 | Julio Alonso en ESQUERDA UNIDA LAMENTA O FALEC… |
| Gracias María Luisa… en ESQUERDA UNIDA LAMENTA O FALEC… | |
 | Roi Rodrguez Cagiao en VÍDEO DO ACTO PÚBLICO SOBRE A… |
 | edu en ESQUERDA UNIDA CONSIDERA QUE M… |
 | Mily en INTERVENCIÓN DA DEPUTADA DE AL… |
Arquivado en: Actos,Noticias | Etiquetado: Alternativa Galega de Esquerda,Área de Educación,CCOO,Crises,Educación,España,Esquerda Unida,FOANPAS,Galicia,STEG,Vigo | Deixar un comentario »
Arquivado en: Actos,Noticias | Etiquetado: Esquerda Unida,Política municipal,Rubén Perez,Vigo | Deixar un comentario »
Os afiliados e afiliadas de EU escollen este sábado no Hotel Coia de Vigo os máis de 60 delegados e delegadas que participarán o vindeiro sábado 27 de abril na Asemblea Nacional de EU. EU afronta este proceso asembleario nun momento de expansión na cidade de Vigo e en toda a comarca viguesa. A localidade de Vigo terá 34 delegados na asemblea nacional.
O coordenador local de EU en Vigo suliña que as máis de 84 enmendas aos documentos que pasan ao plenario da asemblea comarcal amosan o profundo debate que os homes e mulleres de EU están aborandando sobre a situación actual da organización, especialmente o proceso de converxencia dentro de ALTERNATIVA GALEGA DE ESQUERDA e a concrección de alternativas políticas e económicas á crise capitalista
Esquerda Unida celebra a XI Asemblea Nacional que terá lugar o 27 de abril en Compostela. A situación de emerxencia social na que nos atopamos precisan dunha reacción do conxunto da cidadanía. Co obxectivo de sumar para multiplicar, as teses de Esquerda Unida serán presentadas e compartidas cos diferentes movementos e organizacións sociais e sindicais.
Para o coordenador local de EU en Vigo “é preciso repolitizar e uniformizar o conflicto social, un dos obxectivos desta asemblea é organizar a rebeldía para construír a alternativa que dispute a hexemonía e o poder ao neoliberalismo”. A multiplicidade dos conflictos existentes na sociedade e a situación de emerxencia social, precisa dunha reacción conxunta sen sectarismos, capaz de gañar a batalla dende a rebelión nas rúas.
As teses desta asemblea consolidan a postura de Esquerda Unida cara a construción dun bloque social e político anticapitalista”. A loita común e a construción dun bloque social é o xeito de combater as políticas asoballadores dos gobernos neoliberais, Esquerda Unida abre a organización á cidadanía a través das súas áreas de elaboración colectiva, nas que todas as persoas dispostas a traballar polo ben común teñen cabida para entre todos e todas, artellar a rebelión democrática que nos libere da opresión do capital.
Arquivado en: Actos,Noticias | Etiquetado: Esquerda Unida,Galicia,Vigo,XI Asemblea Nacional | Deixar un comentario »
Arquivado en: Noticias,Actos | Etiquetado: Vigo,CCOO,Folga Xeral,Represión,1972 | Deixar un comentario »
EU lembra que iniciativas parlamentarias como a presentada por IU “Proposión de Ley de medidas contra el sobreendeudamiento personal y de protección ante procedimientos de ejecución que afecten a personas naturales” son necesarias pero ante o cariz antidemocrático que están tomando os parlamentos tomar á rúa para reivindicar outra política de vivenda e unha modificación sustancial da lei hipotecaria é imprescindible.
A manifestación de Vigo sairá ás 18 horas dende o M.A.R.C.O.
ESQUERDA UNIDA de Vigo apoia a manifestación polo dereito á vivenda que convoca as Plataformas de Afectados pola Hipoteca de Vigo-Tui Baixo Miño e pide unha implicación da cidadanía viguesa.
