Como sabes EU (e IU a nivel federal) está a desenvolver nestes meses o proceso de Refundación da Esquerda, no convencemento de que cómpre forxar un novo proceso e converxencia política, social e cultural que achegue forzas e alumee unha esperanza para milleiros de activistas sociais e culturais, para a clase traballadora, para todos os sectores sociais populares agredidos polas políticas neoliberais da globalización capitalista.
O esforzo político e organizativo que estamos a levar a cabo vai ter un fito da meirande importancia no ACTO PÚBLICO DA REFUNDACIÓN DE EU, que imos celebrar o día 5 de xuño de 2010 ás 11:30 no teatro Principal de Santiago de Compostela (Rúa Nova, 21) Esta confirmada a asistencia de Cayo Lara, Coordinador General de IU, así coma diferentes representantes da esquerda social galega.
Haberá buses dende Vigo para ir todos xuntos/as a Santiago.
Os horarios son os seguintes:
- 10:00 Saída de bus dede enfronte do Colexio Salesianos (Rúa Venezuela). Cada usuario do bus pagará 2 € en concepto de axuda.
- 11:30 Comezo do acto de Refundación no Teatro Principal de Santiago
- 14:30 Transporte en Autobús desde o Teatro Principal ao Monte da Condesa para comer alí. O custe do plato son 4,5 € (aproximadamente). Cada asistente pagará a súa comida.
- 16:15 Saimos de Santiago cara a Vigo.
- 17:30 Chegada a Vigo.
Se es afiliado/a ou simpatizante de EU e queres asistir a este acto, ou ben coñeces xente que estea interesada en asistir, ponte en contacto co responsable local de Refundación nos teléfonos 606 275 130 / 986 246 183, ou a través do correo eu-vigo@esquerdaunida.org (Asunto: Eu asistirei ao acto do día 5).
Agradecemos que nos informes da túa asistencia canto antes, para ver cantos buses fletamos.
Recibe un cordial saúdo
Consello Local de EU Vigo
Arquivado en: Actos,Noticias Etiquetado: | Cayo Lara,Esquerda Unida,Galicia,Refundación da esquerda
