Arquivado en: Actos,Noticias | Etiquetado: 1972,CCOO,Folga Xeral,Represión,Vigo | Deixar un comentario »
ESQUERDA UNIDA DE VIGO SÚMASE A XORNADA DE LOITA INTERNACIONAL POLA LIBERDADE DE “ALFON “ ÚNICO DETIDO POLA FOLGA XERAL DO 14 DE NOVEMBRO
Publicado o Decembro 27, 2012 por euvigo
A concentración de Vigo será mañá venres 28 ás 18 horas no M.A.R.C.O.
ESQUERDA UNIDA súmase á concentración días despois de que Deputados do Grupo Parlamentario de EU, ICV-EUiA, CHA, xunto a algúns representantes das formacións integradas no Grupo Mixto, arrouparan na porta do Congreso dos Deputados a lectura dun manifesto de apoio a Alfonso “Alfon” Fernández, o único detido durante a folga xeral do pasado 14 de novembro que continúa en prisión, concretamente no cárcere madrileño de Soto del Real.
O manifesto foi lido por Elena Ortega, nai de “Alfon”, que enunciou que o mozo “continúa en prisión preventiva, e nun tratamento de excepcionalidade aplicóuselle o réxime FIES 5, un protocolo carcelario de illamento e control totalmente ilegal”. Todos o deputado/as presentes adheríronse a este manifesto, entre eles os de EU, entre os que estaban Cayo Lara, José Luís Centella, Gaspar Llamazares, Ascensión das Heras, Joan Josep Nuet, Ricardo Sixto e Alberto Garzón, ademais do parlamentario/as que completan o resto de formacións do Grupo de EU, ICV-EUiA, CHA e do Grupo Mixto.
Llamazares, portavoz de EU na Comisión de Xustiza, informou de que todos eles, ademais do Grupo do PNV e do Grupo Socialista “este último non quixo sumarse á protesta na beirarrúa do Congreso-, remitiron senllas cartas ao ministro do Interior, Jorge Fernández Díaz, e ao fiscal xeral do Estado, Eduardo Torres Doce, esixindo a posta en liberdade de Alfonso Fernández.
Ademais, algúns destes parlamentarios aproveitaron a súa quenda de intervención no Pleno en relación a outras cuestións para facer alusión a este tema e facer visibles os adhesivos en solidariedade con “Alfon” que levaban no peito.
Alfonso Fernández foi arrestado o 14 de novembro na porta da súa casa cando se dispuña a participar nun piquete informativo. Tamén se detivo á súa compañeira, aínda que 72 horas máis tarde foi posta en liberdade con cargos. El foi enviado a prisión acusado de “alarma social”, segundo lembrou a súa nai.
A familia de “Alfon” considera que a súa figura se está utilizando para “dar unha lección” a todos os que levan meses saíndo á rúa para defender os dereitos sociais. “Non toleramos esta represión nin esta criminalización propia de tempos pasados e cuxo obxectivo é atemorizar, ameazar ou asustar para que os colectivos se desmovilicen a causa do medo”, advertiu.
Elena Ortega agradeceu a colaboración a todas as formacións que lle axudou para trasladar esta reivindicación ás portas do Congreso e tamén no interior cos adhesivos de apoio.
No escrito dirixido ao ministro do Interior, o parlamentario/as asinantes sinalan que “despois dun mes prisión preventiva cremos que chegou o momento da súa liberación inmediata, dado que existe arraigamento e, por tanto ningún risco de fuga”. Indican tamén que todo este proceso pode “pór en cuestión os dereitos civís da cidadanía” e que se está substituíndo paulatinamente “o Estado social e democrático de dereito por un Estado penal e policial”.
