Arquivado en: Campañas | Etiquetado: Auga | Comentarios desactivados
ESQUERDA UNIDA APOIA E PARTICIPA MAÑÁ A MOBILIZACIÓN CONTRA A SUPRESIÓN DO PARTIDO XUDICIAL DE VIGO
Publicado o Maio 21, 2013 por euvigo
Para EU a proposta realizada polo Consello Xeral do Poder Xudicial e asumida polo Ministerio de Xustiza supón un revés para os intereses dos cidadáns en xeral, do xusticiable en particular e un agravio especial á cidade de Vigo, como realidade non só xeográfica, senón de espazo organizado de servizos públicos e de vertebración territorial.
A supresión dos partidos xudiciais é contraria ao interese xeral por canto non garante nin máis recursos nin maior eficacia na prestación dun servizo público esencial como o é a Administración de Xustiza. A reorganización do mapa xudicial preténdese realizar sen diálogo cos cidadáns afectados, sen debate político e institucional cos municipios afectados e sen a anuencia dos profesionais.
A desaparición dos partidos xudiciais non se vai a facer en aras dun mapa xudicial máis racional ou acorde aos intereses do xusticiable, senón que parte dunha realidade que segue escondendo o principal problema para os cidadáns: a falta de xuíces, a carencia de medios e o insuficiente financiamento dunha Administración que require dun gran investimento para ser modernizada e para ser eficaz.
Esixe que o debate sobre a modificación da Lei de Demarcación e Planta non se aborde se previamente non se afronta a urxente necesidade de aumentar o nº de xuíces en España, e de recursos para a Administración de Xustiza. Para EU é necesaria pre a garantía de prestación de servizos ineludibles: quenda de oficio, dereito de defensa a inmigrantes, informatización dos xulgados actuais, recursos para as fiscalías, aumento do nº de xuíces e especialización dos mesmos.
INSTAMOS a partidos e institucións a DEFENDER unha Xustiza próxima ao cidadán, rápida e eficaz,a ESIXIR que calquera modificación da planta xudicial se realice con criterios de ordenación territorial racionais, que prioricen a comarcalización e que teñan en conta, que determinadas comarcas, pola súa situación económica desfavorable, necesitan de maior esforzo por parte das administracións públicas, para fixar servizos e poboación como estratexia de futuro.
Arquivado en: Noticias | Etiquetado: partido xudicial,Vigo,xustiza | Deixar un comentario »
ESQUERDA UNIDA DUDA DA SOLVENCIA ECONÓMICA DE EUROFUND E DENUNCIA QUE A SOCIEDADE CREADA PARA LEVAR ADIANTE O PROXECTO TEN UN CAPITAL SOCIAL DE 3.006 EUROS.
Publicado o Maio 20, 2013 por euvigo
O coodenador local de EU en Vigo Rubén Pérez considera que os inversores non terán responsabilidade patrimonial e que EUROFUND volta a realizar a mesma xogada que noutros concellos de estado, rexistrando no Rexistro Mercantil unha sociedade EUROFUND INVESTMENTS PORTO CABRAL SOCIEDAD LIMITADA de pouco máis de 3000 euros de capital social, polo que podemos perfectamente cun proxecto nada claro e orientado á especulación pura e dura de terrenos rústicos. Lembra que esta cifra, que da a contabilidade social, é a que marca a participación dos socios e a solvencia da sociedade.
EU lembra que xurídicamente non é a matriz holandesa á que acude ao concurso senón una sociedade unipersonal española polo que ten que cumplir os requisitos de solvencia recollidos no PROCEDIMIENTO DE CONTRATACION PÚBLICA. Os anuncios de “socios inversores” de EUROFUNDS son meros globos sonda xa que se son inversores que poñan “os cartos enriba da mesa no momento da licitación”
Estaremos atentos á mesa de contratación e as propias escrituras da empresa concursante xa que consideramos que non hai solvencia para entregarlle medio millón de metros cadrados de superficie forestal.
EU esixirá ao interventor do Concello de Vigo que evite casos como o de Collado Villaba onde o pleno do concello, previo informe negativo do interventor, parou a concesión dos terrenos a esta empresa, neste caso Eurofund Investments A Vila S.L. ao entender que o convenio urbanístico perxudicaba de xeito evidente ao concello e non ofrecía a solvencia económica necesaria.
EU oponse radicalmente a este proxecto por causas medioambientais, de usos futuros do noso monte, económicas e de impacto sobre o pequeno e medio comercio pero, “somos conscientes de que proxectos como estos se paran na propia tramitación legal, acudindo a fiscalia se é preciso”.
Arquivado en: Noticias | Etiquetado: Ecoloxía,Emprego,EUROFUND,Política municipal,Porto Cabral,Urbanismo,Vigo | Deixar un comentario »
ESQUERDA UNIDA LAMENTA O FALECEMENTO DA NOSA COMPAÑEIRA MARIA LUISA FERNÁNDEZ, ACTIVISTA SOCIAL E CANDIDATA Á ALCALDÍA DE VIGO POR EU EN 2007
Publicado o Maio 18, 2013 por euvigo
O coordenador local de EU Rubén Pérez, lamentou hoxe o falecemento da compañeira Luisa, figura referencial de moitos movementos sociais de Vigo nos que participou activamente: Comités anti-sida; o IMAN, a Marcha Mundial das Mulleres, etc..
Para o coordenador local de EU en Vigo: “Luisa ensinounos a toda unha xeración de mozos e mozas que nos incorporáramos á militancia política nos 90 que esta non tiña sentido sen unha interlocución sinceira e activa co tecido social”. Foi mestra no laboral pero tamén mestra de todos os homes e mulleres de EU. O cariño e a vontade de buscar espazos comúns para todos as forzas de esquerda da cidade foron sen dúbida o mellor dos piares que ela nos deixou e que hoxe fortalecen o proxecto da esquerda transformadora na nosa cidade.
Mestra. Natural de Monforte, residía en Vigo dende o ano 79. Militou no PC dende o ano 72 e en Esquerda Unida dende a sua formación. Foi militante activa no colectivo vigués antisida (IMAN) e no movemento feminista, nomeadamente no Colectivo Violeta e na Marcha Mundial das Mulleres. Membro tamén da Asociación de axuda ós presos Concepción Arenal.
O coordenador local de EU lembra o compromiso militante de Luisa, que en tempos difíciles para a organización non dubidou en aceptar ser cabeza de lista de ESQUERDA UNIDA nas municipais de 2007 en Vigo cando a organización solicitoullo.
Nestes tempos duros, de recortes e de pauperización da vida e dos servicios sociais, notaremos sen dúbida o traballo e o cariño e ánimos da nosa querida Luisa
Que a terra lle seña leve. Gracias por todo compañeira
Arquivado en: Noticias | 2 Comentarios »
17 DE MAIO TAMÉN CONTRA A LGTBfobia
Publicado o Maio 16, 2013 por euvigocom
Arquivado en: Manifestos,Noticias | Etiquetado: 17 de Maio,ALEAS,Esquerda Unida,LGTBfobia,LGTBI,Mundo | Deixar un comentario »
A DEPUTADA EVA SOLLA LÉMBRALLE AO PP QUE NO CORPO DAS MULLERES SÓ MANDAN AS MULLERES
Publicado o Maio 15, 2013 por euvigo
Arquivado en: Noticias,Videoteca | Etiquetado: Aborto,Alternativa Galega de Esquerda,Esquerda Unida,Eva Solla,Sanidade | Deixar un comentario »
ESQUERDA UNIDA DE VIGO CONSIDERA QUE PP ESTÁ BOTANDO UNHA CORTINA DE FUME SOBRE O PROBLEMA REAL DO FUTURO HOSPITAL DE VIGO
Publicado o Maio 15, 2013 por euvigo
Para EU de Vigo o debate sobre as obras de infraestructuras e accesos que ten que facer supostamente o concello de Vigo que hoxe introduzo o PP no parlamento é o “problema menor” que agora ten todo o proxecto do novo hospital.
Esquerda Unida sigue considerando que O Novo Hospital de Vigo é unha infraestructura Sanitaria que ten como finalidade a satisfación das necesidades de atención sanitaria da poboación do área de saúde de Vigo, e que o feito de estar concebida mediante explotación de dita infraestructura sanitaria por parte da empresa privada coloca todo o proxecto a unha exposición a inestabilidade empresarial e financeira que estamos vivindo no país.
Igualmente considera que no convenio asinado entre o Concello de Vigo e o SERGAS, no punto sétimo especifícase que o concello executará as infraestructuras, pero unha cousa é executar e outra pagar, polo que o concello se vexa na obriga de executalas, os costes o deberían ser satisfeitos pola empresa que vai a explotar a totalidade do Novo Hospital De Vigo. Ningún Concello debería poñer gratuítamente infraestructuras a inversores privados.
EU tamén considera que, para que ningunha empresa privada se beneficie dos beneficios que se conceden aos equipamentos sanitarios públicos debería modificarse a actual ordenanza municipal sobre o IBI coas seguintes actuacións:
1. Solicitar a modificación da ordenanza fiscal do IBI, no artigo 5.1.i que di: “Os centros sanitarios da titularidade do SERGAS que se creen con posterioridade a 1 de xaneiro de 2007 e, mentras que continuen afectados a uso sanitario”
Quedando como segue:
i) Os centros sanitarios da titularidade do SERGAS que se creen con posterioridade a 1 de xaneiro de 2007 e, mentras que continuen afectados a uso sanitario e sexan explotados polo SERGAS.
Arquivado en: Noticias | Etiquetado: Novo hospital,Vigo | Deixar un comentario »
A DEPUTADA EVA SOLLA DENUNCIA AS CONSTANTES MENTIRAS E INCUMPLIMENTOS CO HOSPITAL DE VIGO
Publicado o Maio 15, 2013 por euvigo
Arquivado en: Noticias,Videoteca | Etiquetado: Alternativa Galega de Esquerda,Esquerda Unida,Eva Solla,Novo hospital,Vigo | Deixar un comentario »
