal e como expón a Marea de Vigo na súa moción, segundo o artigo 25.2.e) da Lei 7/1985, de 2 de abril, Reguladora das Bases do Réxime Local, dispón que os Municipios exercerán competencias na atención inmediata a persoas en situación ou risco de exclusión social, competencia obrigatoria de acordo co artigo 26.1.c) da devandita Lei.

Con isto, a Marea de Vigo pide á Corporación Municipal seriedade e compromiso coa cidadanía que están representando, poñendo as prioridades na vida das persoas e non en culpar a unha ou outra institución segundo unha cor política ou un interese electoral.

Seguir

Recibe aviso de cada artigo novo no teu correo electrónico.

Únete aos outros 34 segidores

%d bloggers like this: