Arquivado en: Actos,Noticias,Videoteca | Etiquetado: Alternativa Galega de Esquerda,Autonómicas 2012,Eleccións,Eleccións autonómicas,Vigo | Deixar un comentario »
VÍDEO DO ACTO DE ALTERNATIVA GALEGA DE ESQUERDA POLA MEMORIA HISTÓRICA DIANTE DA CRUZ FASCISTA DO CRASTO
Publicado o Outubro 12, 2012 por euvigo
ACTO POLA MEMORIA HISTÓRICA DE ALTERNATIVA GALEGA DE ESQUERDA
Publicado o Outubro 11, 2012 por euvigocom
Arquivado en: Actos,Noticias | Etiquetado: Alternativa Galega de Esquerda,Eleccións,Eleccións autonómicas,Galicia,Memoria histórica,Vigo | Deixar un comentario »
“HAI QUE PARALOS”: LEMA DE CAMPAÑA DE ALTERNATIVA GALEGA DE ESQUERDA
Publicado o Outubro 4, 2012 por euvigo
A coalición formada por ESQUERDA UNIDA, ANOVA, EQUO E ESPAZO ECOSOCIALISTA presentou hoxe en Vigo as liñas xerais de campaña e o seu cartel electoral en Vigo suliñando que “é o momento de que a cidadania tome a palabra nunha situación de “rapiña social” promovida polo PP”.
Na presentación da campaña e do cartel electoral de AGE estiveron presentes as candidatas viguesas da coalición Chelo Martínez, número 2 da candidatura de AGE por Pontevedra e Eva Solla, nº 3 da lista. Para as candidatas ALTERNATIVA GALEGA DE ESQUERDA quere facer da campaña un altofalante para que a esquerda anticapitalista conquira que as súas propostas sexan hexemónicas dentro da maioria social, que non é outra que os traballadores e traballadoras.
A Alternativa Galega de Esquerdas vai realizar mais de 60 actos políticos na cidade de Vigo, actos que chegaran a todas as parroquias e núcleos poboacionais da nosa cidade. Repartos de programa, encontros con movementos sociais da cidade, con cadros sindicais, presentacións sectoriais de programa, actos públicos, etc… no que participarán activamente os membros da candidatura e militantes das organizacións conformantes da coalición.
“É o tempo de empoderarnos como traballadores e traballadoras que, nin somos culpables da crise, nin queremos ser os que paguemos as súas consecuencias” suliñou Chelo Martínez.
A ALTERNATIVA GALEGA DE ESQUERDA dará comezo á campaña em Vigo coa tradicional pegada de cartéis no taboleiro electoral de Porta do Sol as 00:00 de hoxe.
Arquivado en: Noticias | Etiquetado: Alternativa Galega de Esquerda,Autonómicas 2012,Eleccións,Vigo | Deixar un comentario »
RUBÉN PÉREZ (ESQUERDA UNIDA): “A ALTERNATIVA GALEGA DE ESQUERDAS É O MAIOR RETO POLÍTICO QUE A ESQUERDA GALEGA TEN POR DIANTE DENDE O FRENTE POPULAR DE 1936”
Publicado o Setembro 18, 2012 por euvigo
O coordenador local de EU valorou hoxe a candidatura de ALTERNATIVA GALEGA DE ESQUERDAS (configurada por ESQUERDA UNIDA, ANOVA E EQUO) como un exemplo de que as converxencias políticas dende a esquerda anticapitalista e polo tanto recoñecedora dos dereitos colectivos dos pobos e do movemento obreiro, o ecoloxismo, o feminismo como frontes de traballo esenciais para que a maioría social de Galicia, que somos os traballadoras e traballadores, non paguemos a crise capitalista e as súas medidas de recorte social e de dereitos.
Yolanda Díaz (EU) e Xosé M. Beiras (Anova)
Esquerda Unida de Vigo felicítase do perfíl netamente traballador dos candidatos e candidatas de ALTERNATIVA GALEGA DE ESQUERDAS, exemplos de pluralidade sindical e de traballo consciente no eido da cultura, os movementos sociais e a participación social. O coordenador local, Rubén Pérez considera que “algo estaremos facendo ben cando o resto dos partidos que se repartiron a política galega verbo gratia dunha lei electoral inxusta imposta por Fraga e consagrada a rango de fe polo bipartito, adican máis tempo á falar da nosa coalición que a facer propostas concretas e decididas.