Para EU, resulta indispensable a mobilización social fronte aos abusos das entidades financeiras -responsables da crise actual- e a complicidade do goberno. A cidadanía está amosándose como un axente útil, que ven de obrigar a un parlamento estatal a tramitar pola vía de urxencia a ILP da dación en pago promovida por centos de colectivos sociais do estado español.
Porque, para EU 420.000 execucións hipotecarias no Estado o últimos seis anos e 220.000 desafiuzamentos son sinxelamente intolerables.
Esquerda Unida mobilizará a toda a súa militancia e simpatizantes para facer da convocatoria un éxito social e cidadá.
Arquivado en: Actos,Noticias | Etiquetado: Crises,Esquerda Unida,Manifestación | Deixar un comentario »
Esquerda Unida oponse ao plan de reestruturación do transporte público presentado á Xunta pola empresa concesionaria do servizo: ATSA. Dito plan céntrase na eliminación de liñas de autobuses e unha importante redución dalgunhas delas. Aínda que o recorte do servizo do transporte público afecta tanto as comarcas do Val Miñor como a do Baixo Miño, este prodúcese maioritariamente na comarca do Val Miñor.
Esquerda Unida non comparte a idea presentada por ATSA de eliminar a cláusula de obrigatoriedade da prestación do servizo e para disimular o impacto da medida ofrecerse a prestar “voluntariamente” algúns servizos, xa que iso vai a implicar a súa paulatina desaparición.
Entre os servizos que ATSA pretende non estar obrigada a prestar están 7 das frecuencias que pasan por Panxón dirección Vigo. Igualmente a empresa pretende ter só a obriga de prestar 4 servizos diarios de ida e volta de luns a venres, prestando voluntariamente outros 4 servizos. No caso de Baiona preténdese non ter a obrigación de prestar 15 servizos a Vigo.
Para Esquerda Unida o problema de fondo no transporte público é o modelo concesional do transporte público para a súa explotación por empresas privadas, xa que con este modelo as empresas pretender manter so as liñas rentabeis economicamente, sen compensar as liñas que lle dan perdas coas que lles dan beneficios. A Esquerda Unida tamén lle preocupan as perdas de emprego que poden producir estas medidas.
Esquerda Unida considera que para incentivar o transporte colectivo de viaxeiros hai que considerar dito transporte como un servizo e non como un negocio. Elo supón que dito servizo terá que ser prestado por empresas públicas, e que o transporte colectivo sexa de calidade e barato. É necesario subvencionar dito servizo mediante partidas orzamentarias destinadas a empresas públicas. Tamén é necesario que a planificación do transporte de viaxeiros se faga a nivel metropolitano, que o billete de autobús se abarate e que se ofrezan novas modalidades de billetes para tódolos usuarios que promovan o uso máis frecuente do autobús, como poden ser: ida e volta, transferencia, viaxes múltiples, etc. A título de exemplo para ir de Gondomar a Baiona hai que facer transbordo en Ramallosa e comprar dous billetes da mesma empresa.
Esquerda Unida denuncia o retraso inxustificado na elaboración e implantación dun plan de transporte metropolitano, que xa existe noutras areas metropolitanas, polo que esixe as administracións implicadas a súa posta en marcha.
Lembra Esquerda Unida que a Xunta de Galicia ten orzamentados para este ano 5.887.600 euros para o transporte metropolitano dentro do fomento de transporte público, cantidade que no ano 2012 foi de 6.241.237 euros, dos que non poden quedar esquecidas as nosas dúas comarcas.
Por último, Esquerda Unida de toda a comarca de Vigo convoca a unha reunión a todos os colectivos sociais e persoas interesadas no tema o próximo mércores, día 6 de febreiro as 20:00 no Centro Cultural O Torreiro de Priegue, para informarlle dos recortes no transporte público, así como as alternativas de mobilidades no Val Miñor e as medidas que se poden tomar para intentar paliar estes recortes.
