Arquivado en: Actos,Noticias | Etiquetado: Belén Fervenza,Consumo responsable,Crises,Ecoloxía,Esquerda Unida,Manuel Garrido,Medioambiente,Sira Rego,Vigo | Deixar un comentario »
Esquerda Unida de Vigo chama a participar na manifestación do Domingo 27 contra os recheos na Ría de Vigo
Publicado o Febreiro 24, 2011 por euvigocom
Desde Esquerda Unida de Vigo chamamos a participar na manifestación deste vindeiro Domingo 27, contra os recheos na Ría de Vigo. A manifestación a convoca a rede de colectivos A Ría Non Se Vende ás 12:00 da rotonda das áncoras de Bouzas e rematará na Laxe, onde se celebrará un xuízo popular contra @s responsábeis da Autoridade Portuaria de Vigo por estragar a nosa ría.
Máis información na web de A Ría Non Se Vende.
Arquivado en: Noticias | Etiquetado: A Ría Non Se Vende,Manifestación,Medioambiente,Recheos ría,Vigo | Deixar un comentario »
O eurodeputado, Willy Meyer, presentóu unha pregunta ante a comisión sobre a ampliación da AP-9
Publicado o Febreiro 16, 2011 por euvigocom
O pasado mércores 9 de febreiro o eurodeputado de IU Willy Meyer presentou unha pregunta ante a Comisión Europea sobre a posible ampliación da AP-9 no tramo Enlace de Cangas-Enlace de Teis.
A ampliación da AP-9 neste tramo implicará o desdobramento da Ponte de Rande e suporá a realización de obras no entorno da Enseada de San Simón, zona integrada na Rede Natura 2000 como Lugar de Interés Comunitario (LIC) e Zona de Especial Protección dos Valores Naturais (ZEPVN).
Ademáis a realización desta obra conta coa oposición de boa parte dos veciños de Chapela xa que aparte das novas molestias e expropiacións afectaría a algunhas infraestruturas públicas da vila como son o centro de saúde, o colexio público Alexandre Boveda, o instituto de enseñanza secundaria obligatoria e F.P., o pabillón deportivo, a iglesia parroquial, atrio, casa rectoral e cemiterio, o colegio público Iglesia, dous aparcadoiros parroquiais e fontes públicas.
España é o estado europeo con máis Km de asfalto tanto en relación a número de habitantes como a número de vehículos. Isto, sumado a que o transporte por carretera emite máis do 20% dos Gases de Efecto Invernadoiro (GEI), causantes do Cambio Climático e a urxencia de adoptar medidas para frear estas emisións motiva que dende EU nos opoñamos á ampliación da AP-9. A solución aos problemas do transporte en Galicia non é o contínuo incremento de vías de asfalto, senon a mellora do transporte público, sobre todo o tren de cercanías, e unha política territorial que reduza a necesidade de desprazamentos achegando os servizos aos cidadáns.
As preguntas que Willy Meyer realizóu ante a Comisión Europea foron as seguintes:
1. Tendo en conta os danos sociais e ambientais que produciría a execución desta obra, ¿considera a Comisión Europea xustificable a súa realización en función da suposta mellora de la fluidez do transporte na zona?.
2. ¿Ten coñecimento a Comisión Europea da existencia dalgún Estudio de Impacto Ambiental favorable á execución desta obra?. No caso contrario, ¿pensa esixir a realización dese estudio?.