Arquivado en: Actos,Noticias | Etiquetado: Alfon,Esquerda Unida,Folga Xeral,Izquierda Unida,Represión | Deixar un comentario »
ESQUERDA UNIDA PIDE A IMPLICACIÓN DE TODA A SOCIEDADE VIGUESA NA FOLGA XERAL DO 14 DE NOVEMBRO
Publicado o Novembro 12, 2012 por euvigo
CON UN DE CADA CATRO VIGUESES E VIGUESAS DA FÓRA DO MUNDO LABORAL ESTA FOLGA XERAL DO 14N TEN QUE SER POR FORZA TAMÉN SOCIAL. NON PODE SER UNHA FOLGA ESTRITAMENTE LIGADA AOS CENTROS DE TRABALLO, OBRIGATORIAMENTE TEN QUE ESTAR SUSTENTADA NOS ESTUDANTES, XUBILADOS E PENSIONISTAS, AUTÓNOMOS, ETC..
ESQUERDA UNIDA será un catalizador social desa necesaria unión entre o mundo do traballo, da cultura, do ensino, da militancia social e veciñal para que a folga do 14N sexa un éxito do cal partir para recuperar os dereitos laborais destruídos polos sucesivos gobernos do PP e do PSOE.
ESQUERDA UNIDA felicítase da unidade sindical conquerida e pide que se fagan esforzos de seguir no traballo unitario con organizacións sindicais como a CUT, SF, STEGA, etc… que tamén van xogar un papel importante nesta convocatoria de folga.
Os deputados de ALTERNATIVA GALEGA DE ESQUERDA por Pontevedra dentro da coalición ALTERNATIVA GALEGA DE ESQUERDA, Juan Fajardo e Eva Solla xunto coa militancia de ESQUERDA UNIDA, traballaran nestes días previos e no mesmo día da Folga para que a convocatoria sindical sexa todo un éxito, exercendo de xeito responsable ese mandato das urnas o pasado 21 de outubro de “parar as políticas de dereitas” que a cidadanía expresou colectivamente co seu apoio as candidaturas de ALTERNATIVA GALEGA DE ESQUERDA.
ESQUERDA UNIDA participará colectivamente con pancarta propia e coa presencia de Yolanda Díaz (viceportavoz do grupo parlamentar no Hórreo) na manifestación que sairá ás 11.30 horas da Praza de España en Vigo.
Arquivado en: Noticias | Etiquetado: 14N,Crises,Folga Xeral,Manifestación,Sindicatos,Vigo | Deixar un comentario »
ESQUERDA UNIDA, NO SEU PERCORRIDO DE REUNIÓNS COS SINDICATOS, REÚNESE COA CIG AMOSANDO O SEU APOIO A FOLGA XERAL
Publicado o Marzo 28, 2012 por euvigo
Esquerda Unida de Vigo manterá hoxe Mércores unha xuntanza coa organización comarcal da CIG, para trasladar o seu apoio e respaldar a FOLGA XERAL do 29 e os traballos de mobilización e información, contra un governo e unha patronal que acosan constantemente a clase traballadora e os seus dereitos e a propia convocatoria de folga. EU amosará tamén o seu desexo de superar diferencias e poder organizar coordinadamente, de xeito unitario, os traballos e esforzos contra a reformal laboral.
Arquivado en: Noticias | Etiquetado: 29M,CIG,Esquerda Unida,Folga Xeral,Vigo | Deixar un comentario »
ESQUERDA UNIDA DE VIGO CHAMA A VENCER O MEDO E AS PRESIÓNS E PARTICIPAR ACTIVAMENTE NA FOLGA XERAL DO 29 DE MARZO
Publicado o Marzo 27, 2012 por euvigo
O coordenador local de EU en Vigo Rubén Pérez fixo hoxe unha chamada a vencer o medo e as presións patronais e á participación activa dos traballadores e traballadoras na FOLGA XERAL DO 29 S.
EU considera indispensable afrontar un calendario de loita unitario ante esta reforma laboral que supón abaratar o despido, incluso facilita o despido colectivo, tamén supón o esnaquizamento da negociación colectiva, xerando nos traballadores e traballadoras indefensión ante unhas medidas draconianas que precarizan o emprego.