Arquivado en: Actos,Noticias | Etiquetado: Esquerda Unida,Nigrán,transporte público,Val Miñor,Vigo | Deixar un comentario »
A concentración de Vigo será mañá venres 28 ás 18 horas no M.A.R.C.O.
ESQUERDA UNIDA súmase á concentración días despois de que Deputados do Grupo Parlamentario de EU, ICV-EUiA, CHA, xunto a algúns representantes das formacións integradas no Grupo Mixto, arrouparan na porta do Congreso dos Deputados a lectura dun manifesto de apoio a Alfonso “Alfon” Fernández, o único detido durante a folga xeral do pasado 14 de novembro que continúa en prisión, concretamente no cárcere madrileño de Soto del Real.
O manifesto foi lido por Elena Ortega, nai de “Alfon”, que enunciou que o mozo “continúa en prisión preventiva, e nun tratamento de excepcionalidade aplicóuselle o réxime FIES 5, un protocolo carcelario de illamento e control totalmente ilegal”. Todos o deputado/as presentes adheríronse a este manifesto, entre eles os de EU, entre os que estaban Cayo Lara, José Luís Centella, Gaspar Llamazares, Ascensión das Heras, Joan Josep Nuet, Ricardo Sixto e Alberto Garzón, ademais do parlamentario/as que completan o resto de formacións do Grupo de EU, ICV-EUiA, CHA e do Grupo Mixto.
Llamazares, portavoz de EU na Comisión de Xustiza, informou de que todos eles, ademais do Grupo do PNV e do Grupo Socialista “este último non quixo sumarse á protesta na beirarrúa do Congreso-, remitiron senllas cartas ao ministro do Interior, Jorge Fernández Díaz, e ao fiscal xeral do Estado, Eduardo Torres Doce, esixindo a posta en liberdade de Alfonso Fernández.
Ademais, algúns destes parlamentarios aproveitaron a súa quenda de intervención no Pleno en relación a outras cuestións para facer alusión a este tema e facer visibles os adhesivos en solidariedade con “Alfon” que levaban no peito.
Alfonso Fernández foi arrestado o 14 de novembro na porta da súa casa cando se dispuña a participar nun piquete informativo. Tamén se detivo á súa compañeira, aínda que 72 horas máis tarde foi posta en liberdade con cargos. El foi enviado a prisión acusado de “alarma social”, segundo lembrou a súa nai.
A familia de “Alfon” considera que a súa figura se está utilizando para “dar unha lección” a todos os que levan meses saíndo á rúa para defender os dereitos sociais. “Non toleramos esta represión nin esta criminalización propia de tempos pasados e cuxo obxectivo é atemorizar, ameazar ou asustar para que os colectivos se desmovilicen a causa do medo”, advertiu.
Elena Ortega agradeceu a colaboración a todas as formacións que lle axudou para trasladar esta reivindicación ás portas do Congreso e tamén no interior cos adhesivos de apoio.
No escrito dirixido ao ministro do Interior, o parlamentario/as asinantes sinalan que “despois dun mes prisión preventiva cremos que chegou o momento da súa liberación inmediata, dado que existe arraigamento e, por tanto ningún risco de fuga”. Indican tamén que todo este proceso pode “pór en cuestión os dereitos civís da cidadanía” e que se está substituíndo paulatinamente “o Estado social e democrático de dereito por un Estado penal e policial”.
Arquivado en: Actos,Noticias | Etiquetado: Alfon,Esquerda Unida,Folga Xeral,Izquierda Unida,Represión | Deixar un comentario »
Arquivado en: Actos,Noticias,Videoteca | Etiquetado: Alternativa Galega de Esquerda,Autonómicas 2012,Eleccións,Eleccións autonómicas,Vigo | Deixar un comentario »
Arquivado en: Actos,Noticias | Etiquetado: Alternativa Galega de Esquerda,Eleccións,Eleccións autonómicas,Galicia,Memoria histórica,Vigo | Deixar un comentario »