Lino C. Vila Secretaría de Medio Ambiente Executiva Nacional de Esquerda Unida
Arquivado en: Noticias | Etiquetado: AP-9,Cangas,Chapela,Comisión Europea,Medioambiente,Ponte de Rande,Redondela,Teis,Vigo,Willy Meyer | Deixar un comentario »
Nefasta politica contraincendios da Xunta
Publicado o Agosto 17, 2010 por euvigo
A MEDIADOS DE AGOSTO OS MONTES GALEGOS AINDA NON ESTAN LIMPOS DEBIDO A QUE AS SUBENCIÓNS QUE CONCEDE A XUNTA, ADEMÁIS DE REDUCIR DRASTICAMENTE SU CUANTÍA, EMPEZARON A COMUNICARSE A SEMANA PASADA
ESQUERDA UNIDA CONSIDERA NEFASTA A POLÍTICA FORESTAL DA XUNTA DO PP, PORQUE SUPEDITA A SEGURIDADE DA CIDADANÍA E A CONSERVACIÓN DO MEDIO NATURAL AOS INTERESES ECONÓMICOS E O BENEFICIO PRIVADO
EU DENUNCIA A SITUACIÓN DE PRECARIEDADE E FALLA DE SEGURIDADE DOS TRABALLADORES DO SERVIZO CONTRAINCENDIOS E AXENTES FORESTAIS QUE SE ENFRONTAN CONTRA O LUME CON ENORMES CARENCIAS HUMANAS E MATERIAIS
A climatoloxía da primeira parte do verán escondeu a ineptitude do Goberno do PP en materia de loita contra incendios, pois aínda que o sol brillou con xenerosidade e houbo poucas precipitacións, estás foron maioritariamente nocturnas e coa intensidade e regularidade necesarias para manter a humidade necesaria para evitar a seca da vexetación, proba de elo é que as hortas galegas case non necesitaron rego neste período.
Pero agora, cando a seca faise extrema, os incendios multiplícanse calcinándose centos de hectáreas de bosque e campo galego, namentras os servizos contraincendios vense superados. O que está a amosar as enormes carencias que ten o noso pais na loita contra o lume, carencias derivadas da inacción política Xunta de Galicia. Xa que logo, Esquerda Unida afirma que a climatoloxía do inicio do verán evitou que Galiza vivise o meirande desastre ecolóxico da súa historia.
Esquerda Unida considera nefasta a política forestal desenvolvida pola Xunta do PP, quen de manira irresponsable e temeraria, supedita a seguridade da cidadanía galega e a conservación do medio natural a prol dos intereses económicos e o beneficio privado.
Froito das ansias privatizadoras do Goberno do PP, o campo galego a día de hoxe está aínda sen limpar, pois no seu intento de estrangular economicamente as comunidades de montes veciñais para que abandonen o monte galego e o poñan en mans privadas, os comuneiros aínda non recibiron as axudas para a limpeza do monte. Así pois, a Xunta de Galicia na súa estratexia perniciosa, non empezou a comunicar a concesión das subvencións para a limpeza do monte ata a semana pasada, situación que non se pode achacar a problemas administrativos senón de gobernanza pois o acto administrativo está dentro do prazo establecido de seis meses, o que ven a amosar que cando o Goberno do PP lexislou a concesión das devanitas subvencións xa o fixo con aleivosía. Salientar tamén que a propia norma desenvolvida pola Xunta de Galicia está chea de trabas administrativas para que os comuneiros desistisen de acollerse as subvencións como a obriga de dispor de superficies mínimas de 250 ha. o que na práctica impide o acceso as axudas as pequenas comunidades. Asemade, as cuantías económicas das subvencións reducíronse notablemente, nalgúns casos concedeuse tan so o 2% dos cartos necesitados, non é de estrañar que zonas con semellante redución foran pasto das chamas. Situación que se agrava cando as devanditas reducións inclúen zonas con núcleos ruraris.
Por outra banda, Esquerda Unida denuncia a situación de precariedade e falla de seguridade dos traballadores e traballadoras do servizo contraincendios e axentes forestais que teñen que se afrontar contra o lume con enormes carencias humanas e materiais.
As anteriores denuncias desenvolvidas por EU, en relación coas eivas da empresa concesionaria SOAGA no sistema de contratación de persoal, onde se ningunea a experiencia dos traballadores e traballadoras e o sistema de formación, masificada con tan so 16 h. eminentemente teóricas, temos que añadir as condicións de precariedade coas que teñen que traballar os axentes forestais, os cales recibiron este ano unha formación de tan so dúas horas e non dispoñen de equipamento apropiado: botas que nos soportan o lume, uniformes confeccionados con materiais inflamables, botiquins sen os materiais básicos de primeiros auxilios, motobombas obsoletas que se averían constantemente ou perden auga, parque móbil obsoleto e pouco seguro ou utilización de material especial do ano pasado, cando é obrigada a súa renovación anual.
Pero o que resulta máis abraiante é que o Goberno do PP era coñecedor das eivas anteriormente mencionadas, pois o representante dos grupos medioambientais no Consello Forestal de Galicia, rexistrou en xullo un escrito para o conselleiro de medio rural, onde se detallaban todas as deficiencias e facíase constar que se carecía, nas condicións apropiadas, do material imprescindible que establece a lexislación vixente. Nin que dicir ten que a Xunta non atendio as peticións pois o Consello Forestal de Galicia tíñase que reunir en xullo para evaluar o risco e adoptar as medidas correctoras apropiadas, máis non o fixo.