EU denuncia igualmente que moitas empresas de Vigo están presionando aos traballadores con amenazas en caso de secundar a convocatoria polo que lembra que estas poden ser denunciadas anónimamente en calqueira dos tres sindicatos maioritarios. O dereito democrático e constitucional á Folga, engandiu Rubén Pérez, está máis ameazado que nunca polo que a resposta ten que ser “contundente”.
ESQUERDA UNIDA lamenta que as organizacións sindicais non chegasen a un acordo de mobilización unitaria polo que anima á participar posteriormente nas manifestacións convocadas por CIG, UXT-CCOO e CUT-CGT, que entre as 11 e 12 horas do 29 trascorrerán polas rúas da cidade.
EU considera que esta convocatoria de Folga ven a ser un punto de partida, non de fin, para erradicar esta contrareforma laboral da axenda política do goberno, polo que augura un calendario extenso de mobilizacións de aqui en diante.
Secretaría de Comunicación de EU VIGO
Arquivado en: Noticias | Etiquetado: Esquerda Unida,Folga Xeral,Vigo | 1 Comentario »
ESQUERDA UNIDA DE VIGO REÚNESE CON CCOO E UXT PARA RESPALDAR Á FOLGA DO 29M
Publicado o Marzo 25, 2012 por euvigo
Xuntanza de EU, CCOO e UXT en 2010 antes da FOLGA DO 29S
ESQUERDA UNIDA de Vigo manterá o luns 26 unha xuntanza con Jose Cameselle (Secretario Comarcal de CCOO) e Antonio Juste (da UXT) para dar traslado do apoio de EU á FOLGA XERAL do 29 de Marzo así como aos traballos de concienciación e mobilización que, nestes días previos e ante o acoso de goberno e patronal á convocatoria de folga, fanse indispensables. EU manterá tamén xuntanzas co resto das organizacións sindicais da cidade antes do día 29 para amosar o apoio da formación e a súa aposta por superar diferencias e coordinar unitariamente os esforzos para parar esta contrareforma laboral.
Arquivado en: Noticias | Etiquetado: 29M,CCOO,Crises,Esquerda Unida,Folga Xeral,UGT,Vigo | Deixar un comentario »
RUBÉN PÉREZ: A CONVOCATORIA UNITARIA DE FOLGA XERAL O DÍA 29 É A NOTICIA POSITIVA QUE ESPERABAMOS OS TRABALLADORES E TRABALLADORAS PARA CONFRONTAR A REFORMA LABORAL DO PP
Publicado o Marzo 9, 2012 por euvigo
O coordenador local de EU en Vigo valorou hoxe a convocatoria de FOLGA XERAL para o día 29 de marzo por parte de UXT e CCOO, que se une en data á da CIG, como unha noticia esperanzadora para os retos e loitas que a clase obreira ten que afrontar indefectiblemente nestes tempos. Recorda de a Folga é un método non un fin polo que as mobilizacións destas semáns e as que restan son indispensables para o bo suceso do paro xeral.
O coordenador local de EU en Vigo lembra que fai 40 anos a clase obreira en Ferrol loitou e sufriu a violencia mortal do franquismo. A cidade viviu en loita a declaración do estado de excepción ante as loitas obreiras e populares.Contou daquela coa solidariedade fraternal da cidade, do país ( coas loitas de Vigo ) e de moitos traballadores no Estado. Logo de 40 anos tornamos a vivir en loita o 10 de Marzo, Día da Clase Obeira Galega, nunha situación de excepción producida polo Golpe de Estado laboral do PP, que tenta rematar cos fráxiles dereitos que as sucesivas contrarreformas laborais teñen castigado á clase traballadora.
Para EU este GOLPE DE ESTADO LABORAL DO PP agóchase nunha suposta intentona de saída da crise, o capital e os seus capataces están a destruír os restos do Estado social e de dereito recoñecido na Constitución para implantar unha brutal ditadura do patrón nas empresas: despedimentos libres logo dun ano de traballo, reducións arbitrarias de salario e cambios nos horarios e postos de traballo; abaratamento maior dos despidos, atrancos para exercer o dereito de lactancia e a conciliación da vida familiar e laboral… todo elo regado con cuantiosas subvencións de diñeiro público de todas e todos nós para que nos sobreexploten a discreción.