Rubén Pérez lembra que en 1936 a urxencia política ante o acoso da dereita e d fascismo obrigou a forzas de diferentes sensibilidades a aupar esforzos na concrección da FRONTE POPULAR feito que foi incapaz de repetirse coa morte de Franco ante a polarización das forzas de esquerda en “estatatistas” e “nacionalistas”. Estos vellos clichés hoxe son ridículos e oportunistas porque o acoso aos galegos ven derivado esencialmente da contradición entre o capital e o traballo nun proceso de acumulación capitalista descoñecido dende a primeira metade do século XX, “ou non son galegos tamén os que se quedan coa plusvalía do noso traballo e explotan e condenan á miseria a centos de galegos e galegas”.
Considera perfectamente asumible para EU a aposta por esta coalición xa que a propia creación de IZQUIERDA UNIDA en 1986 respondía este chamado cando decía o propio manifesto fundacional: “La formación de esa plataforma electoral es, pues, una ineludible necesidad para recupera la esperanza que subyace en los anhelos de tantos españoles que se pronuncian por la paz y la neutralidad, el trabajo para todos, y la consagración, en definitiva somos muchos los que coincidimos en las tradiciones renovadas del movimiento obrero, los planteamientos emergentes de carácter ecologista, el progresismo económico y para la participación política, y la necesidad de rescatar lo que es una visión moderna de un socialismo democrático. Todo ello para el impulso del progreso de una sociedad compleja y diversificada, en la que se han experimentado transformaciones importantes desde el punto de vista filosófico, sociológico, tecnológico y en el modo de formación de las decisiones políticas, económicas y sociales.”
Arquivado en: Campañas,Noticias | Etiquetado: Alternativa Galega de Esquerda,Anova,Autonómicas 2012,Eleccións,Eleccións autonómicas,EQUO,Esquerda Unida,Galicia,Rubén Perez,Vigo,Yolanda Díaz | 1 Comentario »
ESQUERDA UNIDA PROPORÁ NO CONGRESO DOS DEPUTADOS QUE O SECTOR NAVAL SEXA CONSIDERADO OFICIALMENTE COMO ESTRATÉXICO
Publicado o Marzo 2, 2012 por euvigo
O coordenador de Esquerda Unida en Vigo, Rubén Pérez, anunciou hoxe que EU de Galicia e de Andalucía solicitarán conxuntamente que se declare oficialmente ao sector naval como sector estratéxico ao reunir as condicións necesarias para ista cualificación. A proposta, xurdida inicialmente de ESQUERDA UNIDA en Andalucía para os asteleiros públicos gaditanos será extensible a todo o sector naval do Estado, tanto públicos como privados. EU pide un tratamento equivalente ao sector da automoción e ao aeronáutico, que teñen convocatorias específicas de axudas que supoñen unha inxección importante do Goberno.
Esquerda Unida considera que os estaleiros do estado reúnen os requisitos necesarios para que a actividade declárese como estratéxica, ao “ter un tecido empresarial importante que afecta o resto do tecido industrial, por contribuír de forma significativa ao desenvolvemento económico pola súa elevada participación no PIB e sobre todo, por incidir de maneira notable sobre a evolución do mercado de traballo no que respecta á xeración de emprego”,
Esta petición será trasladada por Esquerda Unida ao Congreso dos Deputados co fin de que “desde ese momento, os estaleiros teñan unha consideración específica nos Orzamentos Xerais do Estado”
Esquerda Unida sustenta ademais, a súa proposta en datos achegados polos propios comités de empresa e procedentes de estudos de diversos observatorios económicos, tales como que por cada euro gastado polo Estado no sector naval retornan catro euros ás arcas públicas.
EU de Vigo xa prepara unha iniciativa parlamentaria ao través do deputado aadscrito para temas de Galicia, Jose Luis Centella, para que MINISTERIO DE INDUSTRIA e FOMENTO preparen unha comisión mixta para evaluar ó retorno ao público dos asteleiros privatizados a finais dos 90, establecendo un control público das inversións.
Arquivado en: Noticias | Etiquetado: Cayo Lara,Crises,Eleccións,Izquierda Unida,Sector naval,Vigo | Deixar un comentario »
RUBÉN PÉREZ: “OS MEDIOS TEÑEN QUE CONTRATAR MÁIS XORNALISTAS EN ESTA CAMPAÑA ELECTORAL PARA ASEGURAR A PLURALIDADE DA INFORMACIÓN”
Publicado o Outubro 31, 2011 por euvigo
O candidato de ESQUERDA UNIDA-OS VERDES ao Congreso dos deputados por Pontevedra Rubén Pérez remitirá un decálogo aos directores e directoras dos medios de comunicación pedindo que remate da “sangría de despidos e recortes de traballadores e traballladoras no medios de comunicación” ante un proceso electoral que require pluralidade e dignificación do traballo de xornalista.