Pola gravidade dos feitos mencionados, algo que nunca ocuerrera con ningún outro goberno galego, que non so poñen en perigo ao conxunto da cidadanía galega e supoñen un grande dano ao medio natural e por tanto a nosa riqueza natural, sino que, desgraciadamente, vense de cobrar a vida de dous traballadores, a nosa organización esixe unha investigación para clarexar os feitos, depurar responsabilidades e corrixir os protocolos de actuación no seu caso.
Esquerda Unida considera que un servizo da importancia estratéxica para o noso país como o da prevención de lumes ten que estar xestionado publicamente, e dicir, directamente pola Xunta de Galicia e coas maiores garantías no que atinxe á formación e medios técnicos. Con todo, o Goberno do PP coa hipócrita complicidade do PSOE e BNG ala onde gobernan, está a privatizalo encubertamente mediante concesións, feito que resulta lamentable.
Gabinete de Prensa Secretaría de Comunicación Executiva Nacional de Esquerda Unida
Arquivado en: Noticias | Etiquetado: Axentes forestais,Crises,Galicia,Incendios,Medioambiente,Seguridade laboral,Servizo contraincendios,Xunta de Galicia | Deixar un comentario »
Cadea humana: Non a Macrodepuradora no Lagares
Publicado o Xullo 14, 2010 por euvigo
Este vindeiro Sábado, 17 de Xullo, a Comisión de Afectados pola Depuradora do Lagares e A Ría Non Se Vende, convocan unha manifestación contra a Macrodepuradora no Lagares. Desde Esquerda Unida de Vigo invitamos a todos os e as cidadáns a paricipar nesta manifestación, que consistirá nunha cadea humana o redor da actual depuradora do Lagares, para rematar cunha gran pitada.
SÁBADO 17 DE XULLO
MANIFESTACIÓN CONTRA A MACRODEPURADORA DO LAGARES
CADEA HUMANA
ÁS 19:00H
Arquivado en: Noticias | Etiquetado: Comisión de Afectados pola Depuradora do Lagares,Depuradora,Lagares,Manifestación,Medioambiente,Ría de Vigo,Vigo | Deixar un comentario »
Esquerda Unida entende o tratamiento dos residuos sólidos urbanos como un servizo público polo que se opón á súa privatización como pretende desenvolver o goberno do PP
Publicado o Maio 28, 2010 por euvigo
EU APOSTA POR A XESTIÓN DESCENTRALIZADA DOS RESIDUOS BASEADA NUNHA REDE DE PEQUENAS CENTRAIS DE TRATAMENTO PARA REDUCIR O IMPACTO MEDIOAMBIENTAL
Logo do anuncio por parte da Xunta de Galicia do “Plan de Xestión de Residuos Urbanos 2010-2020” no que se contempla o financiamento por parte de capital privado nun 84% das novas infraestruturas de tratamento de residuos, Esquerda Unida ten que mostrar o seu total rexeitamento a este modelo de xestión.
Para Esquerda Unida, este plan, ademais de seguir apostando maioritariamente pola centralización e a incineración coa construción dunha nova planta de incineración no Sur de Galicia, non ten máis obxectivo que abrir un novo campo de negocio que permita a certas empresas privadas seguir obtendo beneficios.
A xestión dos Residuos Sólidos Urbanos (RSU) é un dos maiores problemas que se nos presentan actualmente nun momento no que estamos xerando moitos máis residuos dos que a terra é capaz de asumir. Esta xestión debe entenderse sempre como un servizo público básico e polo tanto debe primar a minimización do impacto ambiental e non os beneficios económicos que se poidan obter.
Esquerda Unida pula por unha xestión descentralizada dos RSU baseada nunha rede de pequenas a centrais de tratamento o que reduciría o impacto medioambiental derivado do transporte dos RSU ademais de diminuír o risco de vertidos tóxicos e a conseguinte contaminación de acuíferos.