A NOSA REPOSTA TEN QUE SER, HOXE COMO ONTE, LOITA E UNIDADE DAS TRABALLADORAS E TRABALLADORES. Cando unas trescentas mil persoas restan no paro en Galicia, cando a pobreza roe o día a día dunhas 600.000 persoas no noso país, cando se recortan nos servizos públicos da sanidade, educación e dependencia e se privatizan hospitais, centros de saúde e escolas infantís, é tempo de actualizar as leccións que as mulleres e homes da clase traballadora nos legaron daquel marzo, é tempo de loita unitaria na defensa dos nosos dereitos como traballadoras e traballadores, porque os dereitos se gañan na loita e se perden cando caemos na resignación e no mal menor.
Arquivado en: Noticias | Etiquetado: 29M,CCOO,CIG,Folga Xeral,Reforma laboral,UGT,Vigo | Deixar un comentario »
ESQUERDA UNIDA CHAMA A MOBILIZARSE O 29 DE FEBREIRO
Publicado o Febreiro 28, 2012 por euvigo
O CONSELLO LOCAL DE EU DE VIGO CHAMA A PARTICIPAR Á CIDADANÍA NA XORNADA DE ACCIÓN EUROPEA CONVOCADA POLO SINDICALISMO DE CLASE EUROPEO E QUE NA DEFENSA DO EMPREGO, OS SERVIZOS PÚBLICOS E CONTRA O GOLPE DE ESTADO EN MATERIA LABORAL.
A devandita mobilización está convoca pola CES (Confederación Europea de Sindicatos), nas vésperas do Consello Europeo, esa malfadada sorte de directorio franco-alemán que tiraniza en clave neoliberal aos pobos e clases traballadoras do continente europeo. Esquerda Unida entende indispensable profundar na xeira de mobilizacións e loita social na defensa dos dereitos sociais e democráticos que a ofensiva posta en marcha polo PP ameaza de xeito radical no noso país e así no conxunto do Estado como en Europa.
Este mércores, día 29, as mulleres e homes de Esquerda Unida tornarán a sumarse enfronte do MARCO ás 20 horas a unha esixencia cívica de cambio social nas políticas europeas, na convocatoria que CC.OO e UGT realizan no marco europeo. Hoxendía segue a ser unha esixencia perentoria a vella fórmula do internacionalismo proletario, que reclama a acción unitaria das clases traballadoras.
Nesa loita sostida, EU avoga polo máximo grao de unidade por parte do sindicalismo de clase do noso país, e polas entidades políticas e sociais que acreditan noutra alternativa política ás actuais directrices neoliberais. Esquerda Unida está certa de que unha vez máis, as mulleres e homes de Vigo van saír ás rúas para demandar na linguaxe veraz e formidable das rúas un futuro distinto mellor para a nosa cidadanía, futuro que pasa inexcusablemente polo fortalecemento duns servizos públicos gratuítos, universais e de calidade, xestionados de xeito público directo.
Xa que logo, EU vai soster a animar as mobilizacións que están a desenvolver as traballadoras e traballadores públicos na nosa cidade.
Arquivado en: Noticias | Etiquetado: CCOO,Crises,Europa,Folga Xeral,Manifestación,Sindicatos,UGT,Vigo | Deixar un comentario »
ESQUERDA UNIDA DE VIGO APOIARÁ ACTIVAMENTE AS MOBILIZACIÓNS SINDICAIS DO 19 DE FEBREIRO PERO LEMBRA QUE O OBXETIVO INELUDIBLE TEN QUE SER A FOLGA XERAL
Publicado o Febreiro 13, 2012 por euvigo
EU da comenzo a unha campaña de sensibilización social editando un cartel lembrando a figura de Marcelino Camacho, autor de varias folgas contras as políticas regresivas do goberno e que entendía a Folga Xeral como un medio imprescindible para concienciar á clase obreira. 