O candidato de ESQUERDA UNIDA considera imprescindible que as axudas públicas e facturación que os medios reciben desde institucións públicas como Concellos, Xunta, Deputacións, etc… revirtan na creación de emprego estable no ámbito do xornalismo profesional. Recorda que os xornalistas están saturados, cubrindo en ocasións actos institucionais excesivos ou de pouca importancia informativa como visitas a obras ou anuncios que poden tramitarse perfectamente con roldas de prensa nos edificios administrativos e non en “paraxes inhóspitos”.
Igualmente ESQUERDA UNIDA defende que se esixa aos partidos políticos que concurren a este proceso electoral que se permitan as preguntas nas roldas de prensa e que se permita a filmación e fotografía libre evitando os “enlatados” proporcionados dende os propios partidos que ignoran o traballo do gremio.
O decálogo recolle as seguintes peticións:
- Os medios teñen que garantir a estabilidade laboral e as as condicións salariais e de horas de traballo recollidas nos convenios colectivos do sector.
- Os medios teñen que permitir o traballo libre e obxectivo dos profesionais sen censuras de contados nin directrices ideolóxicas
- Os medios teñen que contratar personal suficiente para a cobertura dos partidos chamados minoritarios e establecerán o equilibro informativo evitando a saturación de información “bipartidista”. Non somentes durante o proceso electoral senón que as plantillas deben ser acordes co traballo informativo real.
- Os medios teñen que evitar solicitar o envío de fotografías dos actos aos partidos sempre que sexa posible xa que para esta actividade existen profesionais competentes e formados chamados fotoxornalistas.
- Os medios deben esixir aos partidos a posibilidade de realizar preguntas aos candidatos sen censura previa dos partidos.
- Os xornalistas deben ter dietas por traslado aos actos de acordo co convenio colectivo do sector.
- Ningún xornalista de ningún medio pode ser censurado ou apartado da acción formativa por parte dun partido político ou candidato.
- As axudas públicas aos medios por parte das administracións (por lectores, por tiraxe…) para EU deberían ser condicionadas ao mantemento do emprego no sector do xornalismo.
- A inserción de propaganda electoral nos medios non pode condicionar a cobertura maior ou menor nun medio.
- Os e as xornalistas teñen que ser tratados con respeto polos candidatos e partidos e os agravios deben ser defendidos públicamente polas direccións dos medios, acudindo á xustiza se é preciso. A cara pública dun medio son os seus profesionais.
Arquivado en: Noticias | Etiquetado: Crises,Eleccións,Medios de comunicación,Rubén Perez,Xerais 2011 | Deixar un comentario »
VÍDEO DA INTERVENCIÓN DO CANDIDATO, RUBÉN PÉREZ, NA CONVENCIÓN PROVINCIAL
Publicado o Setembro 26, 2011 por euvigocom
Arquivado en: Actos,Noticias,Videoteca | Etiquetado: Eleccións,Eleccións xerais,Esquerda Unida,Izquierda Unida,Pontevedra,Rubén Perez,Vigo | Deixar un comentario »
RUBÉN PÉREZ ENCABEZARÁ A CANDIDATURA PROVINCIAL DE ESQUERDA UNIDA
Publicado o Setembro 24, 2011 por euvigo
A convención provincial de ESQUERDA UNIDA acordou hoxe en Vigo presentar como cabeza de lista para as vindeiras eleccións xerais a Rubén Pérez Correa, actual coordinador local en Vigo, membro do Comité Federal do PCE. Licenciado
en Historia, traballa actualmente nunha empresa de informática. As candidaturas ó Congreso e Senado aprobadas supoñen unha renovación do 80% respecto das pasadas eleccións, cunha ampla participación da mocidade.
O acto iniciouse cunha asemblea aberta, na que un 50% dos asistentes eran persoas non afiliadas e na que se debateron as 25 prioridades programáticas que ESQUERDA UNIDA defenderá conxuntamente cos participantes na Convocatoria
Social iniciada en todo o estado.
Rubén Pérez Correa (Candidato de EU pola provincia de Pontevedra)
Na súa intervención Rubén destacou que EU aporta a posibilidade ilusionante de poder seguir votando á esquerda; aporta firmeza na construción dunha barreira contra a agresión ó emprego e ós servizos sociais; aporta coherencia entre o que se di e o que se fai; aporta solvencia na alternativa, para combater a resignación.
Chamou a mobilización para unha saída da crisis que se faga tendo en conta ás persoas e non os poderes financieiros, chamados mercados.
Un sentir maioritario da Convención foi a aposta pola Convocatoria Social como método de construción e participación dende abaixo.