A aposta pola Redución, Reutilización e Reciclaxe dos residuos debe ser prioritaria e non simplemente testemuñal. Este non parece ser o plan da Xunta de Galicia, xa que ademais de promover a inversión privada nas novas infraestruturas, a meirande parte da inversión, o 60%, sería empregado na construción da nova planta de incineración. Con esta nova entrada de capital privado no tratamento dos residuos e tendo en conta que Sogama cobra sobre 50 euros aos Concellos por tonelada de residuos retirados, non podemos esperar que se promova realmente a redución de residuos, xa que, a maior cantidade, maior beneficio económico. Así mesmo, esta nova entrada de capital privado pode resultar nun aumento do prezo que se lle cobraría aos Concellos pola retirada dos residuos, o que finalmente se traduciría no incremento das taxas municipais, que servirían para seguir abafando aos xa castigados petos de galegos e galegas.
O fin e o cabo, cando se fala de privatizar servizos públicos non se trata máis que da política propia dos partidos defensores do capitalismo: transferir as rendas dos traballadores (mediante taxas) ao capital. Esquerda Unida reitera a súa defensa do tratamento dos residuos en tanto que servizo público atento aos parámetros que respectan o medio ambiente e, polo tanto, manifestámonos contrarios a este novo enxalzamento e abuso da incineración.
Gabinete de Prensa Secretaría de Comunicación Executiva Nacional de Esquerda Unida
Arquivado en: Noticias | Etiquetado: Crises,Medioambiente,Reciclaxe,Residuos Sólidos Urbanos,Servizos públicos | 1 Comentario »
Esquerda Unida logra que a Comisión de Peticións manteña abertas as queixas presentadas sobre a lei de costas que afectan a Galiza
Publicado o Marzo 25, 2010 por euvigo
O EURODEPUTADO WILLY MEYER RECALCOU A IMPORANCIA QUE TEN PARA ESQUERDA UNIDA A ORDENACIÓN DO TERRITORIO E A PROTECCIÓN DO LITORAL
ESQUERDA UNIDA, QUE ESTÁ A FAVOR DA LEI DE COSTAS, REXEITA A SÚA APLICACIÓN ARBITARIA E ASIMÉTRICA
Logo dun intenso debate o eurodeputado de Esquerda Unida, Willy Meyer, logrou que a Comisión de Peticións manteña abertas todalas queixas presentadas sobre a Lei de Costas española, o cal e positivo pois implica que a Comisión Europea investigará denuncia por denuncia.
Tras a exposición dos peticionarios, interveu en primeiro lugar Willy Meyer, vicepresidente da Comisión de Peticións, que sinalou que Equerda Unida non está en contra da Lei de Costas, en tanto que o seu propósito é a protección do litoral.
Meyer afirmou que non se trata de entrar nun debate sobre o interese xeral da propiedade. A costa española é unha das máis agredidas. Para EU é moi importante a ordenación do territorio e a protección do litoral, pero denunciamos que a súa aplicación é arbitraria e asimétrica, non ten en conta o patrimonio histórico e se está a actuar contra os máis modestos. Estase utilizando unha dobre rapadoira, afirmou o eurodeputado “fomos testemuñas nesta Comisión de que a aplicación da Lei de Costas é caprichosa e arbitraria, pois non se utiliza o mesmo patrón con grandes urbanizacións e complexos hostaleiros que con primeiras residencias e poboados que sempre conviviron de forma sostible co litoral”.
O eurodiputado de Esquerda Unida instou a “estudar a recolocación de sectores populares que perderon da noite para a mañá a súa primeira vivenda” e “a contemplar indemnizacións apropiadas”. Asemade propuxo que as queixas relativas á Lei de Costas seguisen abertas para facilitar a resolución e analizar os casos nos que se cometeron abusos. Por iso, expuxo á Comisión que remitise unha carta ás autoridades españolas interesándose por todos estes casos, proposta que foi aceptada.
Para Esquerda Unida, tense que regular de forma efectiva a protección do litoral, pero a Lei de Costas non é coherente cos obxectivos que busca, dado que está afectando a poboacións tradicionais e está castigando aos habitantes de pequenos pobos costeiros que sempre conviviron de forma sostible co mar e os seus ecosistemas. Mentres proliferan grandes hoteis e urbanizacións de segunda residencia por toda a costa española que representan un modelo económico insostible e sobre as que non se está a aplicar a dita lei, prodúcense derribas de pequenas vivendas, primeiras residencias, que son precisamente as construcións que teñen un menor impacto ambiental.