Para ESQUERDA UNIDA non é verdade que o texto elaborado polo Executivo de Mariano Rajoy vaia a xerar máis emprego, ao contrario, fai o despedimento máis fácil e máis barato, legaliza o traballo precario, acaba coa negociación colectiva e converte aos parados con prestación en voluntarios forzados.
O plan do Goberno Rajoy trata de enfrontar aos parados cos traballadores, coma se uns debésenlles algo aos outros; fai o despedimento máis barato e máis fácil para que algunhas empresas, mesmo sen perdas, poidan despedir máis. Ademáis concreta as razóns obxectivas do despedimento procedente, o que implica que calquera empresa, aínda que non teña perdas reais, pode despedir aos traballadores.
Igual de grave é que a eliminación da autorización administrativa para levar a cabo os expedientes de regulación de emprego ERE e que as indemnizacións por despedimento improcedente pasen de 45 a 33 días por ano traballado.
ESQUERDA UNIDA recorda que a reforma deixa fóra da negociación colectiva a máis do 85% dos traballadores que están nas pequenas e medianas empresas, onde nunha porcentaxe altísima non hai representación sindical, polo que quedan en mans do que se decida en cada empresa ou cada lugar. Os traballadores quedan máis indefensos ante a propia empresa.
Arquivado en: Noticias | Etiquetado: Crises,Despido,Emprego,Folga Xeral,Manifestación,Negociación colectiva,Reforma laboral,Sindicatos,Vigo | Deixar un comentario »
ESQUERDA UNIDA CONSIDERA INTOLERABLE QUE EMPRESAS COMO UNISONO DESPIDAN A 117 TRABALLADORES CANDO RECIBIRON AXUDAS DO IGAPE A CAMBIO DE CREAR EMPREGO
Publicado o Xuño 29, 2011 por euvigo
O coordenador local de ESQUERDA UNIDA en Vigo, Rubén Pérez igualmente anunciou que ESQUERDA UNIDA apoia a folga do sector do venres 1 de xullo convocada no ámbito da negociación do V Convenio do sector do telemarketing, e que ven a exemplificar a actitude destas empresas diante dos lexítimos dereitos dos traballadores e traballadoras.
Rubén Pérez denuncia que novamente unha empresa con axudas públicas e con resultados económicos favorables executa un ERE de extinción para deslocalizar os servicios a outros países sen que as administracións actúen. Lembra que como denuncian as organizacións sindicais en 2007 fóiselle otorgada unha axuda do IGAPE que estaba condicionada a creación de emprego durante 5 anos a contar dende a posta en marcha do proxecto financiado que era a apertura deste centro que vai xer fechado. Actuacións de empresas como UNISONO, BOSH, SKIES, etc… son as que xustifican a FOLGA XERAL no sector que ESQUERDA UNIDA apoia sen fisuras.
ESQUERDA UNIDA considera que a reforma laboral do PSOE e a ampliación das causalidades nos casos de ERES de suspensión e extinción supoñen unha grave agresión a traballadores e traballadoras como os de UNISONO donde os salarios escuetos e as condicións de traballo precarias permiten ás compañías non só obter grandes márxes de beneficio senón que diminucións do mesmo (aínda que sigan sendo márxes sobre inversión notables) permiten presentar ERES vergoñentos como este. ESQUERDA UNIDA considera que a diminución de traballo non pode ser motivo para presentar un ERE de extinción e pide que se audite realmente por parte de inspección de traballo os libros de contas da empresa e a súa inversión en centros noutros países latinoamericanos.
ESQUERDA UNIDA únese solidariamente á plantilla de UNISONO VIGO e pide a Xunta que actúe contra empresas que incumplen os plegos de axudas públicas, deslocalizan producción a terceiros países e fan do desemprego estructural un lucro tendo sempre lexións de traballadores desempregados dispostos a aceptar condicións e traballo cada vez máis precarizadas..
Arquivado en: Noticias | Etiquetado: Crises,ERE,Folga Xeral,Rubén Perez,UNISONO,Vigo | Deixar un comentario »