Arquivado en: Actos,Noticias | Etiquetado: Eleccións,Eleccións xerais,Esquerda Unida,Pontevedra,Rubén Perez,Vigo | Deixar un comentario »
ESQUERDA UNIDA DE VIGO FAI PÚBLICO O SEU GASTO ELECTORAL NAS PASADAS MUNICIPAIS 2011
Publicado o Xuño 2, 2011 por euvigo
EU volta a pedir como en 2007 que se cumpla a lei electoral en canto a gasto dos partidos en campaña que sistemática e vulnerada polas grandes forzas sobre todo ao non existir un control real do gasto electoral en precampaña que na nosa cidade foi “brutal”.
O consello local de ESQUERDA UNIDA aprobou o pasado martes 31 de maio o balanzo económico das últimas eleccións municipais en canto a ingresos e gastos do proceso electoral. EU fai público este balanzo como parte da súa aposta pola austeridade no gasto electoral e como plasmación de que é posible facer política dende a austeridade e a transparencia.
O coordenador local de ESQUERDA UNIDA en Vigo Rubén Pérez recorda que ao artículo 193.2 de la Lei Electoral dí: “Para las elecciones municipales, el límite de los gastos electorales será el que resulte de multiplicar por 12 pesetas el número de habitantes correspondientes a las poblaciones de derecho de las circunscripciones donde presente sus candidaturas cada partido (…) Por cada provincia, aquéllos que concurran a las elecciones en, al menos, el 50% de sus municipios, podrán gastar, además, otros 16 millones de pesetas”.
Esto é, a todas luces, sensiblemente inferior ao gasto brutal en valados, publicidade electoral nos medios e edición de materiais de propaganda que fixeron o PP e o PSOE según Rubén Pérez que considera a ESQUERDA UNIDA unha forza modélica na corresponsabilidade, no compromiso militante e na independencia dos poderes financeiros que prestan miles de euros aos partidos durante o proceso electoral e polo tanto “poden as veces condicionar á vida politica dos nosos concellos”.
- Gasto electoral EU-Vigo
Arquivado en: Noticias | Etiquetado: Economía,Eleccións,Esquerda Unida,Lei electoral,Municipais 2011,Vigo | Deixar un comentario »
O CONSELLO LOCAL DE ESQUERDA UNIDA CONSIDERA HISTÓRICOS OS RESULTADO ELECTORAIS EN VIGO E RATIFICA A ESTRATEXIA POLÍTICA DE EU PARA ESTA LEXISLATURA
Publicado o Maio 25, 2011 por euvigo
O coodenador Local de EU Rubén Pérez presentou un informe político no que se suliña o histórico crecemento electoral de EU (maís dun 290% o que significan 4193 votos máis) e pasar do 1,59 ao 4,53. EU quedouse a 0,47 puntos e pouco máis de 300 votos do concelleiro. EU considera que o teito do 5% para as forzas políticas que marca a lei electoral e de ser un sistema proporcional o concelleiro 19 (dos 27) corresponderia a EU. Estes serían uns resultados históricos dende 1986 que EU considera un pulo para consolidar definitivamente o proxecto en Vigo
EU ratificou a súa liña política de elaboración dun programa político alternativo para Vigo que vai ser continuada nestes meses, expondo a proposta programática de EU aos colectivos e movementos sociais aos que non se pudo chegar antes e durante o proceso electoral. EU confrontará a proposta política para que sexa un verdadeiro polo alternativo que recolla as demandas e propostas do tecido asociativo da nosa cidade.
O consello local aprobou un PLAN DE EXTENSIÓN AFILIATIVA de EU que se complementará co artellamento de estructuras descentralizadas da organización nos barrios da cidade co fin de adaptar a proposta programática de EU a realidade dos barrios e ao futuro artellamento distrital que a lei de grandes cidades obrigará se Vigo sube dos 300.000 habitantes.
O consello local informou que ESQUERDA UNIDA dende xaneiro de 2011 experimentou un crecemento afiliativo dun 30% o que facilitará este proceso descentralizado de organización. O coordenador local de EU, Rubén Pérez, considera que o traballo ilusionante e imprescindible que afronta ESQUERDA UNIDA a partir de agora significa un reto pero unha oportunidade histórica para un verdadeiro proxecto de esquerda anticapitalista e alternativa na nosa cidade.
O consello local aprobou igualmente o relanzamento do proceso de refundación en Vigo que levará a EU a retomar o contacto con outras forzas políticas que se parou durante o proceso para evitar confusións electoralistas e oportunistas. Porque unir a esquerda é máis que sumar votos, e falar e coñecerse nas propostas políticas concretas e nos proxectos políticos reais.
Arquivado en: Noticias | Etiquetado: Eleccións,Esquerda Unida,Municipais 2011,Rubén Perez,Vigo | Deixar un comentario »