Gabinete de Prensa Secretaría de Comunicación Executiva Nacional de Esquerda Unida
Arquivado en: Noticias | Etiquetado: Crises,España,Europa,Galicia,Lei de costas,Medioambiente,Willy Meyer | Deixar un comentario »
Esquerda Unida denuncia que o goberno do PP está a desenvolver na Galiza un modelo económico insustentable social e medioambientalmente, que profundiza no produtivismo
Publicado o Marzo 22, 2010 por euvigo
EU PULA POLA CONSECUCIÓN DUN SISTEMA ECONÓMICO BASEADO NO DECRECEMENTO SOSTIBLE QUE PONGA AS PERSOAS E O MEDIOAMBIENTE POR ENRIBA DOS INTERESES DO CAPITAL
ESQUERDA UNIDA PARTICIPOU ACTIVAMENTE NA MANIFESTACIÓN CONVOCADA POR GALIZA NON SE VENDE
Un ano de Goberno e tempo dabondo para comprobar que a Xunta do PP está a desenvolver na Galiza un modelo económico xerador de inxustizas asemade depredador do territorio, un modelo ao cabo insustentable social e medioambientalmente.
Esquerda Unida, que participou activamente na manifestación do pasado domingo, saúda a iniciativa desenvolvida por Galiza Non Se Vende, pois compartimos a importancia que ten que a sociedade responda na rúa ás políticas depredadoras do medio natural que o Goberno do PP está a desenvolver.
A Xunta do PP empéñase en manter un modelo económico caduco e ineficaz que profundiza no produtivismo, algo que Esquerda Unida rexeita radicalmente pois, non cabe dúbida, que resulta imposible manter un crecemento constante cando os recursos son limitados. E por iso que Esquerda Unida pula pola consecución dun sistema económico baseado no decrecemento sostible.
O actual sistema económico e insustentable medioambientalmente, xa que logo, estamos a saturar a capacidade do noso planeta. Segundo datos da pegada ecolóxica necesitaríamos 3 planetas para manter no tempo o noso nivel de producción, nembargantes o sistema obriga a manter o crecemento continuo e aínda así atopámonos nunha crise sen precedentes. Ademais o sistema e insustentable socialmente pois é xerador de inxustizas como demostra o dato que un 20% da poboación consume o 80% dos recursos.
Semella inaceptable que o Goberno do PP pretenda manter un modelo económico que pon os intereses económicos por enriba da cidadanía e do medio natural, un modelo que como a actual crise ten demostrado amósase incapaz pois non é quen de distribuír o producido para cubrir as necesidades básicas da poboación, a pesares de producir moito máis do necesario.
A Xunta do PP aposta por poñer os recursos naturais ao servizo dos intereses económicos, entregando o litoral á especulación inmobilizaría, mostrando permisividade coas empresas contaminantes que verten nos nosos acuíferos, favorecendo a construcción de recheos mentres as nosas rías acreditan niveis de contaminación escandalosos, perpetuando agresións sobre espazos senlleiros integrados na Rede Natura como a Serra do Courel ou os Canóns do Sil, mantendo o urbanismo caótico e especulativo, ou mesmo entregando zonas costeiras as multinacionais piscícolas como se desprende do plan acuícola, no cal ábrese máis a man do que xa tiña feito o bipartito.
Por outra banda a inexistente ordenación do territorio está a producir enormes diferezas entre a costa e o interior, asemade do despoboamento do rural debido a unha errática política forestal onde se promove a reforestación con especies alótonas, e unha nula planificación agraria-gandeira que deixa o noso agro nas mans dos intermediarios que están a actuar como auténticos usureiros provocando o abandono masivo do agro. Esquerda Unida considera o sector agro-gandeiro como un sector primario estratéxico para o noso pais xa que cubre a necesidade básica e fundamental da poboación, a alimentación, polo que pula pola súa posta en valor, dignificando o traballo de gandeiros e agricultores, asemade da planificación da explotación agraria mediante a creación de empresas públicas de distribución e asistencia técnica que impidan a actual dictadura dos intermediarios, facilitando así a soberanía alimentaria, a redución da pegada ecolóxica, a creación de emprego de calidade e, por conseguinte, a repoboación do rural e o fortalecemento da nosa economía.
O Goberno do PP amosa unha política de infraestruturas irracional que acumula dous portos exteriores e tres aeroportos, pon a énfase no trasporte individual fronte o colectivo e nas infraestruturas viarias e da alta velocidade en prexuízo do ferrocarril de proximidade, o que só contribúe a facer o noso modo de vida máis insustentable, e a desartellar o territorio e afondar nas desigualdades rural-urbanas, desmantelando estacións intermedias que fixaban hábitos de mobilidades tradicionais e asemade sustentables.
A reviravolta eólica supón empeorar a proposta do bipartito e, xa que logo, a posición de Esquerda Unida está marcada pola consideración da enerxía como un sector estratéxico da nosa economía que ten que estar baixo a dirección pública na procura da soberanía enerxética e que ten que empregarse como ferramenta para crear emprego estable e con dereitos.
Por último, e non por elo menos importante, a Xunta do PP está a entregar os Servizos públicos ao capital privado, Sanidade, Servizos Sociais, Educación, Servizos de Emerxencias ou a mesma externalización masiva dos Servizos Administrativos son un bo exemplo do dano que o Goberno do PP está a facer na Galiza, baixo a falaz premisa de que a xestión privada é menos custosa, cando a realidade se empeña en demostrar que a privatización a longo prazo non só e máis custosa senón que ademais reduce a calidade do servizo. Esquerda Unida rexeita con rotundidade a privatización e aposta por relanzar o público desenvolvendo políticas que permitan mellorar os servizos públicos e a súa eficacia, xusto o contrario que está a desenvolver o PP para dar crédito a súa política privatizadora baseada tan só en intereses espurios.
Gabinete de Prensa Secretaría de Comunicación Executiva Nacional de Esquerda Unida
Arquivado en: Manifestos,Noticias | Etiquetado: Crises,Enerxía,Ferrocarril,Galicia,Medioambiente,PP,Rede Natura,Sector agro-gandeiro,Xunta de Galicia | Deixar un comentario »
Esquerda Unida denuncia que, as obras que se están a realizar con fondos europeos na serra do Courel, presuntamente, están a danar espazos portexidos
Publicado o Marzo 18, 2010 por euvigo
EU RECORDA QUE FAI UN ANO O SEU EURODEPUTADO, WILLY MEYER, XA PRESENTOU UNHA INTERPELACIÓN EN RELACIÓN COS IMPACTOS NEGATIVOS QUE SE ESTABAN A PRODUCIR NO COUREL
ESQUERDA UNIDA VEN DE PRESENTAR UNHA INTEPERLACIÓN NA COMISIÓN EUROPEA EN RELACIÓN AS INTERVENCIÓNS DE RESTAURACIÓN HIDROLÓGICO-FORESTAL QUE SE ESTÁN A REALIZAR NA SERRA DO COUREL
Unha vez máis as agresións ao noso territorio obrigan a Esquerda Unida a denunciar ante Bruxelas. Así pois, ante os presuntos danos que están a sufrir espazos protexidos derivados das obras que se están a realizar na Serra do Caurel con fondos europeos, como denuncia a veciñanza e o colectivo SOS-Courel, o Eurodeputado de Esquerda Unida, Willy Meyer, interpelou a Comisión Europea.
Esquerda Unida considera moi grave que un espazo singular integrado na Rede Natura, como a serra do Courel, siga a sufrir danos medioambientais, a nosa organización recorda que precisamente agora cúmprese un ano da interpelación parlamentaria presentada polo Eurodeputado de Esquerda Unida, en relación ao negativo impacto medioambiental das minas de pizarra de O Courel.
Semella inaceptable que tanto a Xunta de Galicia como o propio Goberno de España estean a destruír, con fondos europeos, un bosque autóctono de grande riqueza no que se concentran especies de vexetación endémica, polo feito de incumprir o proxecto de execución, ao desenvolver o traballo de maneira mecánica con grandes escavadoras no canto de manualmente, e pola restauración forestal realizada a base de pinos.
Texto da pregunta
“Na Serra do Courel (Lugo, Galicia) estanse levando a cabo unhas obras de restauración da zona a cargo da Xunta de Galicia e do Goberno español que ascenden a un orzamento anual duns 3 millóns de euros, subvencionados en parte por fondos europeos.
Os veciños da zona e, en particular, o colectivo SOS-Courel, denuncian que estes labores están destruíndo este bosque autóctono de enorme riqueza no que se concentran diversas especies de vexetación endémica.
As denominadas “intervencións de restauración hidrológico-forestal”, lonxe de protexer a contorna do Courel, espazo integrado na Rede Natura, están destruíndo os hábitats, posto que se están realizando de forma mecánica con grandes escavadoras no canto de manualmente, como se proxectaba.
Así mesmo, nestas intervencións procedeuse a plantar especies que non pertencen á zona, eliminando vexetación endémica.
Ante os feitos expostos:
Ten coñecemento a Comisión Europea destas intervencións de restauración hidrológico-forestal?
Cónstalle á Comisión se estes proxectos respectan a Directiva 92/43/CEE sobre conservación dos hábitats naturais e da fauna e flora silvestres?
Pode informar a Comisión sobre a cantidade de Fondos Europeos destinados a estas obras?
Non considera a Comisión que a plantación de vexetación non endémica e a utilización de maquinaria pesada para a realización destes labores supón unha deterioración dun espazo natural que require a máxima protección ambiental e urbanística?
Gabinete de Prensa Secretaría de Comunicación Executiva Nacional de Esquerda Unida
Arquivado en: Manifestos,Noticias | Etiquetado: Crises,Galicia,Lugo,Medioambiente,Rede Natura,Serra do Courel,Willy Meyer | Deixar un comentario »
Esquerda Unida presentou hoxe, na Comisión de peticións do Parlamento europeo, a ampliación da denuncia sobre a planta de gas
Publicado o Febreiro 23, 2010 por euvigo
YOLANDA DÍAZ, COORDINADORA NACIONAL, SAÚDA O ÉXITO ACADADO AO
DECIDIR A COMISIÓN MANTER ABERTA A DENUNCIA
ESQUERDA UNIDA ESIXE O PECHE DA PLANTA DE GAS DE REGANOSA
O eurodeputado de Esquerda Unida, Willy Meyer, vén de presentar no día de hoxe, na Comisión de Peticións do Parlamento Europeo, a ampliación da denuncia sobre a planta de gas de Reganosa.
Yolanda Díaz, Coordinadora Nacional de EU, amosa a súa satisfacción por conquerir manter aberta a denuncia no seo da Comisión de Peticións diante dos novos e flagrantes datos que dan a razón a denuncia presentada por EU e a elaborada polo Comité de Emerxencia, integrado por máis dunha sesentena de entidades e asociacións.
A planta de Reganosa non cumpre cos requisitos legais necesarios, ao non pasar os trámites preceptivos de avaliación de impacto ambiental, servindo ao negocio especulativo e, dende sempre, rodeada pola polémica xa que non se garantiu o proceso de información pública que require o convenio de Aarhus sobre participación cidadá e social en instalacións con impacto para o medio ambiente.
A ampliación da denuncia presentada por Esquerda Unida no día de hoxe formulouse cunha nova serie de datos relacionados cos problemas que están a ter os gaseiros para franquear a entrada na ría, a evidencia das falsidades das previsións de demanda formuladas para obter os permisos e peticións de ampliación da súa capacidade de produción; as falacias e insuficiencias do plan de emerxencia exterior; a carencia dun plan global de emerxencias que atinxa aos gaseiros que entran na ría; a radical falla de xustificación para proceder a ampliar a capacidade da planta; as agresións medio ambientais que conleva o funcionamento da planta, e a acumulación de sentenzas que deixan en evidencia a ilegalidade do emprazamento e da tramitación ambiental do proxecto.
Esquerda Unida salienta o risco continuo ao que se ve sometida a poboación que vive na contorna da ría a causa das dificultades que os metaneiros están a ter para franquear a ría; van unha ducia de gaseiros que non conseguen entrar no día previsto a causa dos problemas derivados da climatoloxía aliados coas condicións naturais da ría.
A nosa organización demanda o peche da planta de gas de Reganosa, asemade de reclamar a responsabilidade da Xunta pola permisividade que demostra o aceptar unha instalación que incumpre coa legalidade e seguridade esixibles a instalacións deste tipo.
Gabinete de Prensa Secretaría de Comunicación Executiva Nacional de Esquerda Unida
Arquivado en: Manifestos,Noticias | Etiquetado: Crises,Europa,Ferrol,Medioambiente,Reganosa | Deixar un comentario »
